خطوط و تشققات ورديه في البطن :/ .. ؟

[Dalo3at Rayli]

مرحبا حوامل شلونكم ؟

شسمه بنات انا بجر باقيلي جم يوم و ادش السادس ان شاء الله ..

بس اليوم لاحظت ان في خطوط ورديه طالعه بـ بطني جهة اليمين و اليسار !
و بفخودي و صدري بعد ..

مع ان كلش ما احك جسمي و طول اليوم استخدم زيت بايو اويل و مرطبه جسمي ،

خاييييفه يتمون و ما يختفون حتي لـ بعد الولاده ..
الله يستر توني بداية السادس و جي ، خايفه لـ التاسع جسمي بيصير خريطه !

اللى قريته من النت دام ورديه لازم استمر ادهنهم عشان يروحون يعني في امل صح ؟

و شنو اللى لازم اسوي عشان يروحون شكلهم مو حلو ؟

،

و ثاني شي بنات عروق جسمي كلها بارزه :/ ..
لونهم ازرق و اخضر و خصوصا منظقة الصدر لان حيييل صدري كبر ..

هالششي عادي وله لا ؟ خايفه وايد و خصوصا ان مرات عندي ضيق بالتنفس !


الله يسهل علي و علي كل الحوامل ..
و يرزق المحرومات الذريه الصالحه يَ رررب :eh_s(17)::eh_s(17): ..


​

 

[غآب نورك ~]

حبيبتي الله يسهل عليج وتولدين بالسلامة

انا ماعندي خبره بـس اللي اعرفه انه اللي فيج من الحمل وشي طبيعي

بس لازم لازم تهتميين ما تهملين هالشي لانه اذا صارت الخطوط بيضا صعب تروح بس اذا حمرا تروح ان شاء الله


ان شاء الله البنات يفيدونج اكثر

 

[.:lady bug :.]

رطبي رطبي ع طول رطبي ولاتحكين جسمج
الوردي يروح بسرعه
يبيلج كريم ترطيب قوي

 

[Aloe Vera]

العروق البايبة شي طبيعي

وهم الخطوط شي ماتقدرين تمنعينه لان كل وحدة بشرتها غير عن الثانية
في ناس سبحان الله مايطلع لهم ولا خط و في ناس ينتزس جسمهم خطوط

انتي كملي عالبايو اويل لي بعد الولادة و بعدها مع الوقت تخف
و اهم شي حاولي مايزيد وزنج حيل
انا بالبجر طلعتلي خطوط من السابع و توقعت تكون وايد و خفت بس بالنهاية خفو وايد بعد الولادة مع الصنفرة و الكريمات و الحمامات المغربية

 

[@أم يوســـف@]

للرفع

 

[tota77]

انا الي اعرفه طبيعي

انا الدكتوره كتبتلي على كريم عشان التشققات والخطوطبس مااستخدمته للحين والحمدلله للحين بطني ماطلع في شي

وبعد عطتني كريم فيتامين سي عشان المناطق الداكنه

 

[ام منتظر]

عن تجربة دهني بطنج بزيت جنسون للأطفال صبح وليل
بيرحون انشالله
وبالنسبة للصدر انا صارلي مثلك تماماً راحو بعد الولادة بكم شهر اختفو بروحهم

 

[Dalo3at Rayli]

مشكورين بنات فديييكم طمنتوني ،

الله يعيين يَ ررررب و يسهل عليننا :eh_s(17): ..

انا الي اعرفه طبيعي

انا الدكتوره كتبتلي على كريم عشان التشققات والخطوطبس مااستخدمته للحين والحمدلله للحين بطني ماطلع في شي

وبعد عطتني كريم فيتامين سي عشان المناطق الداكنه

مشكوره حبيبتي بس انزين شنو اسم الكريم ؟

بليز عطيني اسمه :eh_s(17):..



​

 

[Mrs.H]

جربي زيت زيتون اصلي وحدة بوحدة

و وضعج طبيعي لاتحاتين

الله يسهل علييج

 

[tota77]

انشالله بس ارد من الدوام اعطيج صورته مره وحده مع الاسم :**

 

[طيشن على جديه]

ليش خايفه ان شاءالله يروحون ..
انا في حمالتي يصير صدري كله خطوط بنيه مو ازرق ولا اخضر لاا بنيه تفششششل وكنت ارطبهم ع طول وهم صار خط ع بطني من السره لاخره ..
كنت متضايقه نفسج بس الحمدالله بعد الولاده استمريت بحمامات البخار والمغربي وتشقير الجسم والحمدالله راح ولا باقي منه حتى لو اثر ..​

 

[tota77]

الي عاليمين اهو الكريم حق التشققات

والي عاليسار حق الاماكن الداكنه بفيتامين سي