السلام عليكم ورحمة الله وبركاته ,,
مادري من وين ابدأ بس حابة أفضفض لكم أحس اني شايلة حمل ثقيل ومو قادرة اشيله عن صدري
انا سبق وغثيتكم بمشاكلي مع زوجي بس الحين خلاص على وشك ننفصل عن بعض
وصلنا للنهاية أخيراً بعد عشرة 5 سنوات من العذاب والمشاكل (وشوي من الفرح ) لكنه ما يشفع
أنا مشاكلي مع زوجي زادت في الفترة الأخيرة , أنا صرت عصبية وما اتحمل شي وهو زادها علي أكثر واكثر
زوجي عنده عقم ومن يوم تزوجنا وأنا أشن عليه حروب عشان يتعالج وهو رافض الفكرة ويماطل وأهله يوم دروا ان المشكلة من عنده وشافوا فحوصاتي سليمة صاروا يكسلون عليه ويهونون الموضوع , حتى مرة أمه قالتلي انطري مافيه داعي تتعالجون غيركم صبر 20 سنة وش وراكم!!
انصدمت كثير .. أولاً لأني اول مرة أشوف أهل مايبون يشوفون عيال ولدهم , ثانياً لأن زوجي شخصيته ضعيفة عند امه وابوه ويمشونه على مزاجهم ويتدخلون في حياتنا , ثالثاً لأنه مهمل فيني ولو اقعد زعلانه بالشهور ما يراضيني حتى لو الغلط عليه ,, آخر همه زعلي .. واشياء وااااااجد ماتكفي صفحات المنتدى كله لذكرها ..
تخيلوا .. صارلنا سنة متزاعلين مافكر انه يراضيني ؟! وانا احاول أرجع الأمور لمجاريها وبنفس الوقت مو هاينه علي كرامتي ولازم يراضيني او يعتذرلي لكنه ولا حاول انه يرضيني بالعكس صار
يبعد عني أكثر !! .. قهرني يا بنات والله انقهرت على الشهور والسنين اللي ضيعتها مع واحد مثله
بايعني وانا اللي حبيته وسترت عيوبه قدام كل الناس حتى أهله وتحملت أذاهم في بداية زواجي
ياما عانيت وتضايقت من أشيا ما فكر انه يسألني شفيج .. آخر فترة اضطريت اني اسافر الأردن شهرين فالصيف عشان ادرس مواد صيفي تبع الجامعة عشان أقدر اتخرج بعد سنة واتفقنا ع السفر وحسمنا أمورنا وقلنا بنستغل الفرصة ونسوي طفل أنابيب بالمرة .. لين قبل السفر بأربعة ايام ابوه قاله لا تسافرون وبالفعل ما كذب خبر جاني وقالي مافي سفر !!!
اللي قاهرني اني حبيته من كل قلبي .. لكن من انجرحت كرامتي تحول هالحب لكراهية وصرت اتحسف على ايامي اللي ضيعتها معاه .. أنا بنت متعلمة وجميلة من عايلة أستاهل حد يحبني ويصونني لكن الله بلاني بواحد عديم المشاعر ومتبلد مافكر الا بنفسه وبس مافيه ذرة إنسانية لو أموت قدامه ما يحرك ساكن .. مرة كنت مريضة وجاتني آلام حادة اسفل البطن بسبب نزول الرحم تعرفون هالآلام شلون تذبح لدرجة ماكنت قادرة اخذ نفسي .. وهو نايم قبالي تخيلوا حتى ما فتح عيونه يشوف شفيني ؟! ويوم أذيته عشان يصحى من النوم قالي بنزل تحت انادي أمي أو اختي بكل برود ونزل وما رجعلي الا بعد ساعتين حتى ماعلم أحد من اهله !! يوم سألته وين رحت قال كنت اتغدى وهو مبتسم وانا غارقة في دموعي !! بذمتكم هذا انسان أأمن على نفسي عنده !
هذا وانا في عزي شلون لو كبرت وعجزت شبيسوي فيني !
فيه نقطة بعد .. خلال السنة الأخيرة اللي تهاوشنا فيها ولا فكر انه يصالحني او يطيب خاطري بشي وطول الوقت يستفزني ويلعب باعصابي وملاحظ اني من الضغط والمشاكل والدراسة صرت عصبية
ونفسيتي زفت ومع ذلك يتفنن شلون يلعب بمشاعري أكثر بدال مايراعيني ويحاول يخفف عني بالعكس
اشوفه يفتح المواضيع اللي توترني وتقهرني أكثر لو كان يحبني أو يخاف علي كان راعاني أكثر لكنه يبي الفكة وبنفس الوقت أنانيته وتسلطه مو مخلينه يطلقني بهدوء ..
أنا هددته لو ما طلقني بهدوء بفضحه وبقول عن كل شي وبراوي الناس فحوصات تثبت انه عقيم هذا غير اشياء وايد مو قادرة أذكرها .. منها انه لمدة سنة كاملة ماقرب مني ولا أحس ان له رغبة
مع اني متخيلة ان الريال مايقدر يصبر عن هالشي .. وبنفس الوقت اكتشفت انه يكلم بنات من وراي الله العالم شنو حدود علاقاته فيهم لكن ما اتخيل توصل لعلاقات جسدية لأنه مايرغب بالشي هذا ..
أنا عمري 21 سنة وتزوجت وعمري 17 سنة يعني ياهل ماعرف راسي من ريولي ولهالسبب أنا طلعت أهلي من حياتي وعمري ما دخلتهم بمشاكلي لين تصعبت الأمور وصرت مو قادرة أحلها لوحدي قررت اني اتطلق واتركهم أمام الأمر الواقع لأن ماعندي رغبة أرجعله ابداً ولا بأي شكل
وهو يدري بهالشي وقلتله ترى لو طلعت من بيتك مارح أرجعله , أنا مو باللي تروح وترد بكلمة يا تنفذ كل شروطي أو انسى اني كنت زوجتك بيوم من الأيام .. تدرون شسوى ؟؟
راح بنفسه يحجزلي ويخلص اجراءاتي لأن أهلي بمنطقة غير اللي أنا فيها .. ومو بس كذا ماخذ فلوس الحجز مني بعد مايبي يخسر نفسه حتى واحنا بآخر أيامنا مع بعض ..
ما أخفيكم اني زعلانة .. صحيح مقتنعة 10000% بفكرة الطلاق لأن عمري ماحسيت انه يحبني أو يخاف علي ماشفت منه الا المشاكل والحرمان والهم .. لكن مع ذلك العشرة ماتهون سبحان الله !
آسفة طولت عليكم .. أدري مشتته وكلامي مو مرتب بس قاعدة احاول أطلع اللي بداخلي ومو عارفة شلون .. آنا الحين ارتب اغراضي وبروح لأهلي بكرة .
دعواتكم الله يكتبلي اللي فيه الخير ويتم موضوعي بسلام وبدون مشاكل ويريح بالي .
مادري من وين ابدأ بس حابة أفضفض لكم أحس اني شايلة حمل ثقيل ومو قادرة اشيله عن صدري
انا سبق وغثيتكم بمشاكلي مع زوجي بس الحين خلاص على وشك ننفصل عن بعض
وصلنا للنهاية أخيراً بعد عشرة 5 سنوات من العذاب والمشاكل (وشوي من الفرح ) لكنه ما يشفع
أنا مشاكلي مع زوجي زادت في الفترة الأخيرة , أنا صرت عصبية وما اتحمل شي وهو زادها علي أكثر واكثر
زوجي عنده عقم ومن يوم تزوجنا وأنا أشن عليه حروب عشان يتعالج وهو رافض الفكرة ويماطل وأهله يوم دروا ان المشكلة من عنده وشافوا فحوصاتي سليمة صاروا يكسلون عليه ويهونون الموضوع , حتى مرة أمه قالتلي انطري مافيه داعي تتعالجون غيركم صبر 20 سنة وش وراكم!!
انصدمت كثير .. أولاً لأني اول مرة أشوف أهل مايبون يشوفون عيال ولدهم , ثانياً لأن زوجي شخصيته ضعيفة عند امه وابوه ويمشونه على مزاجهم ويتدخلون في حياتنا , ثالثاً لأنه مهمل فيني ولو اقعد زعلانه بالشهور ما يراضيني حتى لو الغلط عليه ,, آخر همه زعلي .. واشياء وااااااجد ماتكفي صفحات المنتدى كله لذكرها ..
تخيلوا .. صارلنا سنة متزاعلين مافكر انه يراضيني ؟! وانا احاول أرجع الأمور لمجاريها وبنفس الوقت مو هاينه علي كرامتي ولازم يراضيني او يعتذرلي لكنه ولا حاول انه يرضيني بالعكس صار
يبعد عني أكثر !! .. قهرني يا بنات والله انقهرت على الشهور والسنين اللي ضيعتها مع واحد مثله
بايعني وانا اللي حبيته وسترت عيوبه قدام كل الناس حتى أهله وتحملت أذاهم في بداية زواجي
ياما عانيت وتضايقت من أشيا ما فكر انه يسألني شفيج .. آخر فترة اضطريت اني اسافر الأردن شهرين فالصيف عشان ادرس مواد صيفي تبع الجامعة عشان أقدر اتخرج بعد سنة واتفقنا ع السفر وحسمنا أمورنا وقلنا بنستغل الفرصة ونسوي طفل أنابيب بالمرة .. لين قبل السفر بأربعة ايام ابوه قاله لا تسافرون وبالفعل ما كذب خبر جاني وقالي مافي سفر !!!
اللي قاهرني اني حبيته من كل قلبي .. لكن من انجرحت كرامتي تحول هالحب لكراهية وصرت اتحسف على ايامي اللي ضيعتها معاه .. أنا بنت متعلمة وجميلة من عايلة أستاهل حد يحبني ويصونني لكن الله بلاني بواحد عديم المشاعر ومتبلد مافكر الا بنفسه وبس مافيه ذرة إنسانية لو أموت قدامه ما يحرك ساكن .. مرة كنت مريضة وجاتني آلام حادة اسفل البطن بسبب نزول الرحم تعرفون هالآلام شلون تذبح لدرجة ماكنت قادرة اخذ نفسي .. وهو نايم قبالي تخيلوا حتى ما فتح عيونه يشوف شفيني ؟! ويوم أذيته عشان يصحى من النوم قالي بنزل تحت انادي أمي أو اختي بكل برود ونزل وما رجعلي الا بعد ساعتين حتى ماعلم أحد من اهله !! يوم سألته وين رحت قال كنت اتغدى وهو مبتسم وانا غارقة في دموعي !! بذمتكم هذا انسان أأمن على نفسي عنده !
هذا وانا في عزي شلون لو كبرت وعجزت شبيسوي فيني !
فيه نقطة بعد .. خلال السنة الأخيرة اللي تهاوشنا فيها ولا فكر انه يصالحني او يطيب خاطري بشي وطول الوقت يستفزني ويلعب باعصابي وملاحظ اني من الضغط والمشاكل والدراسة صرت عصبية
ونفسيتي زفت ومع ذلك يتفنن شلون يلعب بمشاعري أكثر بدال مايراعيني ويحاول يخفف عني بالعكس
اشوفه يفتح المواضيع اللي توترني وتقهرني أكثر لو كان يحبني أو يخاف علي كان راعاني أكثر لكنه يبي الفكة وبنفس الوقت أنانيته وتسلطه مو مخلينه يطلقني بهدوء ..
أنا هددته لو ما طلقني بهدوء بفضحه وبقول عن كل شي وبراوي الناس فحوصات تثبت انه عقيم هذا غير اشياء وايد مو قادرة أذكرها .. منها انه لمدة سنة كاملة ماقرب مني ولا أحس ان له رغبة
مع اني متخيلة ان الريال مايقدر يصبر عن هالشي .. وبنفس الوقت اكتشفت انه يكلم بنات من وراي الله العالم شنو حدود علاقاته فيهم لكن ما اتخيل توصل لعلاقات جسدية لأنه مايرغب بالشي هذا ..
أنا عمري 21 سنة وتزوجت وعمري 17 سنة يعني ياهل ماعرف راسي من ريولي ولهالسبب أنا طلعت أهلي من حياتي وعمري ما دخلتهم بمشاكلي لين تصعبت الأمور وصرت مو قادرة أحلها لوحدي قررت اني اتطلق واتركهم أمام الأمر الواقع لأن ماعندي رغبة أرجعله ابداً ولا بأي شكل
وهو يدري بهالشي وقلتله ترى لو طلعت من بيتك مارح أرجعله , أنا مو باللي تروح وترد بكلمة يا تنفذ كل شروطي أو انسى اني كنت زوجتك بيوم من الأيام .. تدرون شسوى ؟؟
راح بنفسه يحجزلي ويخلص اجراءاتي لأن أهلي بمنطقة غير اللي أنا فيها .. ومو بس كذا ماخذ فلوس الحجز مني بعد مايبي يخسر نفسه حتى واحنا بآخر أيامنا مع بعض ..
ما أخفيكم اني زعلانة .. صحيح مقتنعة 10000% بفكرة الطلاق لأن عمري ماحسيت انه يحبني أو يخاف علي ماشفت منه الا المشاكل والحرمان والهم .. لكن مع ذلك العشرة ماتهون سبحان الله !
آسفة طولت عليكم .. أدري مشتته وكلامي مو مرتب بس قاعدة احاول أطلع اللي بداخلي ومو عارفة شلون .. آنا الحين ارتب اغراضي وبروح لأهلي بكرة .
دعواتكم الله يكتبلي اللي فيه الخير ويتم موضوعي بسلام وبدون مشاكل ويريح بالي .
