خشمي رفـقـا ً على نفسيتي :(

[دروب الشقى]

السلام عليكم ورحمة الله

0
0
0

:0bee2e8d89:


0
0

بنات خشمي طويل وفيه بروز بعظمة الأنف ومسببة لي حرررج مرره احس كل مالها تزيد يعني لما كان عمري 15 كانت خفيفه والحين بارزه أكثر بكثييييير ومسببة لي حرررررج

اتوقع من الضرب اللي يجيها من الكورة و الطيحات وانا صغيره ..


نفسيتي تعبت كثير وصرت اقابل المرايه .. و .. أبكي
واستحي احد يكلمني ويكون جالس جنبي لانها تكون واضحه اكثر على الجنب ..


بنات انا مااقدر اقنع اهلي بالعمليه واصلا استحي اقول ان خشمي معقدني
واصلا مافيه احد يوديني لمستشفى تجميل لاني بمدينه ثانيه ويبي له مواعيد ومرمطه ..


كثير اتمنى القى علاج لخشمي بدون جراحه ومستشفيات بس اضحك على نفسي واقول مستحييييل
وكثير اذا تعبت نفسيتي دخلت على منتديات تخص الامراض واقعد اتحمد ربي على العافيه وانسى خشمي وتهدئ نفسيتي ..
بس ترجع تدهور من جديد لما اشوف وجهي بالمرايه ..

ادري ان موضوعي ماله داعي
وماله دخل بقسم العمليات الجراحيه بس بكتب اللي بخاطري ..تحملوني فديتكم ..

 

[ملح و سكر]

الله يعينج اختى بس لازم تعرفين ان الواحد لازم يكون عنده الثقه ....واذا انعدمت الثقه ماراح تقدرين تعيشين مرتاحه


صدقينى خلى ثقتج بالله اولا وبنفسج ثانيا ....وبالنهايه هذى خلقة الله قدرتى تعالجين كان بها بس اذا مااسمحتلج الظروف بعد شتسوين


مالج الا الصبر ....انشالله لما تتزوجين زوجج يساعدج انج تسوين العمليه انا مثلج ماكان عاجبنى خشمى


بس معطيه ثقه بنفسى لابعد الحدود...وعقب ماتزوجت بجم سنه رحت وسويت العمليه بس تصدقين والله معاناة يعنى لو مخليته على كبره وايد احسن .. لان الواحد اذا عطى حق نفسه الثقه الناس راح تشوف هالثقه فيه ....لكن اذا ماوثقتى بنفسج صدقينى راح هالشى ينعكس علبج .....حتى الجميله اذا ماوثقت بنفسها راح المجتمع يشوفها موجميله ...انتى تعطين المجتمع مرآة لنفسج .....

واتمنى انج تقتنعين بالكلام اللى قلته لج ....وموفقه حياتى ...

 

[ZaYtOoNa]

مممممم ما بعرف شو بدي قلك
بس لو ما بتقدري تعمليها ضلك اقنعي حالك بمنخارك
و اهتمي بحالك بشعراتك ببشرتك بلبسك
وضلك قولي انا حلوه
عرفتي
مش مهم رايي الناس بشكلك
المهم انتي تكوني مقتنعه بحالك
وان شاءالله ربنا يسهلك وتقدري تعملي العمليه بالمستقبل القريب

 

[لاتينيـه]

الثقه اهم شي حبيبتي الثقه
لآ تقولين عمليآت وخرآبيط غير عوآرهآ ومضآعفآتهآ
حرآآآآآآآآآم
ارضي باللي الله عطآج ايآه
قولي الحمدلله ع الصحة والعآفيه

 

[alb7ranya17]

انا بجيت وطنقرت وما كليت وكسرت خاطر امي سوتلي ياها هههه عند حبيبي عبد المحسن جعفر طبعا حبيبي لانه عدلي خشمي الي كان مسببلي كارثه كبيرة بحياتي والحين الحمد لله خشمي صار شي حلو بحياتي سوي مثلي وبتشوفين النتيجه

 

[أحب أمي]

والله حاسه فيج حيييييييييل

حاولي ترضين بشكلج .. وادعي ربج دايما .. وحاولي تقنعين اهلج

 

[قطوتي]

الله يعينج : (

حاولي فيهم يمكن يوافقون

 

[حبة_الكرز]

بصراحة انا مستغربة من البنات الي مو راضية على خلقة الرحمان ومنبهرة بتعديل الانسان حراااااااااااااااام والله قاعدين تعيبون في خلقة الرحمان وتمدحون في الانسان مقاربة غريبة وخطيرة

 

[دروب الشقى]

مشكورين على مواساتكم لي

بصراحة انا مستغربة من البنات الي مو راضية على خلقة الرحمان ومنبهرة بتعديل الانسان حراااااااااااااااام والله قاعدين تعيبون في خلقة الرحمان وتمدحون في الانسان مقاربة غريبة وخطيرة

طيب واذا كان خشمك مدمر نفسيتك وش تسوين ؟؟
والله احيانا اناظر شكلي بالمرايه واقول لا بالله عنست ..!!


واللي ايده بالماي مو زي اللي ايده بالنار



0
0

 

[دروب الشقى]

مشكورين على مواساتكم لي

بصراحة انا مستغربة من البنات الي مو راضية على خلقة الرحمان ومنبهرة بتعديل الانسان حراااااااااااااااام والله قاعدين تعيبون في خلقة الرحمان وتمدحون في الانسان مقاربة غريبة وخطيرة

طيب واذا كان خشمك مدمر نفسيتك وش تسوين ؟؟
والله احيانا اناظر شكلي بالمرايه واقول لا بالله عنست ..!!


واللي ايده بالماي مو زي اللي ايده بالنار



0
0

 

[roseydoll]

حبيبتي فعلااا انا الوحده اتحب اتكون بمظهر جميل وجذاب بس هذاااا كله مااايوصلج انك اتعبين نفسيتك علي الفاضي يعني عندك حليين
الحل الاول : ياانك اتسيرين ايجابيه وتوخرين عن السلبيه شويه لانها ماراح توديك مكان بالأصح لاتستسلمين وتتكلمين عند امج وتقوليلها الي بخاطرج وانااا شكثر خشمك متعبك نفسيااا ومسبب لك احراج وبالتالي سوالك عدم الثقه بالنفس وحاولي تبينيلهااا وهذااا كله ماراح يجي بساهل يعني حاولي حتي لووو سنه سنتين المهم انها ترضخ لك وموووبس بالحنه يعني وريهاااا حالات شبيه لك قبل وبعد العمليه وعطيهاااا فتاوي شيوووخ من هالناحيه وانااا السالفه يبيلهااا فقط مراجعتين اووو ثلاث مومثل ماانتي متصوره يعني سهليها لها شوي شوي بتقنع حتي لووو بينت لك عكس الشي هذاا يعني بينيلها انك مصممه ومتأزمه ولاتنسين الدعاء اخر الليل وانا ربي يسخر لك خلقه

والحل الثاني : انك تتعايشين مع وضعك وماتتذمرين لان الله خذااا منك واكيد عطاااك اشياء اكثيره حلوه وحمدي ربك فيه نااااس يدورون العافيه مولاقينهاااا اناااا اقول هذااا الكلام عشان لماااا تتعب نفسيتك من التفكير بهالشي تردين اتفكرين اناااا الله يحب الشاكرين الحامدين واحمدي ربك كثيييييييييير
وصدقيني كل واحد فينااا شي موووعاجبه بس هم الحمدالله علي كل حال

 

[Dreamy G!rl]

رضا الناس غاية لا تُدرك
باجر بتسوين العملية تشوفين بعضهم ما يعجبهم خشمج و البعض الثاني بيمدح
بخشمج..نفس حالتج بدون العملية
شكري ربي و حمديه و بالشكر تدوم النعم
و صدقيني انا حاسه بشعورج بس اذا الواحد مو بيده شي
لازم يقتنع باللي اقسمه له رب العالمين و صدقيني كل شي في حكمة من
الله و خيرة لج و اكيد في تعويض
و لا اتحطين في بالج ان اذا خشمج مو حلو مارح تتزوجين !!
منو قال؟؟
غلط هالحجي الزواج قسمة و نصيب و ربج الرزاق مو البشر
ياما ناس اعرفهم لا جمال و لا شي لكن خفت دم و طيبة قلب
و خوف من الله و مرتاحين مع ازواجهم و عايشين احسن عيشه
لا اتعلقين قلبج ابخشمج و ان الجمال مو كل شي ..
استانسي و عيشي حياتج طبيعي و تذكري الجنة و ان الي تدخلها
بتصير احلى من حور العين ..
و الله يكون بعون الجميع يارب
و لا تنسين تدعين ربج ان يرزقج القناعة و الرضا