خـــايـــفـــــه عــلــى ولـــدي مـــن الـبــلــغــم

[ام الحلوااات]

الــســلام عـلـيـكـم ورحــمــة اللـــه وبـركــاتــــه

عــنــدي ولـــد عـمـره شــهــريــن واســبــوع
لــه 3 اســابــيــع وصـــدره تــعــبــااان
بــاالاول كــان تـعــب خــفـيـف وقـالـت لـي الـدكـتـوره
تـــوه صـغـيـر عـالادويــه والـبـخـار فـصـرفــت لــي
قـطـرة للانـــف مـع اسـتـخــدام الـبـخــار مـحـلـول فـقـط بـدون الـفـنـتـوولـيـن
وبـعــد اسـبـوع تـحـسـن شـــوويــه
لـكــن ايــام ورجـع الــوضــع اســـوء مــن قـبــل
زاااد الـبـلـغــم بـصــدره مـع صــوت خـشـخـشـه بــصــدره مـايـقـدر يـنـام مــنــه ومــو مـخـلـيـه يـرتـاح
راجـعــت الـطـبـيـب قـالــي
ضـــرووري اسـتـخـدم الـبـخـار مـع الـفـتـوولــيــن
وعـطـانـي شـراب للـكـحـه ومـذيـب للـبـلـغـم وبـخـاخ للانــــف مــدة خــمـسـه ايـام و وقــف الـعـلاج بــس قـاالـي اسـتـمـررررري عــلـى الـبخــار جــم يــوم وراح يـتـحــســن
وللـلـحــيــن مـو حـاســه بـتـحــســن جـاايــد
ومــازااال صــوت خــشـخــشـه صــدره مـوجـود
وش اســـوووي خــايــفــه الـحــالــه لا تـتـطــور الــى ربـــو
او انـــه يــدمـــن الـبـخــار او يــضــره الـفـنـتـوولــيـن ​

 

[مشتطـه]

ياعمري عسى الله يشفيه

اغلب اليهال جذي والله معورني قلبي عليهم

عسى الله يبعد الربو عنه يارب

ماعندي فكرة كلش

 

[t.o.o.ot]

]حبيبتي ربي يشفيه أن شاء الله بس للمعلومة فقط البلغم ما يحركه إلا الكمام انا عيالي كلهم مثلك كنت أخاف لا أسوي لهم عشان مايتعودون لكن هذا العلاج عقب الله شنو تسوين

 

[t.o.o.ot]

فيه دكتور يهبل أراجع عنده في بنتي من عمرها اربع شهور اسمه عبدالله العويد استشاري صدر اطفال

 

[شكريه81]

حبيبتي عطيه حلبه وبصل
ااخذي الماي المغلي بالمطاره حطيله شويه حلبه وبصل وعطيه مع مميه
علاج سحري للبلغم بنت اختي كانو يدخلونه المستشفى عشان صدره بس ما شاء اللله يوم عطته راح البلغم وله احتاجت الكمام

 

[ام الحلوااات]

مــشــتــطـــــه
مــشــكــوره عــلـــى ردج

تـــــــــــوووت
أأأأمــــيـــن يـــاااارب
ومـــازلـــت اسـتــخــــدم لـــولــدي الــكــمـــام
بــس احـــس مــاكـــــو نـتـيـجـــه صـــدره يـطـلـع صــوت خــشــخــشـــه

امـــا بـخــصــوص الــدكـتــور اللــــي ذكــرتــيــه
انـــا مـــو بــاالــكــويــــت

 

[ام الحلوااات]

حبيبتي عطيه حلبه وبصل
ااخذي الماي المغلي بالمطاره حطيله شويه حلبه وبصل وعطيه مع مميه
علاج سحري للبلغم بنت اختي كانو يدخلونه المستشفى عشان صدره بس ما شاء اللله يوم عطته راح البلغم وله احتاجت الكمام

اشـــكــرج عـــلــى تــفـــاعـــلــج ويــاااي
بـــس يــالــيــت ذكــرتــي لنـــا الــطــريــقـــه بــاالتـفـصــيــل​

 

[<<الأميره>>]

بالليل دهني صدره بزيت السمسم ودفيه عدل
ومايشوف شر
انا اجرب هالطريقه لعيالي والحمدلله مرتاحين عليها

 

[M!SS.LOBY]

الله يشفيه يارب

 

[ام الحلوااات]

بالليل دهني صدره بزيت السمسم ودفيه عدل
ومايشوف شر
انا اجرب هالطريقه لعيالي والحمدلله مرتاحين عليها

الـــشـــر مــايــجـــيــج ان شــــــآء اللــــه
مــــشــكـــوره يـــاقـــلــبـــي

 

[ام الحلوااات]

الله يشفيه يارب

اللـــهـــم آآمــــيــن يـــاااارب
مــشــكــورة عــلـى الــمــروور

 

[.. Ro3a ..]

الله يشافي ولدج ويشافي بنتي وكل مريض
الكمام من دكتور لي دكتور يختلف وجه النظر انا بنتي من عمر شهرين لين اللحين عمرها ٨ شهور
معاناه من صدرها مره بلغم مره احتقان بس هي طلع مشكلتها عندها حساسيه بالصدر وشكله ربو نفس ابوها وعمامها
كل شي كل شي جربته مضادات كمامات وابر كل شي يطري عليج ماكو فايده كل عشر ايام تطيح مريضه
تخيلي ممنوع العطور والبخور كل هذا ممنوع
نصيحه ولدج توه صغير ابتعدي عن العطور والبخور وحطي له قطره وقلبيه خلي صدره على ايدج وطقي بكفج باصابع شوي مثنيه
راح ينزل الوسخ من خشمه والحركه هاذي تحرك البلغم والكمام يساعده على التنفس ترا البلغم يخنق بعد عمري الله يشافيه ،،

 

[كتالونيه]

حبيبتي طفلج صغير
في دكاتره مالهم خلق يعطون كمام
حرام يتعذب الياهل ويتعود عليه
انا ولدي لما كان صغيره وديته لدكتوره
تشتغل بذمه وظمير وقالت مايحتاج كمام
عطتني دوا بلغم عجيب وحده بوحده
والحمدالله اللحين ولدي مافيه الا العافيه
اذا تبين رقمها حاظر ورخيييصه
والله يشافي طفلج

 

[Cute mama]

حبيبي مايشوف شر يارب

البابونج عجيب حق الصدر والبلغم

بس مادري اذا يصير حق عمره وله لا سالي الدكتور قبل لاتعطينه بابونج او حلبه او اي اعشاب

رفيجتي ولدها جذي بس اكبر شوي كانت تحط البابونج بالكمام اتقوولي احسن من الادويه