خطة عبيد فالتجنيد للمتزوجاات -2-

[غلا-زوجي]

السلام عليكم ورحمة الله وبركاتة

بعد نجاح خطة بنت عيد زري والاعجاب فيها من قبل الطموشات <----- مادري شكو
ييت لكم بخطة يديده <--- شوااارنا
خطة

--عبيد فالتـــجنيد --

الخطوات كالاتي:-

اولا :اللي عندها اخوها او ولدها عنده بنطرون جيشي تتسلفه وماترده لان راح تحتاجه للخطة .



هالبنطرون اللي اقصده بالجيشي طبعا عن نفسي افتريت الافنيوز كله والفنار ومرينا وشرق مالقيته قالولي مالج الا السوقه الشعبيه اخذيه وضيجيه بالخياط ومارحت السوقه الشعبيه تكيسلت

ثانيا: تركبين معاه بلوزة سوده مزلطه او ستيان اسود او بدي ابيض كت ماعندج كت ادري لان موديل الكت قديم بلوزة بوسروال وفنيله قصيها سويها كت حقج لاتقصصين بلايزج.

ثالثا:تروحين كليرز راح تلقين كل من هالاشياء وكليرز علطول عنده منها لااااااازم



صبغ اظافر اخضر او اسود



اساور نايلون عنده كل الالوان اخذيلج اسود واصفر او اسود واخضر



دسوس اسود او ابيض بنات كليرز عنده نفس هذول اللي بالصورة لكن اقصر من جذي نفس اللي يلبسه مايكل جاكسون قصير بس كف الايد ..



كاب الرسام انا اسميه عنده لااااازم بس مادري شنو الالوان اكيد في اسود

وعنده بعد ستاند كامل اكسسوارات باللون الاخضر الزيتي المايل عالجيشي هم تقدرين تاخذيلج تشكيله

خلصنا من كليرز

رابعا: كشتج .. تبللين راسج بالماي بعدين تاخذين جل او فووم واغلبكم عندها فوم اعتقد ترشين صماخج كله تبللين شعرج فيه بعدين تعفسين خصله وتثبتينها بماشه بقمه راسج وتروحين حق الخصله الثانيه ليييييين تخلصين راسج كله وخليه براسج كل شوي رشي ماي من بخاخ الاوتي لمده ساعه ونص الي ساعتين ونص راح يصير جذي



في اجهزة كهربائيه تسوي جذي لكن الفوم مايحرق الشعر نبي اضرار اقل كافي الاضرار اللي بتصير بعدين <------ شقصدج؟؟؟. المهم

خامسا: الميك اب بما ان شعرج ستايل ولبسج جيشي ماله داعي الكحل اللي من هني لي شارع المطاعم وحيل افرك بهالجفن لا خلي الميك اب ناااااعم درجات البرونز والبيج والزيتي




شوفو المكياج اللي اقصده ناااااااعم حتى حمرتها ماتبين طبعا ماتبين لان اللون موهادي لااااا لان حليمة من النوع اللي ياكل الحمرة ههههههههههههـ لاحظو لبسها جيشي حلو واااايد .

سادسا : لبستي قبلها اللوشن والعطر الثقيل وتمكيجتي وسويتي كشتج وزهبتي مكانج شكلج بالنهايه هكذا





شفتو النتيجه طبعا مع الشموع و الحنه اللي بتلجين فيها راس ريلج متى ترد ومتى ترد
وماصارت ويله زهبيله بندولتين وعليه عليه ..

جذي خلصت خطة عبيد فالتجنيد وفهمتو سبب التسميه اذا ريلج بالجيش لبسي بسطارة هههههه وزهبي جنطتج احتمال يوديج تسلمين على اهلج معاج ورقتج ههههههههههههههههه


اخيرا: الله يلين لكم قلب ازواجكم ويسخرهم لكم ويطرح فيهم البركة ..

سي يو بخطة -3-​

 

[غلا-زوجي]

بنات انا نزلت خطه بنت عيد زري وعبيد فالتجنيد اللي تطبقهم تدخل عالخطه وتكتب تجربتها ولو تدرج صور وتعطيني تقييم ياااسلاااام هههههههههههههههههههههههه

 

[انا لحبيبي .]

تسلمي

 

[مولاي الفرج]

يسلمووو بس احسه نفس طريقه التنكري

يعني البسه بعدين شسوي احط ريل على ريل

مادري لوول فهميني

 

[جوري 2007]

نااايس ،، وابي اضيف رشاش ماي مال اليهال واعطيه واحد وانا واحد وهات ياقيله

يت الفكرة ببالي وقلت احطها ولو اني حسيت انه رشاش الماي يبيله بكيني

يسلموا على الافكار

 

[يازمان العجايب]

مشكورة
​

 

[رُۈحَ ۈ رْيحَآن]

ههههههههههههههههههههههههههههه حلوو المموووووضوووع
بسوويه لريلي =$


<==طمووشه برا

 

[حرم راشد الماجد]

واذا بسطاره ريحته تبط الراس ما يسوا علي افصخه وهو يختنق من الريحه


اتغشمر انا ريلي مدني اصلا بس بسيطه البسطار ندبره

 

[غلا-زوجي]

هههههههههه من صجج وين فيج شده تمشين فيه شثقله ترا

 

[ام حمد 85]

ههههههههه خوش فكره يسلمووووووووو

 

[ام ميميتو]

يعطيج العافيه بس سؤال انتي طبقتي هالخطه مع زوجج

 

[zaina alotibi]

نااااايس

 

[غلا-زوجي]

ام ميميتو: لااا ماطبقتها بعد مو اقولج رحت اكثر من مجمع مو محصله البنطرون الجيشي نهائيا قالولي بالاسوقه الشعبيه تكيسلت ومحلات اللانجري ماحصلت عندها تنكري جيشي

 

[توتــه]

اشتري اللانجري التنكري موجود بأغلب المحلات

بس حلوة مني لي شارع المطاعم جوعتيني هههههههههه

تسلمين حلو مووضوعج

 

[* ملكني الخوف *]

هههههههههههه عجيييبه خطتج

 

[دلع العتبان]

مشتهيه وجبه < يوم شافت شارع المطاعم

لوووووووووووووووول حدي داشه عرض

يسلموو قلب

 

[زوجة عزيز]

مشكوووره

 

[رآآحٺ آيآمڪْـ]

LooooooooooooooooL

 

[الفرفوشهـ]

حركااااااااااات
مشكوورهـ

 

[غلا-زوجي]

wellcome​