خلااااااااااص تعبت

[أمورته]

انما اشكو بثي وحزني الى الله


اعتبروها فضفضه عن نفس لاني مخنوقه ودي اكتب و احد يقرا ينصح او يدعيلي

يمكن البعض يشوفها مو مشكله بس والله ي بنات مجروحه واحس قلبي يتقطع

قاعد احاول اطنش نفسي وماقدرت



مثل ما البعض عارف انا عروس يديده تقريبا صارلي 6 شهور حاليا ماكملتهم بعد


لكن زوجي مايطلعني الا بحاله وحده بوجود امه وخواته ويصير يضحك ويتغشمر


اما اذا طلعني مبوز و وده يرد البيت هذا اذا طلعني

مادشيت السينما وياااه الا مره وحده من عقب بجي من الزهقه

وشوفو الموقف الي قهرني مواعدني يطلعني جان ينزل عند امه يقول لها تروحين قالت لا

جان يقولي مالي مزاج نطلع اليوووم


ليش حياتي مرتبطه فيهم

ودي اطلع معاه بروحنااا من غير تحلطم ومن غير مذله


بهذي طريقته قاعد يكرهني بامه وخواته من غير مايحس


طبعا سفر ماكووو يقولج ماعندي وليش اقط 800 دينار ع 4 ايام شنو الوناسه


سينما لااا نشوف افلام بالبيت


انا الي اكثر شي باط جبدي لا بغا يسويلي شي لازم اهله يدرون يروح يسالهم
واذا بنطلع لازم.معاناا والله ي بنات اكره الطلعه الي جذي


ابي شووركم لو دعاء اختكم صغيره وملوزتها الدنيا من قبل يمكن تشوفونه شي بسيط بس مايحس بالالم الا الي يعيشه كانت مجرد فضفضه

دعواكم ينفعني

 

[أمورته]

غير جذي احس نفسي محرومه ماقاعد اشتري الي بنفسي

لان الي يعطيني ايااه مايكفييي واقل من معاااش الخداااامه والله


واستحي اطلب منه لان طول الوقت يتذمر ماعندي


احس بحسره لما اطلع مع خواته وهما يشترون وانا اتفرج

والله اكسر خاطر نفسي واقول اخاف اقول مابي اروح اخاف عبالهم.متكبره لازم هالمجامله هذي


طقت جبدي
لا اله الا الله سبحانك.اني كنت من الظالميييين

 

[ظبية بوظبي]

حبيبتي اموره اولا الله يكون في عونش

وما عليش كل شي فالحياه يباله صبر .. تحملي غيرش عنده مشاكل اكبر
من ناحيه زوجش ترى في شباب اول بدايه حياتهم يتمون مرتبطين باهلهم لان متعودين عليهم ومع مر السنين يفكون عن اهلهم
وبعدين ترى في جمله اختي تقولها لزوجها لما تطفش من تصرفاته تقول له اكبر اكبر لا تصير طفل خخخخ خل شوي يحس على دمه ولا يكون طفل كل شي سيده عند اهله

ومن ناحيه المصرف بعد لا تنسين ان توكم متزوجين واكيد مضغوط ماديا ومع السنين اكيد ولازم يرتفع مصروفش
ولا هدديه انش بتتوظفين في حال ما كنتي متوظفه


وسالفه السفر لا تسعجلينها الدنيا مابتطير خل تتعدل مزانيته
وقوليله على الاقل عوضني داخل الديره بتمشيات ومطعام وغيره

ولا صيري ايجابيه اكثر وسويلكم جو داخل البيت وصدقيني هالشي بيحببه فيش وبتكبرين في عيونه وعلى شوي شوي بتتملكين قلبه وتمشي عليه رغباتش
لا تصيرين نكديه بالعكس هالاسلوب ما يخليه يتحسن
ودعي الله ان يملكش قلبه وبعدي عن اي شي يغضب الله وتقربي من الله يجازيش خير

وترى الرجال لما المره تقدم له جنس لذيذ يكافئها على هالشي >> سوري على الجراه

وشوفي يمكن فيش امور ما حبها
او مافيش شي يجذبه ناحيتش من ناحيه مؤهلات مظهرش ..
فلو متينه او عندش مشاكل فالبشره او ما تهتمين بكشختش هالشي اكيد ما بيجذب زوجش فيش وبتالي ما بحاول يرضيش

 

[# غنوجة بيبي #]

حبيبتي امورته اختي

الرجال مصيره يتغير اذا حب زوجته

الصبر ثم الصبر ثم الصبر

وراء كل صبر فرج

و هذا ريلج لازم تتحملينه لانها فتره و بتعدي ة مصيره راح يتغير

اختي اسمعي نصيحتي
صبري و مع الوقت اهو يمل

و اذا تقدرين صارحيه

قوليله انا ارتاح لما نكون بروحنا احس بالاستقلاليه و الحريه معاك

و كله كرريله هالكلمه
ربي يسخره لج و يخليكم لبعض

 

[أمورته]

الحمدالله من قبل ومن بعد
انا مو نكديه كلش بالعكس فرفوشه
واصلا لو.تضايقت ماابين له احاول اخفيها واطلع مع اهله

يمكن مسالت وقت ع مايتربط فيني اكثر


يزاج الله خير اختي

 

[أمورته]

غنوجه بيبي هذا بالضبط الي افكر فيييه

كله بقوله هالكلمه انا ارتاج وياك اكثر بروحنااا وهو اكيد بيفهم لانه ذكيي


اللهم امين ولج بالمثل

شوفي من الهموم شبدعت عطيني رايج



وكأني الف الطوق الاعدام ق حول عنقي
ارحموني صرختها بصمت وناس حولي يضحكون
ماكفااني من مر تجرعته بعذاب
اه.ي نفس طابت من العيش
واه من جرحا البوح به مستحيلا

 

[اذوب بكلامه]

ياقلبي انا نفسك متعود مايطلع الا مع امه مستحيل نطلع ونخليها بالبيت وسالفه عشا بروحنا برى البيت مستحيل وعمتي ماتروح مطاعم بس بصراحه ما اقدر الومه بالعكس هذا بار بأمه طبعا بالبدايه كنت مثلك اتضاااليق بس تأقلمت حرام مالها احد غيرنا بس انتي اصبري لا تستعجلين توكم 6 شهور اصبري وحاولي تستغلين الفرص يعني مثلا امه وخواته مجتمعين او عندهم طلعه او اي شي قوليله خل نطلع نتمشى ولا تقولين بروحنا بس قولي كلهم مشغولين وانا ودي اطلع معاك وترى طبيعي بالبدايه انه مايطلعك مايبي يعودك انكم تروحون من غير امه وخواته ويبي يبين لهم ان الزواج ماغيره بس اشوي اشوي بيعرف ان لكم خصوصياتكم مره معاهم ومره بروحكم بس لا تستعجلين

 

[أمورته]

الله يريح بالج ريحتيني بكلامج

انا لما فضغضت احس ارتحت شووي


جزاج الله خير

 

[روزالين]

ياعمري انا حاسه فيج
ربي يغير حالج وحااالي
قولي امييييين

 

[مدّهره !]

الله يريح قليبج .’,

 

[بنت السيل1]

حبيبتي يبيله وقت عشان يبدأ يتعود عليج لان كل اللي صارلج معاه 6شهور يعني يبيله وقت عطيه فرصه وبعدين طبيعي اهو متعلق بأمه وخواته اكيد يفهمونه واقفين معاه دايما موعيب ولاغلط وانتي مومن البدايه وبهالسرعه تبين تتملكينه '''اصبري والله كريم

 

[أمورته]

مدهره روزلين اللهم اميييين ي رب

بنت النيل يزاج الله خيييير

 

[كويتيه مذهله 87]

حبيبتي ميخالف تصبري بس ابيج تبينين له ان حياتكم لازم تكون غامضه مو كتاب مفتوح ومع الايام راح يتعدل لان توه معرس يديد وحياته وعيشته مو متعوده عليها صدقيني باجر بيتغير بس ام شي لا تذمين بأهله جدامه

 

[جذابه بنت ذيابه]

حبوبه لازم اول سنتين مشاكل وسوالف تحملي عشان نفسج ،، و زوجج حببيه فيج وابيته سوي له جو بالبيت و تعلمي الطبخ وكل يوم سوي شي جديد ،، وحبي اهلي وحبيه فكري بذكااء و عسا ربي يخليكم لبعض ولايفرقكم ����

 

[معزوفة عشق&]

اصبري واحتسبي الصبر لوجه الله وربك كريم
ادعي ربك انه يسخر لك زوج واسستغفري

 

[أمورته]

كويتيه مذهله يزاج الله خير مالنا الا الصبر




جذابه يعطيج العافيه ي قلبي هي حياه كلها تعب الله يريحنا بالامةيمان وطاعته



معزوفه تم العمل يزاج الله خير