خطيبي يقولي بيعي ذهبج عشان ................

[miss paris]

مرحبا
بدش بموضوعي على طول







خطيبي راتبه على قده زين وزواجي قرب وعندي مبلغ معين فقلت يابشتري فيه ذهب وبشتري بدله العرس رخيصه يابكنسل الذهب لان عندي كم قطعه ناعمه تكفيني وانا من اساس ماحب الذهب ,صحيح حلاه العروس بالذهب بس شسوي ماحبه
فقمت استشير خطيبي وقلتله عندي مبلغ معين وموعارفه شسوي الحين , قالي خدي بدله عرس رخيصه واشتري ذهب لانه يبنفعج بعدين << لهنيه الكلام حلو طيب
قلتله يعني اشلون بينفعني ؟قالي خليه لليوم الاسود , قلتله اشلون
قالي : لوعندج مناسبه مثلا وانا ماعندي بيعي ذهبج :eh_s(13)::eh_s(13):
قالي لاتخافين ماباخد منج ولافلس (وانا عارفه ان خطيبي عنده عزه نفس مكون نفسه بنفسه ماياخد ولافلس من عند حد حتى امه وابوه بطلوع الروح ياخد منهم فلس ) بس المشكله الكلام غثني حسسني ان احنا بنعيش في فقر لدرجه انه يبيني ابيع ذهبي عشان نفنوف غالي اومكياج , وانا مستحيل اثقل عليه بشي وانا عارفه انه مايقدر يسويلي هالشي
بنات اشرايكم بكلامه؟ انا انصدمت مومستوعبه الكلام اللي قاله
شسوي ؟رايكم معاه حق مابي اظلمه والا انا اللي عندي حق لان شنو ابيع ذهبي عشان نفنوف اوشي البسه يعني انا حاطه في بالي لوبشتري بخليه لين نبني بيت اصغير على قدنا وقلت بساعده فيهم واهو يقولي بيعيهم عشان شي مايسوى

للتوضيح/ انا قلتله يعني شنو قصدك باليوم الاسود يعني لواحتاج فلوس عشان مناسبه كبيره تصير عندنا زواج والا شي قصدك ابيعه؟ قالي اي
عشان جديه انصدمت من كلامه

 

[الأميرة الحزينة]

اعتقد اهو بيبين لج ان ترا الذهب لج موله .. وقالج هلشي على سبيل المثال بس خانه التعبير:fun22: ماعتقد انه بيسويها بس المثال توضيحي ان الذهب يفيدج عقب

 

[G!RLooNa]

اول شي ليش هالتوقيع حبيبتي :080402ask_prv: ://

بعدين انتي تقولين عنده عزه نفس و كون نفسه بنفسه

يمكن ماكان قصده نفنوف و ميك اب

يعني تخلينه حق اليوم الاسود صح كلامه عاد شنو اليوم الاسود الله العالم بس ما اتوقع كان قصده خرابيط نفنوف و ميك اب خصوصا على وصفج و انه عزيز نفس و اهوا اصلا قالج لا تخافين ماراح اخذ منج ولا فلس

 

[غيمه ظميانه]

رد : خطيبي يقولي بيعي ذهبج عشان ................

انا بعد اقول اشتري ذهب احسن وخشيه وماتطلعينه الا بالحاجه القصوى
يمكن خانه التعبير ما عرف يعبر

 

[مطيرية والعزليه]

رد : خطيبي يقولي بيعي ذهبج عشان ................

صح اهو صح ومعاه حق باللي قاله الذهب انفع لج من البدله وينفعج باجر واهو قصده انه يبيعه لاحتاج لانه جيبكم بيكون واحد لاصرتي في بيته وضيقته ضيقتج وماظنتي انه بيبيع ذهبج علي شي تافه الا بالضرورة القصوى ومحد ضامن شبيصير له باجر.


والله يوفقكم
:denya:

 

[أميرة ملكية]

رد : خطيبي يقولي بيعي ذهبج عشان ................

هههههه اهو حاااط كل الحريم تافهات يعني يبيعوون ذهبهم عشااان نفنوف او ميك اب عااادي لاتحاااااااتين بس اهوو صاج الذهب راح ينفعج بعدين بالعكس انا اشوفه يبي مصلحتج لو غيره كان قالج اشتري شي سخيف عشان اتطير فلوسج​

 

[فوفو22]

رد : خطيبي يقولي بيعي ذهبج عشان ................

اجيبها لج من الآخر

اكبر غلط

الزوجه بلحظه صفاء مع زوجها

تكشف كل اسرارها المااااليه

لازم تعلمينه انه ما يتجرأ يسألج اي امورج الماليه

فاسمحي لي ....من الغباء استعرض حساباتي جددامه

عموما هو قصده يوصلّج مسج ان الذهب ذخر وينفع لليوم الاسود


فوفو

 

[miss paris]

مشكورين
بس انا قلتله شنو قصدك باليوم الاسود يعني لوتصير عندي مناسبه واحتاج ابيع دهبي ؟ قالي ايه :cxxxp:
عشان جديه سألتكم اشقصده من كلامه

 

[عجمية ماتهاب]

رد : خطيبي يقولي بيعي ذهبج عشان ................

حبيبتي ليش هالتوقيع الواحد ما يتمنى الموت لنفسه حرراام
ثانيا صح كلامه اميه بالميه باجر لا احتجتي فلوس راح تبيعينه
انا مكثثثثره الذهب اياام عرسي وربج للحين عندي عشان اليوم الاسود الله لايقوله بس الواحد ما يضمن كل شي
وتفكيره عدل ماقال بيعي ذهبج عشان اذا اعتوته اجي واخذه منج صح ولا لأ

 

[شقرا كويتيه]

رد : خطيبي يقولي بيعي ذهبج عشان ................

اجيبها لج من الآخر

اكبر غلط

الزوجه بلحظه صفاء مع زوجها

تكشف كل اسرارها المااااليه

لازم تعلمينه انه ما يتجرأ يسألج اي امورج الماليه

فاسمحي لي ....من الغباء استعرض حساباتي جددامه

عموما هو قصده يوصلّج مسج ان الذهب ذخر وينفع لليوم الاسود


فوفو

معاها كلام سليم

 

[غلاي غير]

عادي ما اشوف كلامه فيه شي
الظاهر يقعد مع امه وخواته واجد فعادي

 

[فتاة.]

رد : خطيبي يقولي بيعي ذهبج عشان ................

معاه حق
ويفكر صح
اسمعي نصيحته
انتي لو شريتي نفنوف بالف او الفين او عشرة الاف الحريم ماراح يعجبهم وبينقدون هذا طبع بالحريم
وراح تلبسينه ساعتين بس
وجذيه انتي خسرانه
اما الذهب يضل ومايتلف
بس الحين مو وقته ذهب لان سعره حييل غالي
انا عندي سبائك مبتلشه فيهم ادفع الزكاة كل سنه وماتطلعلي ربحيه اذا بعته لاني شريته وقت الغلا

الله يوفقج

 

[المنقسي]

ليش هالتوقيع حبوبة وبعدين رد زوجج ترى عادي أغلب الرياييل يسمعون هالحجي من أمهاتهم شي طبيعي لا تصيرين حساسة وايد وتدققين على كل شي خلي الحياة تمشي والله يوفقج يارب ويسهل أمورج:wqedqw::wqedqw::wqedqw:

 

[غمزة خجل]

رد : خطيبي يقولي بيعي ذهبج عشان ................

عادي حبوبه اصلا حتى اهلنا يقولون اشتري ذهب لليوم الاسود

وبعدين هو قالج انه لج موله لاتغيرين رايج بخطيبج من الحين

مووفقه

 

[عيون شيهانه]

اول شي توقيعج مره يضايق :rgewrg:

انا اشوف انه ما غلط هذي امي تشتري ذهب ودايم ابوي يقول اشتري ذهب لا تشترين خرابيط ويوم اخوي تزوج ابوي ما قصر معه ونقص عليه فلوس امي باعت ذهبها وعطت اخوي وساعدتهم وبعد فتره رد ابوي لها ذهبها وهذا اليوم الاسود :lololoe:

بس عادي الذهب ما يدوم بس احفظي زوجج هذي نصيحه من اختج الصغيره :friends:

 

[pink blossom]

الحين انت قللتيله واهو قالج اي يعني انت اوحيتله بها الشي وهذا شي غلط لان الكلام طلع منج مو منه وثانيا لا تشاورينه في الامور الماليه من الحين فلوسج انت حره تسوين فيها اللي تبين وريلج تقولين معاشه ضعيف وانت اخذتيه وانت عارفه ها الشي لازم ما تحسسين وايد من الامور الماليه لانها راح تكون قد مصاريفكم وبس ليما ان شاء الله الله يعينكم ويغنيكم.
وبعدين ترى المسلمين حرام يتمنى الموت او يدعي فيه

 

[miss paris]

مشكوريــــــــــــــــــــن كلامكم ريحني حيل ربي يريحكم دنيا واخره

 

[miss paris]

الحين انت قللتيله واهو قالج اي يعني انت اوحيتله بها الشي وهذا شي غلط لان الكلام طلع منج مو منه وثانيا لا تشاورينه في الامور الماليه من الحين فلوسج انت حره تسوين فيها اللي تبين وريلج تقولين معاشه ضعيف وانت اخذتيه وانت عارفه ها الشي لازم ما تحسسين وايد من الامور الماليه لانها راح تكون قد مصاريفكم وبس ليما ان شاء الله الله يعينكم ويغنيكم.
وبعدين ترى المسلمين حرام يتمنى الموت او يدعي فيه

انا قلتله جديه لاني عارفه قصده
اهو كدا مره يقولي توظفي عشان تصرفين على نفسج وانا ماراح اخد منج اي فلس بس عشان لاتحتاجي شي وانا مااقدر اوفره لج , بس من وين ياخلاف للحين مالقيت وظيفه شسوي يعني
وانا خفت من كلامه اقول يعني لوباجر قلتله ابي شي بيقولي عندج دهبج بيعيه عشان جديه حبيت اتطمن وبغيت استشارتكم

 

[عقربيه]

اشتري ذهب بس لاتبيعينه على شي تافه
ثاني شي لا تتكلمين مع زوجك عن حساباتك الماليه واذا عندك فلوس وكم عندك ....

 

[قطوووة]

رد : خطيبي يقولي بيعي ذهبج عشان ................

رايي من رايي فوفو قالت اللي بقولج بالضبط