صباحكم خير شلونكم بنات من زمان عنكم
من زمان اشوف وايد بنات يسألون عن طرق وحبوب التخسيس فقلت اعطيكم نبذة عن الي جربته لهم بالذات اني ماخليت شيء يعتب علي ههههههههههه
اول شي جربته : كان عسل ماذكر من وين شريته وماكان له داعي من الاساس ولا سوا اي شي
ثاني شي جربته حبوب الالياف خذيتها من الصيدلية زينة الى حد ما بس مع الاستعمال وانتفاخها في البطن كانت توسع معدتي وانا مادري L
جربت بعدها كريمات التخسيس يالله من فضلك يعني يعطون احساس بالشد ابو ساعتين يمكن وبعدين طاااف
جربت كريم السلوليت من نيفيا يمكن هم احساس حلو بحزتها بس بعدها بشوي يرد كل شي على حاله ( الي عندها مناسبة معينه تقدر تستعمله بس ماله تأثير دائم ).
اممم جربت عيادة بالجهراء اسمها كااااان المستوصف الطبي الاستشاري يمكن ( سي ام سي ) للامانه الجلسات عندهم حلوة وتحسين بالشد بس الدكتور كان الله بالخير يعني لا تحاليل ولاالى قالها الله عدا عن شغلات ثانيه ماعجبتني فيه مثلا يزيد الميزان على باله مااعرف له وبعد اسبوع يقولج يا سلام نازله عشرة كيلو غير الادوية الى بحوالي 35دينار تقريبا ومالهم داعي المهم الجلسات حلوة للي تداوم عليها بس مشكلتهم المواعيد والدكتور يعني لو بتراجعين عند دكتور ثاني او تلتزمين برجيم يكون زين وتاخذين عندهم بس جلسات هالشي وايد زين
نجي للي بعده
الاشياء الى احس انها صج زينه ونفعتني
حبوبradictel:الاصلية وايد زينه تسد النفس حييييييييل تخليج ماتفكرين بالاكل ابد ولا يطرا على بالج خير شر، مشكلتهم انهم لهم وايد سايد افكت اول شي النسيان، ثاني شي العصبية تصيرين مو صاحية هههههههههه ، ثالث شي احيان تحسين بخفقان بالقلب ويمنعنون الناس الى عندهم ضغط ياخذونهم لانهم يرفعون الضغط رابعا اكو وحده من جماعتنا خذتهم وبعد فترة حملت واجهضت مادري منهم او لا بس كانت السالفة تخوف بصراحه فتركتهم مع انهم اكثر شيح بيته وفي شغله صح بعد قبل انسى تأثيرهم بس 3 شهور بعدها الجسم ما يستجيبلهم .
حبوب رادتك السورية :كليت اول حبة ذبحني الصداع والدوخة مو قادره اقوم للامانه ماكملت بعدها هالحبوب
استعملت حبوب امريكية اسمهم NexTreneهذيل يسوون بلوك حق الكاربوهيدرات الي ناكلهم وانا كانت هذي مشكلتي اموت بالخبز والمعكرونة والبطاط وهالشغلات كلها تستهويني الحبوب هذي كنت اكلهم لما اكون باكل شغلات جذي فتمنع الجسم يمتصهم طبعا لما اكل مثلا بسكوته وحده ما آكل منهم بس لما تكون وجبتي فيها كمية خبز او عيش او معكرونة اكل منهم وايد حبيتهم وحسيت صج قاعده انزل عليهم بدون ما تأثر لا على مخي ولا قلبي اسم الله علي هههههههههه والحين مستمرة معاهم
جربت بعد حبوب اورلستات المصرية ( اسمها الاجنبي زينيكال ) هذيل زينين حق الناس الى تاكل دهون ومقالي هذيلهم حبيتهم وآخذهم عند اللزوم مثلا لما اكون ماكله عشا من كنتاكي دياي وشبس وجذي اكل وحده منهم او 2 بعد الاكل حسب كمية الاكل الى خذيته عزكم الله تنزل الدهن من الجسم طبعا مو كله لا بس تمنع امتصاص اغلبه فالشي هذا يساعد بنزول الوزن.
طبعا اشتركت بنوادي وسويت رجيمات بكل انواعها بس كانت مشكلتي ماحب التزم بشي بالاضافة الى قلته فوق ماقدر اعيش من غير خبز وتوابعه هههههههههه
خلاصة تجربتي الحين ماشية على نظام اتكنز او دشتي او مادري منو بعد الى اهو يخفف كاربوهيدرات اويمنعها ولاني ماقدر استغني عنها فآخذ هالحبوب الى قلتهم فوق لما اكل خبز مثلا اوعيش والحمد الله الامور سليمة وحاسة اني قاعده انقص واخيرا الحمدالله بدون ما احرم نفسي من شي وبدون ما اخرب الدنيا هههههههههههه .
التعديل الأخير:
