خططي لاهتمامي بنفسي وعمليتي .. وانتي شاركيني بخطتج ؟

[freethinker]

السلام بنات

هالموضوع طري علي توه لان احب اعرف البنات شنو يبون يسون وهمن لان احب اقولكم شنو بسوي (من الصبح افكار لوول )

الموضوع يختص بنيولوكج ومو قصدي هدوم ولا ميك اب .... قصدي تغير اكبر من جذي

يعني شنو الشي الي تبين تغيرينه بشكلج جسمج وويهج بس مو اشياء معنويه طبعا !

انا ببلش بنفسي واتمنى كلكم تجاوبون لان وناسه << متشوقه حدي اسمع عنكم :$

انا ابي اسوي شد صدري (عمليه )كنت متينه وضعفت وقررت بسويها عند عاطف علام واهلي وافقو بعد طلعت العين لمن قتلهم اني صج محتاجتها :eh_s(11):
عقب بسوي نفخ شفايف بشكل خفيف مايبين لان مابي امي تدري اني مسويه :$
بعدها ابي اسوي اسناني الي جدام ! اهمه زينين وانا اعتني اب اسناني بس للاسف صغار ومتساوين كلهم ! ودي اسويهم نفس اسنان حليمه او حصه اللوغاني ( يسمونها ابتسامه هوليود ) بس قبلها بسوي تبيض اسنان
واخر شي بسويه اهوا ليزر حق جسمي كله
وبعدين بشترك بنادي سباحه عشان احافظ واشد جسمي او يمكن ادش كيرفز للحين ماقررت .بس هالحجي على شهر 6 او 7 الياي :$

السبب حق النيولوك .. الصراحه ماكو بس ودي اهتم بنفسي واصير احلى ( انا حلوه :$ ) بس ابي اصير احلى احم وهم زيادة ثقه بالنفس


اي وهمن نسيت اقول شغله .. انا بسويهم مقطعين على فترات لان الفلووس مشكله ! ماعندي فكل مره بييمع واسوي شغله ! :rerrerek: $_$

دوركم بنات شاركونا خططكم الجماليه والسبب الي خلاكم تقررون <3

 

[freethinker]

up up banat wainkoom

 

[تعبت من الرجيم]

انا بالنسبه لي ودي بعمليه تكميم حاليا،، خصوصا ان سمنتي خربه علي كل حياتي،،
تالي ودي لو اسوي شي بظهري وايدي فيهم اثار حروق بالصغر وصارين جنهم كلف بس موكلف وعالجتهم وماراحوا،،
وودي اسوي ليزر لجسمي بدل هالحف الي كل يوم
ودي اعالج بشره وجهي اهم شي وجهي

ودي وودي بس وقت الصجيه اقول الحمدلله ع العافيه صراحه ،واكنسل كل شي

 

[أهداب]

سبحان اللة هالموضوع اليوم بعد ببالي

انا الصراحة من بعد الحمال واليهال ودي اغير شكلي كلة

احس شكلي كبران عن سني

فحاليا مبلشه بالليزر كامل الجسم
واذا خلصت ناوية اسوي فراسكل لويهي
وبعدين ان شاء اللة بشد بطني وصدري احس حيل صاير مترهل من الولادة

واخيرا اتمني القي رياضة تشد الجسم كلة علشان انتظم فيها

 

[freethinker]

تعبت من الرجيم : توكلي على الله وسوي !

اهداب : خوش خطط انشالله تسوينهم وتقولين لنا النتيجه :*

 

[ساشا]

اهلين ....

انا اول خطة لي انزل الجم كيلو اللي زدتهم خلال الخمس سنين اللي طافوا
وتقريبا 30 كيلو والسبب كنت اعالج حق الحمال عطتني دكتورتي هرمونات
وحملتين ورا بعض (الله لا يوريكم)

عقب النزول بسوي شد حق بطني اما جسمي بسويله رياضة لان اخاف
من العمليات ومالي خلق عوا لو ما البطن المترهل (جنه جفل خروف)
والا جان بس ضعفت ورياضة ... بس للاسف لا بد منها

عقب بسوي جلسات شعري عن عيادة اختي وبنت خالتي قاعدين
يراجعون فيها ياخذ من دمج ويفصلون الجينات ومادري شنو
ويردون يزرعونها بشعرج فشيصير
يرجع الشعر مثل ايام الثانوية ههههههه

اسناني عاديين وانا مبيضتهم بلصقات كريست كل 6 شهور اسوي

ممممم الصراحة ودي اسوي سوالف وايد
يعني بشرتي قبل الحمال كنت اسوي الكرستال واستخدم كريم خلطة
فيتامينات الكل بالشارع يوقفني شنو كريم اساسج
وانا مو حاطة (تخيلي) ... لمن خواتي زفوني مرة (انتي مينونة ..
قولي اي نوع كريم لا يطقونج عين)

وارد اسوي ليزر حق المنطقة الحساسة لوووول يضحك اسمها
لان سويت جم جلسة وماكملت لان حملت وهونت

 

[ام داااني]

الللله موضوع حلو

انا الحمدلله خلصت الخطوة الاولى اللي اهي التكميم ونزلت الحمدلله 38 كيلو

الخظوة الثانية شد الجسم والصدر عند الدكتورة جي ماير اللي برويال حياة

والخطوة الثالثة اسوي تجميل حق خشمي واتفخ شفايفي

وبعدين اسوي تقشير بشرة وليزر جسمي كله

واسوي تبييض اسنان اللومينير

بس وحدة وحدة عشان الفلوس

انشالله باذن الله على اخر 11 اسوي الشد

 

[freethinker]

ساشا وناسه ال30 كيلو يروحون بالركض والمشي و عاد قوليلنها شنو كريم الخلطه خل نجرب فيدنا حبيبتي :*
ام داني نفسي ههههههههه بس انا ببلش من شهر 1 عشان الدوام موفقه وانشالله تفيدينا بتجاربج :*

 

[ود=الحب]

السلام عليكم...
انا عن نفسي:: ١)) سويت ليزر حق جسمي كاااااامل.... ونااااااسة ورااااحة
٢)) خذيت موعد حق عملية الحلقه بنص ٢٠١٢
٣)) ابيض اسناني الحمدالله اهمه مرتبين ومافيهم شي بس شوية تبييض
٤)) شد حق جسمي اللي يحتاج شد راح اشده
٥)) اسجل نادي عشان مايخترب اللي سويته
٦)) سلاااااااااااااامتكم...

 

[ود=الحب]

ان شااااااااااااااءالله الله كريم
والله يكتب اللي فيه الخير

 

[freethinker]

حبيبتي الله يتمم عليج خوش خطط بسألج بجم سويتي ليزر جسمج كامل ؟ سويتي مره وحده ؟؟ وين وشلون ليزرهم :d

 

[درب السنع]

ونااااسه خووش موضوع

انا سويت تحوير مسار والحمدالله نزل وزني وايد وقبل 4 شهور سويت شد حق بطني وشفط حق فخوذي

الخطوه اليايه بسوي شد فخوووذ وزنووود وبسوي خشمي بعد

قبل 6 شهور سويت ليزر بس للاسف ماكملت ناويه ارد اكل لانه راحه بصراحه

ودي اسوي تلبيس حق اسناني ابتسامه هوليوود على قولتهم

واخيرا ودي الله يرزقني ب 50 الف عشااان اسوي الي كتبته فوووق

لووووول والله احنا عجيبييين ))))​

 

[Dancing^Queen]

خوش موضوع

 

[ود=الحب]

هلا حبيبتي سويته بمنار كلينك سويت جسمي كامل
الايد مع الاندر ارم والريل كلها والبكيني والخلفيه
طلع علي ١٢٠٠ بس كان عندهم عرض صار ٨٩٠
وبعد كنت رايحه عن طريق وحدة صار حسابي اخر شي
٦٥٠ دينار. ( قصة حياتي)*

٧))ابي اسوي عملية تجميل للمنطقه الحساسه

 

[شيخـه]

اهم موضوع شفته صراحه

التخطيط لكل شي حلو ويرتب افكارنا

انا عندي دفتر صغير وكاتبه فيه كل النقاط الي ناويه اسويها للأهتمام بشكلي

مثلآ حاطه تاريخ لتنظيف الاسنان وتاريخ عقبه للتبيض وباسأل الدكتور اذا يبيلي اجمل باسناني ولا لا

اسناني عدلين بس لما اشوف الفنانات اسنانهم مبروده على داخل اتمنى اسوي مثلهم (نفس اسنان نوال الكويتيه) وايد عاجبيني

وناويه انزل عشره كيلو وهذاني مع السير الكهربائي وتخفيف اكل

وليزر لكامل الجسم سويت 3 جلسات واحتمال باقي ثنتين ويوقف نمو الشعر

عاد انا سويت كامل جسمي ونسيت ويهي ..... هالمره لما اروح موعد جسمي بسوي ويهي

ناويه بعد نزول وزني اشد صدري واكبره قلت للدكتور قالي الأفضل تسوينها بعد نزول وزنج (وزني85 ) وطولي 163

والأهم عندي بعد العيد بسوي تنظيف كريستالي لوجهي ( أهم شي الوجه) حتى يريحج نفسيآ وانتي تشتغلين على روحج طالما كان مشرق ونظيف من الشوائب

حاطه بمخططي حتى اظافري لو فيه لهم عملية تجميل اسويهم لكن للأسف دورت بالنت ومالقيت اظافري بسرعه ينكسرون ولأني كنت اقرضهم باسناني من الصغر فشكلهم حتى لو طولوا مو حلوين لازقين وايد وخفااااف هشين

ومانسيت حبوب الفيتامين والاوميغا ثري وزهرة الليل المسائيه الصراحه هالثلاث ادويه وااااايد فادوني خف تساقط شعري وصار نومي اهدى وعطى بشرتي نعومه واشراقه ونفسيتي صارت احسن

وهم عملية تجميل للمنطقه الحساسه من زمااااان خاطري وخايفه تدرون عقب الولادات والنزول للرحم تترهل شوي قريت عن هالعمليه وايد يقولون سهله والله يستر

هذا الي اتذكره <<<< خليتي شي ؟

وبتشجيع بعضنا انشالله بنواصل
اهم شي كل وحده تسوي لو خطوه تخبرنا ناخذ تجارب بعض وتسهل المهمه

 

[freethinker]

درب السنع ههههههه اذا لقيتي ال 15 الف موتنسينه النص بالنص
حبيبتي انا بسوي ابتسامه هوليود بعد بس انتي بتشوين الفينرز ولا اللومينز وماتدرين شنو احسن فيهم ؟

ؤدانسينق كوين : مشكوره حبيبتي انشالله تشاركينه بخططج حتى لو ماتقدرين تسوينهم بس كتبي شنو ودج تسوين لو صار عندج المبلغ والظروف سمحت

ود الحب : مو جنه غالي ؟ انا شكلي بسوي الليزر علي مراحل اهم شي البكيني وايدي وبعدين اكمل الباجي لان افضل اسوي اسناني وعملية صدري قبل وتدرين نو موني نو هوني لول $_$

 

[freethinker]

شيخه : اهنيج على تفكيرج والله وحلو الوحده تهتم بنفسها .. انا اخطط حق كلشي وعنددي لو حه معلقتها بداري كاتبه فيها كلشي متى بسويه وجم سعره
اما بخصوص الاظافر انصحج جربي الفيتامينات بالصيدليه حق الاظافر

 

[mi corazon]

نايس بنات الله يتمم لكم ع خير

اهم شي تلتزموووووون لا تأجلون نفسي واندقرت لأن عرسي قرب ووقتي محدود

يعني العمليه بلشه لي خصوصا اني ماقدر اقول لريلي لأنه مو ذيج الميانه بينا علشان اصدمه واقول له بسوي عمليه

ونوعه يتطنز .. بيقول اشكره قصو علي اهلج لول

عالعموم بسوي اللي اقدر عليه

اسناني بلبس اللي جدام بس واسوي حشوه للفراغات لآني قطيت التقويم واهملتهم + تبييض

ليزر ويهي والبكيني لأن جسمي خفيف الشعر فيه ماتسوى يثقل بسبب الليزر

بييب ديرما رولر ان شالله لأن من تجارب الناس حسيته واو سحري للبشره

وحتى اعتقد اهو حل حلو لأثر العمليات

وان شالله لي بديت برنامجي بقول لكم الخطوات بالصور

موفقين حبيباتي وادعولي تتسهل اموري حدي مختبصه

 

[جروح ودموع]

خووووش موضوع وانا بصراحه اب انقص وزني 5 كيلو مع اني نقصت من شهر 9 للحين 10 كيلو ووصلت للوزن المثالي بس ابي انقص بعد لان الضعف يهبل علي واب اسوي حقنه الخلايا الجذعيه عند عادل قينه موعدي بااجر ان شالله واحتمال اتفخ شفايفي شويه بحيث ما يبن جنه طبيعي وبالمره بسال الدكتور عن شفط البطن بالليزر مع ان ما عندي كرش ههههههههه بس لقافه ابي يلزق بظهري زيااده وبالمره بسوي بوتكس

 

[freethinker]

miss corazon ! الله يعينج انشالله وحدي حاسه بمعاناة الوقت بس انشالله تلحقين وتسوين كلشي من غير مايجك ريلج هههههه وناطرين خطوات اهتمامج بنفسج بالصور



جروح ودموع نفسي بالضبط من تضعفين يصير ادمان ماتبين توقفين كله تبين تنزلين وزنج ههههههه عموما موفقه وقوليلنا شيصير معاج