خط السيراميك مليت مليييييييت

[abla_momaiza]

بنات ابي تجاربكم في كيفية تنظيف السيراميك الصراحة متعودين ننظف السراميك بماي مع الفوطه وبس بس الخط اللي بين السيرامك متعبي ما ينظف خصوصا ان الصالة كبيرة وما اقدر اخلي الخدامة تهد شغل البيت وتقعد تنظف خط خط بيدها ياخذ وقت اللي عندها طريقة سهلة تفيدنا ولها احلى دعوة

 

[قلبي ابيض]

حبيبتي نفس مشكلتي قبل بس عرفت ان السبب اهو ان السراميك يبيله تمعجنينه مرة ثانية < ساعات يكون المعجون اللي بين قطع السيراميك نازل فيجمع اللون الاسود والوصخ << تقدرين انتي تسوينه بروحج

 

[موج الحزن]

والله انا افرشه بفرشاه كبيره مثل فرشاة الاسنان عند ابو ميه وفلاش ومسحى بفوطه وبس يطلع ابببببببيض وادعيلى

 

[غلاتي الكويت]

اكو شي بالجمعية مع المنظفات اسمه فلاش


قوطية ابيض


عجيب يوخر لج الوصخ بدقيقه وحده

 

[dloooly83]

في بالجمعيه جل أخضر أسمه العملاق علبته شفافه وغطاته حمرا
هذا عجيييييييييب وحق كل شي مو بس السيراميك
كان مطبخنا الخطوط اللي بين السيراميك أسود وأكثر شي صوب الفرن وعند المغسله
حطيت شويه من الجل الأخضر في سطل ماي بس مو فل نص السطل وعطيته الخدم يفركونه إلي بليفه خشنه وإلي بفرشاه ............والله إنه صار أبيض وتقولين جديد
وهذا عن تجربه شخصيه أنصحج فيه

 

[أغلى حبيبه]

احسن شي العملاق الاخضر

حتى ريحته حلوه وما يقمت مثل فلاش

 

[Dalo3a in Texas]

تصدقون شفت هنيه قلم خاص للسيراميك لونه ابيض للسواد

بس انا طريفتي فرشه اسنان وفلاش وبس

 

[abla_momaiza]

تسلمون على الردود ان شاء الله اجرب واقول لكم سشصار

 

[جوجو.]

انا رحت دورته ماعرفت شكله ومادري شسمه بالضبط

 

[عزف المشاعر]

اكو شي بالجمعية مع المنظفات اسمه فلاش


قوطية ابيض


عجيب يوخر لج الوصخ بدقيقه وحده

واللللللللللللللللللله عجيييب بس ديري بالج اتحطيييين معاه كلوركس تري اتموتين من الخنقه انا مره يعني شاطه عمري بالنتظيف وحطيت معاه كلوركس والله اختنقت ولا قدرت اتنسم رحت المستشفي حطولي اكسجين بغيت اموت

صبيه علي الخطوط وخليه 10 دقايق وبرشيه بالمخمه بسرعه راح اتشوفين البياض نااااااااااااااااااااااااااااااااااصع

 

[همسة ورد]

مشكورين ماقصرتو

 

[بلبل حياتي]

حبيبتي أنا عندي نفس مشكلتج وسويت بحث بالنت ولقيت طريقة بجربها إن شاء الله وهي تخلطين خل أبيض وبيكربونات الصودا (أو بيكربونات الصوديوم) وتصبين هالخلطة على الخطوط السودا بين السيراميك وتتركينها 10 دقايق وبعدين إفركيها بفرشاة وبعدين إمسحيها وإن شاء الله تظبط ...

 

[أمانيQ8]

حطي محلول فلاش وييبي برش من بو100فيه اللي يستخدمونه حق البدي كير عرفتيه فيه منه حجم كبير للأرضيات حطي فلاش وفركيه وشوفي النتيجه انا على طول اسوي جذي

 

[ضحى الكويت]

انا طريقتى بالفلاش واخليه اشويه ينقع بالفلاش وبعدين افركه بس خنقه ريحته