خطيبي وأمريكا !!!

[دمعة ميت]

قوه بنات
انا بدش بالموضوع لاني صج صج تعبانه ومالي غيركم وان شاء الله القى الحل معاكم

بنات انا احب واحد 3 سنين وامه كلمت امي بالخطوبه وجذي
انا ادري اهو يحبني وايد وانا بعد امووت فيه :eh_s(2):
اهو الحين يبي يروح يدرس بأمريكا, وقالي بروح اقعد هناك سنتين وبس ارد بالشهاده نسوي ملجه
بس قبل 4 ايام كلمني وقالي خلاص مايصير نكمل مع بعض ولازم كل واحد يروح بطريج! انا هني حدي انصدمت و انهرت بجى وقلتله ليش عقب كل هذا؟ قالي لانه بسافر و ماراح نقدر نتواصل و انا مابي اعلقج معاي !!!
وقالي بكلم امج واقولها هالكلام.. بنات كان قاعد يبجي واهو يقولي جذي بس اقوله ليييش شنو السبب مايبي يقوول! يقولي بس جذي احسن لي ولج! و لما نخلي بعض الحين احسن من بعدين..
احس فيه شي بس مايبي يقولي..
انا طبعا هاليوم حدي انهرت وشالوني الاسعاف من البيت.. بس لما رديت ادق عليه ولا تليفونه مغلق.. لي الحين مغلق
بس يبطله يجيك ويرد يغلقه!
كلمت اخته بس اتقولي احنا ما نشوفه.. مايقعد معانا ولا ياكل معانا
ف ما لقيت احد الا ولد عمه قلتله السالفه جان ينصدم هم و قالي عاد اخر شي كنت اتوقعه انكم اتخلون بعض وحاول يدق عليه ما حصله.. جان يروح له بيتهم ولا يلقاه نايم وويهه اصفر جان يوديه المستشفى وعلقوله درب وسأله شفييك جان يقوله انا تعبان ردني البيت ومارضى يقوله!

بنات بيين والله.. قولولي شسوي :eh_s(2):
اهو رافض يكلم احد ومايبي يقول شفيه.. ساعدوني تكفوون
يارب اسعد الي ترد علي والقى معاها حل دنيا واخره ويارب ما تحرمها من غالي وبارك بعيالها وسخر لها زوجها :eh_s(2):​

 

[دانه الشطوره]

حبيبتي انتي
والله مقدره موقفج وحاسه بإحساسج
بصراحه مادري شقول لج
ربي يعينج ان شاء الله

 

[alo2 cute]

ويت ويت شكو مايقدر يتواصل معاج امريكا الله يخلي التكنولوجيا
هذا مو عذر اكيد فيه سبب غير هذا
ومادري احس حب ٣ سنين مالمفروض تكون نهايته سبب دراسه
ومادري شقولج بعد بس سالفة مابي اعلقج معاي هذا مو عذر اللي يحب يتحمل وانتي اتوقع مستعده تنطرين سنتين ٣ ٤
وبس هذي وجهة نظري انا اقول بعدي مشاعرج كلها ولا تبجين لان البجي ماله حل
كلميه بهدوء وحاولي تفهمين منه ليش ماكو نصيب وكل عذر يقوله طلعيله حل وخنشوف شنو نهايتها
والله يصبرج

 

[دمعة ميت]

بنات مايرد علي ولا على اي احد! ​

 

[عبير العنزي]

لو يبيج صج

جان قالج نملج قبل لااسافر ولمن يرجع تسوون العرس

بس حبيبتي ملينا من هالسوالف

هذا كان يتسلى ومو ناوي زواج وضميره صار يأنبه يقول ليش اعلق البنت كل هالسنوات وانا مسافر

او ان شايف شوفه يديده

يعشقج ويموت فيج يمكن صج لكن مايبي يتزوجج وهذا الشي واضح من كلامه الاخير لج

والله ملينا من سوالف الشباب كل يوم بنت كاتبه لنا مشكله من هالنوع

هذول اهم وهذي افلامهم

لمن اتوظف ولمن اخلص دراستي او اهلي مو راضين على زواجنا او صارلي حادث او يختفي فجأه

لو كان صج قصده شريف معاج جان ماقالج انتهينا بهالسهوله

اذا تبين ترتاحين حاولي تعرفين منه السبب ..وبعد ماتسمعين كلامه قرري مصيرج

ولو ان السبب واضح ^_*

 

[دمعة ميت]

تكفوون ادعولي ولها المثل ان شاء الله​

 

[+بسبوسة+]

كلمي ولد عمه بداله!

 

[جلكسي بالمكسرات]

بخصوص الي فوقي الي تقول كلمي ولد عمه بداله !
استغفر الله العظيم ! ياكبرها عند ربج وانتي تشجعين على الاثم !

دمعة ميت حبيبتي ترى هاي نهايات الحب والعلاقات والخرابيط ألي بدون إيطار شرعي لان الله مايبارك فيها !
ان شاء الله يارب ينربط على قلبج ويهدى بالج ويسر الله خاطرج بخبر يبرد عليج عما قريب

 

[Tom ♥ Jerry]

.،


آنتي قلتيها آكيد في شي و الريال مآ يبي يقولج !
شوفي حآولي فيه اذا مآ قآل .،
قوليله خلاص الله يوفق الجميع و مع السلامه
انا رآح آنطرك سنتين بس اذا يآلي ولد الحلال رآح اتزوج
> مثل مآ آنته قلتلي !

الخيره فيما آختاره الله يا قلبي
آدري كلآمي صعب اتطبقينه بس على قولتهم
" لو جريت جري الوحوش غير رزقك مآ تحوش "



يمكن خيره مآ تدرين :*

 

[حورية الكويت]

صراحة شي يقهر والله

و حاسة بكل كلمة قلتيها

بس ماكو عذر يبعده عنج خصوصا اذا امه مكلمة امج يعني نية الريال كانت واضحة ان يبيج زواج

و احتمال ان ما نقدر نتواصل بامريكا هذا مستحيل

حبيبتي

- امه كانت راضية فيج ؟ يعني ما كان الولد غاصبها ؟ ... احتمال الام اهي اللي غيرت رايه
- الرجل صالح ؟ يصلي ؟ لمى ولد عمه وداه المستشفى سوا له تحليل ؟ تاكدتي ان ما فيه شي و سليم ؟
-ليش بيسافر امريكا سنتين؟ شنو الشهادة ام سنتين ؟ بكمل ماستر ؟

صراحة استغرب من الرياييل ان يقررون و بعدين يقولون احنا تعبانين يا اخي ليش عيل تقرر هالقرار من البداية ... بنت الناس لعبة بايدك ما عندها مشاعر ؟؟؟؟؟؟؟؟؟؟؟؟؟؟؟؟؟؟؟؟؟؟

حسبي الله و نعم الوكيل على رجل يلعب بمشاعر البنت و عسى حوبتها ما تتعداه لو كانت نيته شينة

الله يسر امورج

 

[ونات عتيبيه]

حياتي لو يبيك صدق لو يروح ويغيب 20 سنه مايقولك هالكلام بلعكس بيقول انتضريني وبعدين شلون مايقدر يتواصل معاك في اي عصر هو حبيبتي اتاكدي اذا ماعنده مشكله وقال هالكلام من راسه اعرفي انه ماعنده سالفه وهذا مو حب

 

[(جووونم)]

جوفي اختي

احنا مثل خواتج

اللي سويتيه مو غلط دام اهلج واهله يدرون واكيد علاقتكم فيها حدود والحب مو حرام هذي غريزه بالانسان والانسان كتله من المشاعر

بس جوفي في شباب زينين وفي شباب مو زينين

وفي شباب يعلقون البنات ويقطونهم عادي يستمرون وياهم ٨ سنين بعدين يختفي فجآه
وفي بعضهم يقعد يتسلى وحالته حاله

براحه هذا من النوع اللي تسلى فيج ادري الحجي هذا صعب عليج تقرينه بس حطي نفسج بامر الواقع

ترا الدنيا ما اوقفت عليه والريايل مو محور الكون والزواج مو كلشي بالطقاق اذا ما يبيج الله بيعوضج باللي احسن منه ياكثرهم الريايل ولا تقولين ما في ريايل باجر تتزوجين اللي احسن منه
وتقومين تضحكين على هالايام

وادري اول مره بتتعذبين وقلبج رح يعورج وتتتقطعين بس دامه باعج برخيص وبدون سبب بترااااااب ينبااع مو اول وحده انتي تحبين ولا اخر وحده
والزمن كفيل ينسيج اياه

بس بالمختصر هذا

اللي حبيتيه
جذااااااااااااااااااااااااااب نصاااب واغلب شباب هالايام جذابين لاتعطينهم ويه عادي جايف له جوفه بصرااحه


وبالطقاق يطقه اللي خلقه خلق الف واحد غيره

كلهم جذي

وربي شبعنا من اعذارهم اللي مالها اول ولا تالي

بس البنت السنعه اللي تطنشهم
وما تعطيهم ويه

وتنطر نصيبها لين ييلها عند الباب


بس لاتعتبرين هالشي نهايه الكون لا بالعكس عادي الزمن كفيل ينسيج اياه

وادري كلامي بيعور قلبج


بس يابخت من بكاني وبكى علي مو ضحكني وضحك الناس علي
والله يوفقج حبيبتي

ولا تدقين عليه ولا شي اذا اهوا صج يبيج


خل يدق الباب

ولو تركضين ركض الوحوش غير نصيبج ما تحوشين


طنشيه خيولي والله نصيحه جذاب عذر اقبح من ذنب ولو في مرض السرطان اعوذ بالله ياخذج ياخذج اذا صج يحبج


واسفه عالاطاااله

 

[سوسن1980]

يمكن يغير قراره بعد ماتهدى الامور انتظري شوي وشوفي شيصير معاه

 

[منو انت]

مو عذر ان مايقدر يتواصل معاج ؟ لو صج يبي يرتبط فيج كان تصير ملجه ومتى مارد انتي موجوده وبالعكس يكون واثق انج له اكثر من الخطبه بس الظاهر الاخ حس ان السالفه قربت تصير صج وقال اسحب نفسي بدليل انه ماعنده عذر مقنع يقوله لج وقاعد يقول احسن لي واحسن لج طيب انتي تبين عذر مقنع مو حجي فاضي

نصيحه لوجه الله انتي طلبتي مننا نقولج الصج لاتحذفين عمرج عليه زياده اهو عارف انج تحبينه وانتي الحمدالله ماقصرتي بشي يعني ماراح تندمين بيوم من الايام بالعكس يمكن اهو الخسران انه ترك وحده تحبه وكانت مستعده تصبر وتضحي علشانه حبي نفسج وعزيها عنه لان كثر ماركضتي واره راح يزهق ويمل (( ودام انه يفتح الموبايل ويشوف المكالمات والرسايل ومايرد يعني متعمد هالحركات وموبعيد يكون ولد عمه مشترك معاه بالفلم ترى اليوم الواحد مايضمن احد اكيد ولد عمه ماراح يوقف ضده علشانج خليج واقعيه اكثر طرشي له مسج الله معاك راح يعرف حزتها انج عزيتي كرامتج عنه ويمكن يجي لج زحف ترى مايحبون البنت اللي تلحقهم يموت على اللي تحقهرهم )) وانتي بعد سويتي اللي عليج حاولت ماتفرطين فيه بس اهو مصر على انه يفرط فيج


وان شاءالله خيره هالشي والله يرزقج يارب ويعوضج خير

 

[love.7ayate]

في اسباب اكيد

اتأكدي في الاول واعرفي وافهمي منه

مارضي يقول وقتها بتتصرفي

وبتقرري سواء تكمنلي او لأ انتي ادرى وهاد شي برجعلك

والله يهدي بالك ان شاء الله

موفقة

 

[روانتي 12]

مدري حبيبتي ..بس يمكن لما راح امريكاا شاف وحده وجذي ما ابي احطهاا بذمتي بس ليش لا

الله يعينج حبيبتي .حآآسه فيج ..

اذا انتوو تحبوون بعض لا تتركوون بعض سويتوو كل شي مابقااء غير زوااج قولي له جذي قولي تعب الاسنين راحت ع الفاضي

والله يوفقكم و يردكم لبعض مثل اول و احسن

 

[" ام حمود "]

الله يصبررر قلبج . لازم فيه سبب حاوليء تعرفين السبب

 

[~.ąvȍƈaȚ.~]

شكله مو دراسة


بس انتي ادرى فيه و بنوعه

اخاف فيه مرض لا سمح الله و مسافر علاج ؟! شهالدراسة اللي سنتين !!!

مادري حاسه السالفه جذي و خاش عليج خصوصا ان راح المستشفى و كان يبجي لما قالج

انا قلت اللي عندي و ما راح اقول مثل اللي قبلي كان يقص عليج و مادري شنو !!


تأكدي و فكري بعقل

 

[~.ąvȍƈaȚ.~]

و شوفي انتي بنفسج قلتي

حاسه في شي ما يبي يقولي + كلامه ان ما نقدر نتواصل هذا قبل مو اللحين مع التكنلوجيا و يقدر ياخذج و تروحين معاه

اممم لما قال حق ولد عمه ان تعبان

 

[عبير العنزي]

دشي طمنينا عنج شصار؟

http://www.q8yat.com/t867684-2.html


كاتبه الموضوع مرتين؟