خـلـونـا نستفيد من خبرات المتزوجات

[أروح فدوه لك]

+

هلاااااااااااافـيكم مراااااااحـب

اخباركم يالعضوات ان شاءالله بخير جميـعـاً يارب ..

اليوم يا بنات حابين نستفيد من تجاربنا وخبراتنـــا ..

بتكلم ومادري اذا الموضوع جريء شوي اسمحولي بس محتاجة نصايحكم ونستفيد من تجاربكم

بخصوص ( المنطقة الحميمة )

# شلون يابنات تحافظين على نظافتها ونعومتهـا

# شلون تخلين هالمنطقة ضيقـه او شبه ضيقه...

# شنو تستخدمين لها ( موس , حلاوة , كريمveet , شمع ... الخ )

# شلون تخلين هالمنطقة فاتحة مو شرط بيضه بس فاتحة مثل لون جسمج على الاقل ..

وبخصوص الاباط والكوع والركبة شلون نفتحهم يابنات والله تعبت انا اعاني من المناطق غامقة عندي يعني المنطقة الحميمة ابيها تكون ضيقة شلون انا ماستخدم الا صابونة من الصيدلية مكتوب عليها تضيق المنطقة الحساسة ماستفدت منها وعن الاباط والكوع والركبة احط كريم فازلين وحتى على المنطقة الحميمة ماشوف فاتحين مافي نتيجة حابة استفيد منكم ومن تجاربكم ..

اي نسيت بعد اقول حتى المنطقة الحميمة استخدم موس ماقدر استخدم حلاوة او شي بالنتف يطلع لي حبوب حمرا وبيضة وايد حساسة بشرتي ابي حل لا تقولون ليزر ماحب وحده تتكشف علي ويبيله وقت الليزر انا اتعيز وايد عيزات فيني ونفس الوقت ابيها ناعمة ونظيفه شسوي قولولي

 

[امـ خــزامـى]

هلا والله
بقولك حبيبتي عن نظامي
انا استخدم اي غسول نسائي للمنطقه الحساسه ماتفرق معي

احاول بالدوره مااشرب غازيات ولا اكل ملوخيه باميه حمضيات طماطم ومااجوع ابد واخر الدوره اسوي تحميلة الملح الفارسي
تنزل المويات كلها بشكل خيالي وتضيق

ازيل الشعر بالليزر ومرتاحه جدا عليه يارب لك الحمد
المنطقة تفتحت وناعمه ونظيفه
وانا اسويه بنفسي محد يتكشف علي

الركب والاكواع لي تقريبا 3 شهور استخدم كريم مقشر اسمه بيجمانورم والحمدالله شفت نتيجه ارضتني
وفتحت بنسبه 50%


وبس

 

[وردة وطني]

حبيبتي اولا غيري التكاسل اللي فيج

ثانيا شيلي بليزر فيه خدمه ذاتيه حيل حلو تكونين ع طول جاهزه ونضيفه
وتفتح بس يقولون له أضرار تو يكتشوفونه إبراء ذمه
الفازلين يسمر لاتستخدمينه
عليج بالجلسوليد والجلسرين ولليمون نتيجتهم حلوه ومرضيه حييييل
الركب والاكواع شي واحد الترطيب
باليوم مرتين
التضييق اهتمي بنفسج بالدوره
+
تحاميل البيادتين
+
النضافه وع طول من تخلصون تسبحون


اتمنى افدتج روحي

 

[أحلى قصة]

اب اب نفس كلام البنات

 

[البطه ميمي]

مرحبا فيج شوفي ممكن تروحين عند دكتوره مثلا انا رحت طيبه كلينك لان احس بعرق شوي بها المنطقه بسبب المشي فقالتلي استعمل بودره ورحت الصيدليه واخذتها هي غير معطره اسمها فيساجيل وعطتني كريم تبييض بس انا خفت منه. وصرت على طول ادهنها بكريمات الحفاظ واخففها بزت الجلسرين وجنين القمح
والكريمات مثل درابولين او سودو واغسلها من برا بغسول مره باليوم ماحط صابون
اي غسول ودايم اتنشف بقوطه بيضا وبعد الحمام مره كل اسبوعين احط بيكربونات الصوديوم وافرك فيها
وحسيت بفرق خفيف

 

[الجنه امنيتي]

اهلين حبيبتي بالنسبه للغسول مااستخدم ولاشي لها ابدا مااثق بالغسولات وانا ماولدت طبيعي ولادتي عمليه قيصريه فا ميحتاج تضييق

ونصيحه ابتعدي عن التحاميل وحده اعرفها تقول ماانعدمت الا بعد التحاميل
مويه وشوية ملح للتعقيم اذا احتجتي هالشي

وانا اشيلها بموس وناويه على الليزر ولونها يمدحون سودو كريم مع زيت اللوز المر تدهنينها بعد ماتمسحينها باسكينول افضل سكينول الخيار

واتمنى افدتك

 

[أروح فدوه لك]

انا مو كسل فيني حتى عندي جهاز الليزر المنزلي بس اخاف له اضرار على المنطقة الحساسه فما اقدر اجازف

فأبي حل

 

[فرج همي ياربي]

انا بعد فيني حساسيه من النتف الشيره احف فيها اموت من الحبوب اللي تطلع من وراها
استخدم موس فينس روعه بالكريم ولاخلصت ارطبها بكريم لوشن ناسبني لوشن زبدة الكاكاو من فازلين
طبعا بعد ماتدخلين الحمام واني بكرامه وتجددتي نشفي روحج لان اذا كانت الملابس الداخليه مبلله تسبب التهابات وافرازات وتغمج المنطقه
لبسي الملابس الداخليه مو حفر اللي تجيج نص مثل اللي كنا نلبسهم واحنا اصغار هههه قطن لونه فاتح والله انا قبل عندي فخوذي غامجه والله صار لي الحين 7 شهور المنطقه فاتحه لونهاا الطبيعي الحمدالله بعدي عن الملابس الداخليه السودا والزرقاا ترها تطبع وتسود الجلد وريحي مو دايم حاكره روحج اذا بشقتج قطي ملابسج الداخليه ولبسي بجامه قطن مريحه
اي و الغسول مره بالاسبوع ويكون طبي لان دكتورة النسا بنفسها قايله موزين كثرة الغسول
اما الاباط شيره ولاتحطين وراها ولاشي كلش
لا ديورنت ولا بودره ولا شي لي ثاني يوم تكون متهيجه بعد الحف وحمرا ماي بارد وبالفوطه برديها وثاني يوم شوفي شلون بتصير بيضا مره مرتين خلاص لونه ابيض
وبس سلامتج

 

[تبيني آرضى عليك]

آآآآآآآب لعيونج

 

[baby lotion]

uuuuup

 

[بنت بني تميم]

عني انا
اشيل بموس ماشلت الا ليلة زواجي بالحلاوة شفت الموت منها
وتذكرت حديث الرسول عليه الصلاة والسلام لما قال (( حلق ))
فصرت اسويه كذا
الغسول احلى غسول جربته بحياتي كله
غسول مس انجل
واحياناً استخدم غسول سيباميد والان استخدم غسول طبي من دكتورة نساء
والتضييق عنايتك بوقت الدورة من الاكل والمشروبات
ويقولون الزنجبيل يضيق بعد بس لما جربته بوقت الدورة تنقطع وتركته
عندك صابونة فرجتني حلوة تحسين بانتعاش
والكريمات كريم ام شاهين حلو ومرطب انل لهالمنطقة خيال ..
اتمنى افدتك ودعواتك لي بتحقيق اللي ببالي

 

[RO0O7Y KUWAITYA]

up
up
up
up

 

[الكيكه دندن]

للمنطقه الحساسه انصحج بهالغسول نظافه​

http://www.q8yat.com/t667651.html​

وبالنسبه للريحه قبل النوم يكون عندج مسك من عبد الصمد القرشي حطي مسحه فوق يعني عالتحت السر وعالمنطقه الحساسه من فوق يعني ما يدخل لان اذا تبين للمنطقه الحساسه هم يكون معاج مسك الغزال للطهاره واخذي من عبد الصمد القرشي
وهم مسحه عالخلفيه (المؤخره )​

اما بالنسبه للون حاولي ترطبين المنطقه بالوقت اللي يكون ريلج مو موجود باي كريم تفتيح او لوشن بس ديري بالج لان ممكن يصير معاج التهابات​

بس الغسول اللي فوق حطيتلج رابطه يهبل لانه يقضي عالالتهابات ومعروفين الاعشاب اللي فيه ينظفون المنطقه عدل وغير التضييق​

بالنسبه للركب و للاماكن الغامجه اكواع مفاصل الاصابع​

جربي هالطريقه حلوه​

http://www.q8yat.com/t1104369.html​

​

وبالنسبه للشعر اشيل بموس لان الشيره تخلي المنطقه متهدله
وغير العوار ومشاكل اللي تصير بالرحم قريت وايد
واذا يطلع معاج تحسس او حبوب الغسول هم يخففها وتروح
وممكن تذوبين بندول بشويه ماي نتفه وتمسحين فيه على طول يروح​

موفقه​