خطبنا منهم وننطر الرد وحظرتهم خلصو امورهم

[لؤلؤه قطر]

السلام عليكم
بنات شلونكمممم


من فتره خطبنا من ناس وماردوا علينا قالو يعني بيفكرون وماعطونا الموافقه ولا الرفض بس انا كلمت البنت شخصيا يعني كلام بنات وعطتني الموافقه طبعا بس قالت بعد بموافقه اهلي وتوجهنا علي اهلها وقالو لنا انتظروا ونرد عليكم وتميت اتواصل انا والبنت عن الموضوع نفسه وابد كل شي ماشي تمام بس قبل انتهاء المده اللي حددوها لنا شهر تقريبا ب 15 يوم تغيرت البنت فجاه وماصارت تاخذ وتعطي معاي يعني اختفت قلت يمكن مستحيه ولاشي وصراحه حنا عندنا اكثر من بيت غير هذول الناس بس علشان احنا نبيهم مابغينا نروح لغيرهم علي ااساس ناخذ الموافقه تم شهر ماردوا وبعد الشهر حنا كلمناهم وقلنا انتم طولتو علينا بالرد وجابو اعذار بانهم رافضين هنا انا كلمت البنت قلت انتي عشمتينا بالموافقه واللحين اهلج يقولون كلام ثاني وانا بصراحه حسيت البنت متغيره ماكانت مثل قبل متحمسه للموضوع المهم قالت والله مافي نصيب اهلي رافضين مافي يومين الا اعلنت اختها تطرش مسجات تقول فلانه ملكت ع شخص ثاني طبعا غير ولدنا
وعرفنا بعد ماتقدمنا لهم باسبوع جاهم شخص ثاني وافقو عليه وخلصو امورهم بسرعه وحنا هنا انصدمنا مهو المفروض انهم يوم قرووا القبول بهالشخص يردون علينا بالرفض ويعطونا خبر طبعا كيف يملكون ويشتغلون وحنا ننتظر منهم الرد انا ماني معترضه ان شاء الله لو تاخذ امير الله يوفقها بحياتها بس هذا اسلوب بالله ولايصير هالشي وعادي

 

[لؤلؤه قطر]

انتظر رايكم بنات

 

[ضــمــاد]

خيره .. لاتضايقون عمركم .. عسى الله يرزق ولدكم باللي تناسبه ويناسبها

 

[-فلانة-]

عادي حبيبتي مو كل الناس متربية و لا كل الناس تحشم و تعرف الذوق و الأدب، الناس أشكال و أرناق و خيرة اللي ربي ما كتب لكم تناسبونهم ان جان ما خلصتوا من مشاكلهم.
عسى الله يكتب لولدكم بنت الحلال اللي تستاهله و يستاهلها.

 

[توتة UAE]

المفروض يخبرونكم انهم رافضين ما يستوي يخلونكم تتريون شهر ومن هناك البنت تنخطب وتملج :/

المهم إنه ما صار شي أكبر من جذي الحمد لله والبنات وايد اخطبوا وحده ثانية والله يوفقكم

 

[لؤلؤه قطر]

بنات انا كنت بعدل بموضوعي بس الاداره منعتني فهاي موضوعي من بعد التعديل اتمني تقرونه كامل

السلام عليكم
بنات شلونكمممم


من فتره خطبنا من ناس وماردوا علينا قالو يعني بيفكرون وماعطونا الموافقه ولا الرفض بس انا كلمت البنت شخصيا يعني كلام بنات وعطتني الموافقه طبعا بس قالت بعد بموافقه اهلي وتوجهنا علي اهلها وقالو لنا انتظروا ونرد عليكم وتميت اتواصل انا والبنت عن الموضوع نفسه وابد كل شي ماشي تمام بس قبل انتهاء المده اللي حددوها لنا شهر تقريبا ب 15 يوم تغيرت البنت فجاه وماصارت تاخذ وتعطي معاي يعني اختفت قلت يمكن مستحيه ولاشي وصراحه حنا عندنا اكثر من بيت غير هذول الناس بس علشان احنا نبيهم مابغينا نروح لغيرهم علي ااساس ناخذ الموافقه تم شهر وزياده وهم ماردوا علينا وعقب انا كلمت البنت قلت لها طولوتوا صارت تتهرب وتجيب الاعذار مره تلفوني خربان مره انا بسوق وعقب ارد عليج ومن هالاعذار فقلت خلاص انطر لين ماتخلص شغلها وهي بنفسها ترد علي وبعد نفس الشي ماردت وكلمتها وصممت اني اعرف الرد منها علشان خلاص انهي الموضوع اللي طول ويوم انها شافتني اني مصممه علي الرد وانا بصراحه حسيت البنت متغيره ماكانت مثل قبل متحمسه للموضوع المهم اصريت اني اعرف الرد منها في شي ولا لا قالت مافي نصيب اهلي رفضوا والله يرزقكم وعقب اهلي كلمو اهلها قالو بيشوفون شسالفه خصوصا انهم ماردوا علينا اصلا وامي كلمت امها وجابو لنا من هالاعذار انهم رافضين مافي يومين الا اعلنت اختها تطرش مسجات تقول فلانه ملكت ع شخص ثاني طبعا غير ولدنا
وعرفنا بعد ماتقدمنا لهم باسبوع جاهم شخص ثاني وافقو عليه وخلصو امورهم بسرعه وحنا هنا انصدمنا مهو المفروض انهم يوم قرووا القبول بهالشخص يردون علينا بالرفض ويعطونا خبر طبعا كيف يملكون ويشتغلون وحنا ننتظر منهم الرد انا ماني معترضه ان شاء الله لو تاخذ امير الله يوفقها بحياتها بس هذا اسلوب بالله ولايصير هالشي وعادي

 

[al-musk]

طبعا مو طريقة ومو أسلوب بس هم ضمنو الثاني .. بعدين ردوكم .. الواحد مايزعل لأن في نصيب من رب العالمين بس فعلا الأسلوب والطريقة تضايق.. وماتقدرون تتحكمون بهشي لأن الناس طبايع وأصناف ..والواحد الا مايواجه هالناس بحياته

 

[زوجة حياتي]

خيرة من الله لا تضايقون ربي يرزق ولدكم بالاحسن

 

[Aloe Vera]

افتكيتو منهم ناس ماعندهم اسلوب

 

[قطرية كشخة]

لا تعليق

 

[مسـك]

خير لكم البي هذا اسلوبهم والله يرزقكم ببنت الحلال البي احسن منها

 

[مؤمنه بربي]

شوفي حبيبتي الرجال لمن يدور اسهل من البنت واضمن
بس البنت ماتكون ضامنه شي واذا جو اثنين تبي تختار الافضل طبعا
بالشكل والشهاده والمنطق بس هي مو ضامنه ولابيدها شي
يعني مثلا انتو خطبتو منهم من صجهم وقلبهم ونيتهم انهم بوافقون عليكم
وبعدها انخطبت البنت قالو خلونا نشوف الثانين
يشوفون البنت يمكن تعجبهم شافو هذولاك عجبو
قالو لا نستعجل نرفض الناس الثانيين يمكن ماتتم الامور خل تتم بعدين نرفضهم
فتمت امورهم ورفضوكم عرفتي ؟
لان هم قالو مانبي نضيع فرصتين بوقت واحد
اذا تم الافضل كان بها ،
يعني انا في ناس خطبوني بس صج قله ادب وذوق وحز بخاطري
لان الرجال هو اللي بيده القرار يجون ولا يردون لما خبر عالاقل موافقه مبدئيه مافيه ؟
شنو هالناس يعلقونا ولا يردون وانا طريقتي انطر مااستقبل لمن اعرف الناس
يمكن بخاطرهم ويبون فمااستقبل غيرهم فاحتر ويحز بخاطري
قله الادب وعلى انهم قالو قبل لا يطلعون بينا اتصال وبنرد عليكم ولا ردوا
فبهااحاله طقاق يطقهم واستقبل غيرهم لانهم مو كفو نطره حتى ياليت يقولون مافيه نصيب لا شغل تعليق !!!
الله جيب اللي فيه الخير والصالح

 

[boliana_q8]

عادي الموضوع جدا انا كانت تسأل عن الأثنين وطلع الثاني يناسبها اكثر ووافقت عليه
وهذا قسمه ونصيب في ناس توصل لي يوم الملجة تغير رايها مافي شي اسمه عشمتنا وعطتنا كلمه هذا زواج مولعب

 

[كوكيز بالكريمة]

ﻻ حول و ﻻقوه إﻻ بالله العلي العظيم .. أستغفر الله العظيم و أتوب إليه ..

البنت كانت موافقه .. و راضيه بهالشي و تغيرت بين يوم و ليله عشان اﻻخ الثاني اللي خطبها افضل مثلا" !!!

مااااايجوز الواحد يخطب على خطبه أحد ثاني .. الله المستعان ..

و اﻻدهى و اﻷمر بالموضوع انه طول هالفتره كانوا ساكتين و تالي ردوا بعدم الموافقه !! ليش اﻻستهزاء بالخاطب وأهله .. شنو هالبشر هذول ؟؟!! أستغفر الله ..

قال الشّافِعِيّ بمَعْنَى هذَا الْحَدِيثِ "لاَ يَخْطُبُ الرّجُلُ عَلَى خِطْبَةِ أَخِيهِ"...، هذَا عِنْدَنَا إذَا خَطَبَ الرّجُلُ الْمَرْأَةَ فَرَضِيَتْ بِهِ ورَكَنَتْ إلَيْهِ، فَليْسَ لأحَدٍ أنْ يَخْطُبَ عَلَى خِطْبَتِهِ. فَأَمّا قَبْلَ أَنْ يَعْلَمَ رِضَاهَا أوْ رُكُونَها إلَيْهِ، فَلاَ بَأْسَ أَنْ يَخْطُبَهَا.

الله يعوض أخوج بأفضل منها و عسى في اﻷمر خيره إن شاءالله .

 

[Aloe Vera]

صح كلام اللي فوق مايجوز خطبة على خطبة و دام البنت عطتكم الموافقة معناته تمت

 

[لؤلؤه قطر]

مشكورين بنات ع ردودكم وبالعكس حنا مو زعلانين ولاشي لان هالموقف بين لنا علي حقيقتهم والله يستر عليهم بس اللي قاهرنا كلنا انو عندنا ارتباطات واشغال مهمه بالشهر اللي
ضيعوه عالفاضي وكل شي تكتسل بسبتهم لان حنا حاسبين لكل شي

 

[لؤلؤه قطر]

مشكورين بنات ع ردودكم وبالعكس حنا مو زعلانين ولاشي لان هالموقف بين لنا علي حقيقتهم والله يستر عليهم بس اللي قاهرنا كلنا انو عندنا ارتباطات واشغال مهمه بالشهر اللي
ضيعوه عالفاضي وكل شي تكتسل بسبتهم لان حنا حاسبين لكل شي

 

[M!ss CoLoRz]

وي هاي ولا شي

قولي الحمدالله الخطبة إذا من أحد اهوه ما اختارها ولا متفق وياها تطلع لج سوالف تخليج تضربين اخماس في اسداس وحتى إذا اختارها بعد ايونج الأهل يسون مسرحيات

لا تشيلين في خاطرج وكل واحد يسوي بأصله

 

[لؤلؤه قطر]

اي والله الحمدلله يارب

 

[فواصل]

ما تدرين يمكن خيرة انكم ما خطبتوا البنية

و الله يعوضكم بأحسن منها