خطيبي.. والزعل الماصخ

[cat-girlq8]

بنات شلونكم شخباكم !!!!!!!!!!!!!!
غبت عنكم مده والغايب حجته معاه .

بدش في موضوعي وابي حل منكم بليزز اللي عندها حل خل تفيدني

انا صار لي مخطوبه اكثر من سنه وكل مانبي نملج تصير ظروف ياوفاة من اهل ابوي يا من اهله
بنات انا مخطوبه حق شخص اهوا مثالي بمعني الكلمه بس في اشياء يتصرفها معاي تضايقني
مثل انه كل كلامه والثاني انتي متي راح اتغيرين يعني مايعجبه طبعي مثل ساعات انتناقش في موضوع واكون مندمجه وارد عليه اهو يعصب يقولي انتي مو محترمتني وانا ماخلصت كلامي شلون تقاطعيني !!!
وانا وحده اتصرف علي طبيعتي يقولي انتي لازم تحترميني وانتي مو محترمتني ولازم اديرين بالج من تصرفاتج الصغيره قبل الكبيره
تخيلوو يعني يدق علي تلفون ويتكلم وبعدها يضل ساكت واقوله شفيك ساكت يقولي ماعندي شي اقوله
وانا بعدها اسكت
تخيلوو شيقولي ........................:rgewrg: يقولي سكوووتج هذا يضايقني ليش ساكته وانا منبهج من قبل مابيج تسكتين ؟
انزيييييييييييييييييين مو انت ساكت
يقولي اي انا ساكت لاني زعلان عليج من تصرفاتج انتي ليش ساكته تحجي !!!!!!!!!!!!!!!!
اي مو شلون اتحجي وانت مو معبرني وساكت وماتكلم !!
غير سالفه
بنات وامس تناجرنا علي نفس السالفه انتي اسكت وما اتكلم وفوق هذا كله عصب وبعدها يوم قلت له انت ليش دايما تخليني انا الغلطانه مو كا انت ساكت مو قاعد اتحجي !!

قالي مو يعني انا اسكت انتي تظلين ساكته !!

وفوق هذا كله يقولي انا زعلان عليج وعطيتج فرص وايد عشان تغيرين من نفسج بس انتي شكلج ماتبين اتغيرين
اقوله انا طبعي جذي يقولي انتي تعطيني مبررات مو مقبوله
واليوم يقولي انا لازم اقعد مع نفسي وافكر لانه الوضع زاد عن حده


بنااااااااااااااااااااااااااااات شسوي !!

 

[granted]

حشى انتي سكرتيرته شنو سكتي ولا تعلقين قبل لا اخلص السالفه ومادري شنو ليش شهالقيود
وخير ان شاء الله تتغيرين ماتتغيرين يعني مفروض يقبلج على شخصيتج مو بكيفه التغيير لازم يكون باسلوب مو بهالشكل
ومالومج تسكتين لان طبعه مزاجي ماتدرين شلي يزعله وشلي مايعجب حضرة جنابه:bbbiu:
وايد يتحكم الله يعينج يارب
Up
ان شاء الله الي عندهم خبره ينصحونج طبعه صعب

 

[انثى عاشقة]

الرجال عليهم طلعات ارض جوية عجيبة ببداية الزواج
انا كان زوجي ممل وقيود وزف واسلوب مدري شلون ايام ملكتنا
كل هالكلام ذااااب واختفى من تزوجنا ..
سبحان الله اقول في قلبي بس كان يبي يفرض راي
يمكن يكون زوجك من هالنوع !!!
​

 

[!الجادل الصعب!]

مآدري ينرفز طبعه ..!

 

[المرتاحة]

وانا قاعده اقرأ سالفتج قلبي عورني، مادري شقول لج بس ترى مؤ معقوله جذي، يمكن في اسباب ثانيه اهي اللي تخليه يتصرف جذي

 

[قموووره]

حبيبتي انا ما اشوف في شي جايد بينكم بس اهو مبين من اسلوبه انه يحب نفسه وايد هالنوعيه الي تحب الظهور تلاقينها تبي احترام مبالغ فيه شوي ويبي الانتباه كله له اهو.. بس في وايد رياييل جذيه يبيج تسويله برستيج زايد وفي بعض هالنوعيات تخف بعدين وبعضهم يعلج ما تقدرين تتحملينه
اشوه انكم عالبر لي الحين حاولو تتفاهمون من الحين اذا شفتي نفسج مو متحملته او مو متوافقه معاه خلاص الله يرزقج بالي احسن منه
​

 

[om MaRyooM]

جم عمره ؟؟؟؟
مادري احس انه صغير ويبي يفرض نفسه غصب
ترا في جذي رياييل عادي


بس سالفة انج تقطعينه يمكن صج ؟؟ حاولي تنتبهين زيادة شكله حساس حبتين

تحمليه اذا تقولين اهوا مثالي
اما اذا فيه اشياء لاتحتمل وتصرفات واهانات لا هي طبعا لازم تفكرين بجدية بالموضوع

 

[ليه الجفآ]

وانا اشوف انه مضغوط .. يمكن من الفتره ويبي الزواج والظروف مضايقته ..

فقعد يتحسس .. يعصب على اشياء ماتسوى .. ماابي اضايقج بس

كلامج بلاخير عنه انه يقول بقعد بروحي وافكر ..شنو يعني ..؟!!

شيفكر فيه ليش توه يعرفج ..؟!!

لكم سنه عارفج وعارفته ومرتبطين عن قناعه .. شنو جد يعني ...؟؟!!

اهو مال .. من نفسه ومن ظرفه .. عاد لج نصيب بظروف او مالج .. العالم ماترحم صدقيني ...

شسووي قعد يحط الوم عليج اني عطيتج فرصه وماادري شنو

كلامه كله فاضي .. انسان يتحجج ..

الله يكتب مافيه الخير يارب لــج ..

.​

 

[نونو العصله]

هم يقولون اللي يبيونه
اما احنا لا
ممنوع نقاطعه ومننوع نسكت
اذا زين تحمليه

 

[miss-farah]

اتمنى ما تزعلييين من رايي شوفي نصيحة اخت لاتخلينه يفرض شخصيته عليج لانج راح تتعبين وياه الحين وبعد الزواج وبيتحكم فيج اكثر من الحين بعدين مستحيل تقدرين تحلييين مشكلتج لانه خلاص اتني فقدتي احترامج عنده وصعب تخلينه يحترمج من جديد وواضح بعد من خطيبج ماعنده شخصيه عند ربعه ويبي يظهر شخصيته جدامج ويشوفج جدامه مسكينه قال خل ابرد حرتي وافرض شخصيتي لانه هذه الانواع مع الاسف ماعندهم شخصيه من الاساس تحصلينه عند ربعه مايسوى فلس وجدامج لا مسوي روحه شخصيه
خطيبج مغرور وشايف عمره عليج لانج تركضين وراه ومستانس من جذي يذلج
من الحين حطي النقاط على الحروف وخل يعرف انه الزواج معزه واحترام مو مذله وبعدين سالفه السايلنت اثناء المكالمه هذا واضح حسب كلامج انه يذلج وانتي مو حاسه احسن شي ثقلي وخليه هو يركض وراج واذا قالج ليش ما اتصلتي قولي مشغوله وما حبيت ازعجك
:rgewrg: خطيبج يقههههههر

 

[مناير ...!]

الله يعينج نرفزني وانا مالي خص @@
فهميه ان طبعه غلط
قعدي معاه قعده مصارحه
حشا استاذج مو ريلج

 

[cat-girlq8]

بنات والله توني انتبه علي موضوعي لاني دورته وقت ماكتبت الموضوع بهاليوم وماحصلته سوري وايد ويعطيكم العافيه وردة المأساة مره اخري

كتبتيها في منتدي المشاكل الاجتماعيه وهم نفس المنوال ويقولي هالمره بقعد افكر عدل واشوف اعطيج فرصه ولا لاء

 

[al-musk]

لاتعليق يعني انتي لازم ترضين فيه بكل تصرفاته بس هو مو المفروض يتقبلج بكل اختلافاتج .. الله يعينج هذا الظاهر عباله مافي بهالبلد الا هالولد ... شوفي بقولج شغله اساس التقدير والاحترام من البداية اذا راح مايرجع

 

[عسل مرت قيمر]

ههه احس هواشكم مايسوا


الله يهداه وايد يدقق

اشدعوه كل هذا

مو مستاهله كل هذا


المشكله قعد تحاجينه ومو راضي يستوعب



تحسين ممكن يتغير


احس مع العشره راح تتعودون على طبع بعض



راح تفهمون كل واحد شنو يبي



الله يسخركم حق بعض يااربي

 

[Le chat]

ويييييييييييييع اهم شي يفكر يعطيج فرصه ولا لا ضغطي ارتفع خيره انه الملجه قاعده تتاجل مادري شقول بس ماكو ببالي غير كلمه ويع*

 

[Le chat]

شوي هديت ورديتلج هههههههههههههه المهم عامليه مثل مايعاملج وشوفي ردة فعله قوليله بعطيك فرصه تتعدل وبشوف تاليتها وياك

 

[بولندية]

البنات كفو و وفو وصج طبعه صعب الله يعينج

 

[صاعقة بيوتي]

والله كله كوم وبقعد افكر مع نفسي كوم ثاني والله خطيبج ماعنده اسلوب الله يعينج بس ترى خيرة انه الملجة تأجلت انتي يبيلج تفكرين بكل تصرفاته معاج وتشوفين تقدرين تتعايشين مع الوضع ولا لأ. صح انه الانسان مو كامل وكلنا فينا عيوب بس اهم شي لازم كل ريال يوفر لمرته من وجهة نظري هو الاحساس بالامان والاحترام اذا ماقدر صعب الوحده تتعايش معاه بتقعد تاكل في نفسها وبتتعب. واهم شي كثري صلاة استخارة وادعي ربج انه اذا كان في خطيبج الخير والصلاح لج فاجعله من نصيبج.

 

[قلبـــهـ]

ااااه ذكرتيني بهمي
بس الحمدلله اللي عندج يتكلم يقلج شنو يبي وشلون يفكر ولو ان اسلوبه غلط ! مابي اعلق تعليق اشيشج عليه واخربها زياده

/

حبوبه قوليله كل اللي بخاطرج دام نوعه يسمعج ، قوليله شلون مو حلوه كلمته مو لانج بنيه بيقعد بيخير فيج ، قوليله الكلمة شكثرها تجرح صج تراها كبيره !
وقوليله ان كلنا نحتاج نتغير شوي منج وشوي منه ، وانتي عارفه ان فيج شغلات بغض النظر هي صح ولا غلط بس حابه تغيرينها عشانه اهو بس ،
مثل ما حابه انه يداريج عشانج انتي يبين فيه اهتمامه ، مو يقلج بفكر وبشوف اعطيج فرصه !!!!! هذي كلمة يقولها ريال لوحدة يبيها شريكة حياته ؟!؟!؟!؟!؟!؟!؟!؟!؟!؟!؟!؟!

وابدي كملي اللي بخاطرج باسلوب هادي ، وترى العقل باللين مو بالشده ، والتفاهم يبيله ناس حابه تاخذ وتعطي ..




ربي يسخركم لبعض ويفرج همج ويتمم لكم على خير يارب ..​

 

[قلبـــهـ]

ترى اضيف للي يقولون احسن ان الملجة تأجلت بالعكس اصلا تأخير الملجة والعرس اهي سبب الحالة اللي وصلوها ،
طبيعي تصير خلافات وطبيعي يبيلهم وقت يتفاهمون ، محد فينا كامل !

المشكلة اصلا تفاقمت لانهم طولو زياده ، هذا رايي ..