خطر" في بيتج " يهدد حياتج وحياة اسرتج كل يوم !!!!!!

[om3boood]

خطر" في بيتج " يهدد صحتج وصحة اسرتج كل يوم !!!!!!

السلام عليكم خواتي

بنااات.. اللي بقوله لكم الحين يمكن اغلبيتكم سامع عنه او وصله بالايميل ... وانا وحده منكم وصلني هالخبر بالايميل اكثر
من مره .. واخترعت وصدقت الخبر ... ومع الوقت نسيت .. بس من فتره لي فتره اتذكر الموضوع وافكر اذا فعلا هالكلام
صج ولا مو صج :gr4uu:

بــــــــــنــــــــــات ..... الشغله جد وانا خايفة عليكم كثر ما انا خايفة على نفسي واهلي ....
وبنفس الوقت في غضب مو طيبيعي وودي افجر كل من له علاقة بهالموضوع

بداية السالفه كانت امس
..........
من قبل جم يوم ظهر ايديني امشقين وناشفين جنه جلد زواحف ومحمرين ويحروني اذا غسلتهم..وامس زاد علي
وصرت ماتحمل ... قمت دهنتهم بفازلين ولفيتهم بشاش .. وشكيت بصابون .. ان يوم يصير عندنا هالصابون يصير في ايدي جذي .. واذا انقطع تطيب ايدي .. وزادت الحاله علي لاني صرت استخدمه بالهبل باليوم الواحد.. المهم قلت الصبح بشوف شسالفة هالصابون!!! طبعا الفازلين ماقصر .. خفف علي وايد و طرى ايدي
يوم قلت خلني اشوووف مكونات هالصابون ... ولا انصدم صدمه حياتي
داخله (Sodium Lauryl Sulfate )
المادة اللي حذرونا منها بالايميلات .. اللي داخله بالشامبوات والصوابين
قلت خلاص لي متى انا بتم ساكتة ..
سويت سيرج عن هالمادة .... اااه ... سمعوا شلقيت

اهما مادتين عيال عم على قولتهم
Sodium Lauryl Sulfate (SLS) / Sodium Laureth Sulfate (SLES)
أول شي .. هالمادتين يستخدمون بمحطات غسيل السيارات والكراجات في تنظيف مكاين السيارات من الدهون والشحوم
شنو سبب استخدام الشركات للماده هذي في منتجاتهم ؟؟ هي الرغبه في الحصول على رغوة والمواد هذي رخيصة
شنو الآثار السلبية للمواد هذي على الانسان؟؟
- يسبب جفاف وتهيج وتورم اليد ( وبما ان المادة تزيل دهون المكينه بتزيل دهون البشره اللي تعطي الرطوبه)
- يتلف الشعر/ تقصف جفاف تساقط ( ويقولون " شعر صحي ولماع " )
- تهيج واحمرار العيون
- تسمم الكبد
المواد هذي تاكل بروتينات البشره وهالبروتينات تحمي البشره من الملوثات الخارجية .. اذا اختفت تدخل الملوثات البشره لي توصل الطبقات الرقيقه الداخلية للبشره
وبالنسبة للشعر .. المواد هذي تخرب الاكياس الجرابية للشعر بالتالي يتسبب التلف
وبالنسبة للاطفال .. المواد هذي تأثر سلبي على عيونهم مسببه تأخر في التطور البصري
والألعن ... ان المادة هذي تتشربها البشره فتدخل الجسم وتتركز فيه فممكن تسبب ضعف في خصوبه الرجل وتسبب سرطانات انثوية مثل سرطان الثدي ( بعيد الشر عنا وعنكم آمين )
المواد هذي تلقونها في :
الشامبوهات - صابون اليد - صابون المواعين - صابون الملابس - منظفات السجاد - معجون الاسنان - غسول الفم
جل الاستحمام للجسم - مستحضرات التجميل من مكياج وكريمات و سبريهات الجسم - ومنظفات المنزل المتنوعه
حتى بعض المناديل المرطبه .
وعلى فكره .. المواد هذي تختلف نسبها داخل كل منتج .. يعني في منتجات نسبه الماده فيها 5.% وبعضها 10-30%
لكن تخيلوا استخدامنا اليومي المتكرر للمواد هذي :0bee2e8d89:
المطلوب منكم انكم تختارون المنتجات بعناية .. جيكوا اذا الماده هذي داخله فيها
عليكم بالمنتجات الطبيعية وادري انها غالية وما تتحصل بسهوله

هذي المواقع اللي حصلتها وفي اكثر .. للي يحب يتأكد بنفسه
http://www.natural-health-information-centre.com/sodium-laureth-sulfate.html

http://www.healthy-communications.com/slsmostdangerousirritant.html

الحين روحي جيكي على شابوهاتج والصوابين والمعاجين .. وراح تنصدمين من الماركات اللي ماخافت الله واستخدمت المواد هذي .. وانا راح اتبحث أكثر عن هالمواد لين اتأكد 100% وماراح اسكت .. راح اراسل الشركات اللي تستخدمها
واحاول اطالب بايقاف استخدامها .. همتكم بالنشر .. واللي بتشك .. اقولها الاحتياط واجب .. اهم ماعلينا صحتنا وصحه عيالنا
اللي تحب تساعد .. تقولنا بس اسامي المنتجات اللي لقت فيها الماده .. عشان توفر على خواتها العناء
بالنسبه لي لقيته في ( صابون لايف بوي السائل - معجون ثيراميد - شامبو كلير ضد القشره )

واسفة عالاطالة .. وسلامتكم من كل شر
خواتي المشرفات اذا ممكن ( تثبيت الموضوع ) شكراا​

 

[دنيا جديده]

مشكووووره اختي على اللافاده الله يحفظنا من كل شر

 

[عهود الحب]

حبيبتي
بس شنو الي مافيه هالمادة ؟
كل شي فيه تعبت ادور شي مافيه منها ماكو خاصة الشامبوات

 

[Pwincess]

يعطيج العافيه عالتحذيير

 

[om3boood]

انا تعقدت .. ادري كل شي فيه هالماده .. شسوي ... حتى معجوني المفضل طلع فيه ..

 

[عيون^عليا]

الله يعطيج العافيه يارب



مشكورة وصلني بالايميل وطنش لكن الحين ذكرتيني الله يذكرج الشهاده يارب

 

[al7anona]

يسلمو على التحذير ماقصرتي

 

[soo_soo]

ايي هم انا جاني هالايمييل ؤبعدها شريت شامبؤ همالايا مافييه ماده هاذي

 

[dr_enshalla]

يعطيج العافيه
انا قاريه الايميل يمكن قبل 5 سنين بس صراحه كل ما اشتري شامبو القا فيه هالمادة
وبعدين كل شي في مادة تسبب سرطان انا تعقدت
شرايج اني احب صلصه تايلديه تنباع بالجمعيات ومره بالصدفة وصلني ايميل عن المواد الحافظة المسرطنة
وقلت خلاجيك وكان اقرب شي هالصلصه ولا فيها مادة مسرطنه e330 !!!

 

[كيوي كويتي]

صاجة حيل خطرة هالمادة وسمعت عنها وقمت اجيك على كل شي اشتريه

 

[سيــدة الغــــيد]

مشكوووره حبيبتي عالافاده

 

[سارونه الكويت]

جزاج الله خير على التنبيه

 

[انين_الصمت]

الله يعطيج العافيه انج وعيتينا ونصحتينا يارب يكتبها بميزان حسناتج ويدفع عنج البلا وعن كل من يعز عليج

 

[om3boood]

مشكورين على التفاعل .. والله يحفظ الجميع

 

[SupeR-GirL]

الله يحظنا من هالمصانع والشركات اللي ماعنها لاذمه ولا ضمير
مشكوره حبيبتي عالافاده

 

[مرق تفاح]

الله يكفينا الشررر

يعني شنو نستخدم ؟؟؟؟؟؟؟؟ الديودرنت يسبب سرطان ثدي
والماجي مو زين والشامبوات والمستحظرات كلها مو زينه شنسوي :gr4uu:

لا والديودرنت العادي يقولون يسبب سرطان الثدي قمت شريت ديودرنات طبيه وغالييييه مال فيتشي يمكن ب3 ومال كلينك ب6
والمشكله مو متاككده يمكن هم فيهم هالمواااااد
شنسووووووووووووووووووووووووووووي

 

[basema]

مشكوره على التنبيه انا والله اول مره اسمع بالشي هذا واتمنى اللي يلقا اي شي فيه هالماده يفيدنا

 

[البحث عن الأمل]

يسلمممممممممممممممممووووووووو

 

[غلاي غير]

مشكوره اختي بس ياليت ايو وحده تكتب المواد الي لقتها فيها هالماده والمواد الي مافيها

 

[عود ومسك]

كل الشامبوهات اللي عندنا فيها وجميع انواع الصابون ومعجون الاسنان
كلهم فيهم هالماده ولو تجيكون على اي شامبو من اللي نعرفهم بتلاقون فيه بس شنسوي
اهما يحطون في هالشغلات لأنها ماده مرغيه فا شتقولون بالله عشان حضراتهم يبون رغوه احنا نتأثر
انا اقولكم..مالنا غير صابون الرقي اهوا السليم ههههههههههه وهم ما يندرا يطلع فيه شي بعد
الله يستر علينا ويحفظنا والله يجزاج خير