خطه اصيد فيها ريلي

[ام فهد5]

صباح الخير ...

انا هالشهور الاخيرة لاحظت على زوجي انه يبي يتزوج
انا قلت ابصيده بطريقه اني اقوله اكو ناس ترسل لي عالايميل انه انت بتتزوج

تنصحوني بهالطريقه ولا ولا ؟

 

[_زينه_]

مادري والله الله يعينج ويهديه انشالله

 

[قاهره عذالي]

انا اقول


حاولي هالايام تجتهدين في تدليعه

وتسوين له ليالي وهدايا ومفاجآت

بحيث يلتهي فيج
وتوقفين قلبه بالمفاجآت والافكار
مره كيكه بصورته
مره ليالي صفرا حمرا زرقه
مره عزيمه على مطعم
مره احجزي فندق او شاليه مدة يوم
مع التكشخ والترزز باللبس
والهدايا اطقم عطور عربي وفرنسي وروحي المدينه هناك في محل يحفر اسمه بميداليه حق سياره
فكري فكري تجذبينه لج واصدميه وربي وربي يترك هالفكره
وينسى جان بفكره زواج

وعشان يحس بالذنب
بينه وبين نفسه

ان مرتي مطيرتني من القاع

حرام افكر اقهرها واتزوج


جربي

وما انصح بالمواجهه

 

[زينبو]

مو يمكن مايبي يتزوج ليش تفتحين عينه لا يبا لاتقوليله وسوي مثل ماقالت قاهره عذالي سوي روحج موحاسه بشي

 

[** باربي **]

واجهيه سوي نفسج مصدومه وخلي رده فعلج قويه

عشان لا يصير انا فات الفوت ما ينفع الصوت الحمدالله انتي دريتي غيرج ولا يدرون

 

[Miss Chanel]

الله يعينج

 

[eng^^zozo]

لا لا تقوليله سوي نفس ما قالتلج قاهره حلو حجيها ..

 

[انثى استثناء]

الحين موضوع مصيري بتكلمين معاه بهذي الطريقة عجيب و الله

واجهيي و كلمي بصورة واضحة ,,,, شنو ايميل شنو خرابيط

انا ما ادري انت ليش خايفة و قعد دورين حجج
قوليله يا ولد الناس هذي سالفتي ,,,,

 

[شطانه طفله]

انا مع قاهرة عذالي
انا طموشه

 

[iLLuMinaTion]

الله يعينج

 

[عروسة خالد]

لا انا ما انصحج تقولين له كلش جذي تعمين على روحج
باجر بيقولج خلاص دام انج دريتي ها شرايج من هالحجي
حاولي تتقربين منه وتشيلين هالفكره من راسه شوفي انتي
بشنو مقصره والله يكون بعونج
​

 

[dectora 7elwa]

لا الرجال اذكى من جذي ماراح تطوف عليه
دلعيه وتدلعي عليه

 

[لوفيه]

ديري بالج لا تواجهينه لان راح يقول دام درت خلاص بعد أحسن

مثل ماقالو البنات خليه يندم على سالفة تفكيره بالزواج

دلعيــــــــــــــــــــه .. والله الريال يحب زوجته تدلعه .

وان شاء الله تكون ملاحظتج باطله

والله يوفقج

 

[ام فهد5]

توقع كل رياجيل العالم يحبون الدلع الا زوجي
مرة دلعته قال شايفتني بزر ..
بالله عليكم شوفو ردة فعله بس

 

[م.كيكه]

اختي يمكن الطريقه الي دلعتيه فيها حسسته انه بزر(يمكن ماعرفتيه ادلعينه عدل )
انتي بكشختج ورزتج واهتمامج بنفسج يكفي هذه قمه الدلع واهتمي بنفسج .غيري من شكلج للافضل طبعا لاتخبصين بعمرج عشان مايحس وبتحسسينه انه ماعندج ثقه بنفسج وبيشمئز. وسوالف عمليات تجميل الي الكل طايح فيها موحلوة خلي عندج ثقه بنفسج اهم شي الثقه سوي نفسج مومهتمه وعايشه حياتج واضحكي معاه وسولفي وسوي تغيير بحياتج اطلعوا اماكن ماطلعتوا لها من قبل
واعرفي عيوب نفسج وصححيها قصدي بالشخصيه .الكل عنده عيوب .شوفي شنو الي موعاجبه فيج وغيريه بطريقه مو مباشره لايحس خليه يشوف التغيير عليج طبيعي وانج تغيرتي عشان نفسج مو عشانه
وسوي نفس ماقالت الاخت قاهره
اهتمي بعيالج وبيتج اكثر واهتمي فيه اكثر
وعززززززززي نفسج قبل لاتعزينه لانه بيحترمج اكثر

 

[م.كيكه]

نسيت اقولج اهم شغله غفلنا عنها كلنا
وهي الدعاء ادعي انه الله يوفقكم ويا بعض ويسعدكم ومحد يدخل بينكم
ترى مايرد القضاء الا الدعاااااء

 

[م.كيكه]

اللهم سخر لي زوجي تسخير العبد لسيده اللهم اجعلني في عينه كبيرة واستر عنه عيوبي واستر عني عيوبه وأظهر له محاسني وأظهر لي محاسنه اللهم يسر اموري معه وأصرف عني شره وأقر عينه بي وأقر عيني به وأقنعه بي وأقنعني به وأرضني بما رزقتني وبارك لي فيه




قولي دايما اللهم اني استودعتك زوجي استودعته قلبه وعينه وفرجه بوديعتك التي لا تضيع ودائعك

اللهم انك تعلم ما في نفسي ونقاء سريرتي فنقي حياتي مع زوجي من كل كدر وسوء يا ارحم الراحمين ..اللهم يامؤلف القلوب الف بين قلبي وقلب زوجي برحمتك يا ارحم الراحمين..اللهم اني اشكوا اليك ضعف قوتي وقلت حيلتي اللهم اني لاحول ولا قوة الابك يارب اللهم اخرجني من حلق الضيق الى اوسع الطريق اللهم امييين

 

[مظلومة حيل]

قولي لة اذا بتزوج علي ما اقعد عندك انا ما ينوخذ علي وحدة وقولي له اذا تزوجت علي والله لاذبحك
بس طريقتج لا تسوينها كلش و كلام قاهرة عذالي حلو
بس لازم تواجهينة

 

[ام شووووق]

بسويلج سالفه من قالج وراويني وبيفتحلج موال له اول ماله اخر

احسن شي انج تشوفين نفسج بشنو مقصرة وابدي بالتغيير

 

[florense]

اب اب