خششمي مسببلي أزممه نفسيه

[! عافك الخاطر !]

سلآم
:eh_s(2)::eh_s(2)::eh_s(2):

بدش في الموضوع بدون مققدمآت



انا لمآ كنت صغيرونه عمري سسنه انكسر خشمي ككسسر يعني كل الغضآريف انكسرت
وششكل خششمي xxxxxx مثل خشوم الآندنوسيآت

شآلتني بنت خآلتي وانا طحت من فوق الدري وانكسر خششمي حححييل صآر يفششل
وامي مو راضيه اسسوي عمليه , تقول ششحقه تسوين عمليه ؟

والله ششكلي حده يفششل صرت مآاطلع ولآأروح ولآمكآن عشآن مآأتفششل
واحيآنآ اذ تهآوشت مع أختي الجبيره لآن عيآلهآ ححيل ميآنين تقوم تهآوشني
وتقولي روحي يآلآندونسسيه :eh_s(2)::eh_s(2):
واطلع من دارهآ وادش دآري واقعد ابجي
اذ هآوشوني قولولي هآلكللمه :eh_s(2)::eh_s(2)::eh_s(2):\

 

[Tom ♥ Jerry]

,


اب اب اب لي بآك آن شاء الله ؛(!

 

[Patcholli]

حاولي تقنعين امج بظروره العمليه خاصه وان السبب حادث وعندج كسر ويحتاج التعديل
وعلى قولتهم كثر الدق يفج اللحام ..
كلميها مره ومرتين وثلاث وعشر وان شاء الله بتقتنع

 

[عيونك دنيتي D]

حبيبتي لاتركزين على المشكله عشان ماتحسينها كبيره

يعني لاتصبين كل اهتمامك بخشم !

اكيد فيك اشياء كثيره احللللى وتغطي على هالمشكله الصغيرونه ^_*

 

[سهام بنت محمد]

حاولي معه امك حبيبتي ونشاالله بترضا واذا ما رضت

لا تعقدين نفسك ولا تشلين هم كلش اهم شي الصحه ياقلبي

 

[دمبوووشه]

حبيبتي تدرين المشكله شنوو ؟؟
انتي ماعندج ثقه بنفسج ومن كثر ماتكررين هالشي وتقولين خشمي وخشمي راح تثبت بعقول الي حوالينج
ان خشمج فعلا مو حلو وربي جربيها امدحي نفسج حتى لو بالضحك والتصنع وصدقيني الي حوالينج راح يحسون خشمج حلوووو
ومافيه اي عيب
واهم شي لاتفكرين بهالمشكله عشان ماتتعبين نفسيا
ومسألة انج ماتروحين وماتجين بسبت هالمشكله <<< اسمحيلي اقولج غلطانه حبيبتي في غيرج ناس كثيره
عندهم عيوووب خلقيه وماحرموو انفسهم من الطلعه والرده وواثقين حيل بأنفسهم
واذا احد عيييب عليج ام خشم واندونسيه هم انتي ردي عليهم وطلعي عيوبهم اما اذا كانت اختج او امج عادي حياتي اخذيها بضحكه
وخلي عندج سعة صدر ولا تكدرين ع عمرج
واسمحيلي ع القرقه الزايده ههههههه
واتمنى اكوون افدتج

 

[شباصـه فرنسيــه]

انتي مكبررره المووضووع
ولا عاااادي مااحسسها مششكله ابدآآآ ..

 

[بنت بو متعب11]

صج ماحسها هالمشكله تستحمل انك تحرمين نفسك من الطلعه ي ما ناس فيهم عيوب
وياما ناس ماعندهم رجول ومقعدين على كرسي ويروحون ويتمشون وهم يضحكون
كل ماصحتي عشان خشمك تذكري هالناس واحمدي ربك انه عطاك صحه وعافيه
انتي حاولي في امك ترضا بالعمليه وقوليلها ان مو تجميل او بغير خلقه ربي
لان انتي مثل ماتقولين متعرضه لكسر

 

[Queen N]

خلي ثقتج بنفسج كبيرة و ماعليج من احد
في ناس محترقة و مشوهه و قاعده تطلع و تعيش حياتها عااادي
انتي سملله عليج مافيج شي
و بخصوص اختج .مع احترامي لج و لها بس هذي قلة احترام منها !! عيب تقولج جذي لا تسكتين
اذا قالت لج هالكلمه قولي لها رد يخليها تنقد علا نفسها
و تستحي من عمرها .. ابسط شي قولي لها ما راح انزل من نفسي و ارد عليج و ابتسمي
و بتشوفين انها مراح تعيدها
و بخصوص العملية اذا حسيتي انج صج صج تحتاجينها كلمي امج مرة ومرتين و 3
واذا ما اقتنعت نطري لين تتوظفين و سوي العملية عى حسابج

 

[سفيره الكويت]

بما انج كان طبيعي خشمج غيير وصار غيير بعد الكسر فسوي عمليه تجميل وموفقه

 

[قيروان الزمان]

السلام عليكم ورحمة الله وبركاته
دكتورتنا مرة قالتلنا:
تخيلي إن المشكلة دائرة .. حلو؟
مشكلة بعض الناس انهم يقعدون داخل الدائرة بالنص
وما يشوفون حوالينهم شي إلااااا المشكلة
ولكن الناس الحكيمة واللي توزنها عدل..
تطلع بره الدائرة وتشوف حجمها الأصلي
وتستوعب إن حجمها صغييييييييير
ما يستاهل كل هالتعب والهم والتفكير والتأزيمات الخ الخ

إنتي جذي سويتي..
قعدتي بنص الدائرة وما عدتي تشوفين شي غير هالمشكلة
لكن بالأصل اهيا صغيرة..إذا تقولين خشمج صار نفس الأندونيسيات
كا الأندونيسيات عايشين حياتهم ولا عابهم خشمهم ولا شي
خلج واثقة من نفسج مثل ما قالولج البنات..
واحمدي ربج على النعمة اللي انتي والله انج بنعمة
مووو حاسة فيها
غيرج يتمنى يكون عنده خـشـم..

قولي الحمدلله..
والجمال جمال الروح يا قلبي
شنو فايدة الجمال بالأخير راح ياكله الدووود؟

وتعوذي من ابليس انتي حلوة أكيد
ونظرتج حق خشمج خلتج ما تشوفين هالشي
والله يفرح قلبببببج

 

[انا لها شمس]

لاحرام الخشم اكثر شي يبين بوجه الوحده
وانا معاج سويها وردي ثقتج بنفسج
وقولي لامج مو تجميل ونحت وبرد
بعدل الغضاريف والدكتور ابخص بشغله
وصارحي امج باحراجج وضبقتج

 

[الزورق222]

استخيرى وتوكلى على ربج وسوى العملية وماعليج من اهلج اكيد راح تتغير نظرتهم لو سويتيهاااا العملية بوضعج ضرورى ماادرى ليش رافضين اهلج يعنى لو كنتى وحدة مو مظطرة لها ماااوافقناج بالرأى ..

 

[fulla 7elwa]

الحين بالمكياج كل شي يتغير حاولي تحطين او تتعلمين شلون تسوين خشمج حلو بالكياج
و اذا امج مو راضيه خيره ما تدرين يمكن احسن لج صدقيني

 

[صب القفشه]

مشششكله من لا شي !! و ما اقدر اقول عنها مشكله

حبي نفسج و زيدي ثقتج ابنفسج و برزي جمالج باناقتج الموضوع كلها يحتاج ثقه بالنفس فقط لا غير

 

[حبيبة أهلها]

حبيبتي ادعـي بالسجود وصدقيني راح تنفرج قريب توكلي على الله بس والانسان بااخلاقة مو بس شكله ...~

​

 

[*E.B.D.A.3*]

حبيبتي انتي
شوري عليج دشي مواقع الدكاتره والي يسوون عمليات وحفظيلج جم اسم
وقولي حق امج انا بس ابي استشاره مابي اسوي شي
طبعا حزت الاستشاره .. الدكتور راح يطلع كل بلاوي خشمج
وتقدرين تالي تحاججينهم بهالسالفه
خصوصا من باب الزواج
قوليلهم مستحيل اتزوج وانا هذا خشمي مابي !!
حتى انتو تعايروني فيه !!! فمبالكم الغريب اذا شافه !!


ثاني شي
انتي اشلونج مع المكياج ؟؟
ترى المكياج يخفي 80% من عيوب الخشم
ومو بس المكياج حتى طريقه الحواجب ورسمتهم تاثر برسمه الخشم
اذا خشمج فعلا مشابهه لخشم الاسيويات
انصحج تقربين الحواجب من بعض قد ماتقدرين
وتفتحين مساحات باخر الحواجب عشان تتوزع الملامح بالويه

 

[سحـورة]

« رَبِّ اغْفِرْ لِى خَطِيئَتِى وَجَهْلِى وَإِسْرَافِى فِى أَمْرِى كُلِّهِ، وَمَا أَنْتَ أَعْلَمُ بِهِ مِنِّى،
اللَّهُمَّ اغْفِرْ لِى خَطَايَاىَ وَعَمْدِى وَجَهْلِى وَهَزْلِى، وَكُلُّ ذَلِكَ عِنْدِى، اللَّهُمَّ اغْفِرْ لِى مَا قَدَّمْتُ وَمَا
أَخَّرْتُ وَمَا أَسْرَرْتُ وَمَا أَعْلَنْتُ، أَنْتَ الْمُقَدِّمُ، وَأَنْتَ الْمُؤَخِّرُ، وَأَنْتَ عَلَى كُلِّ شَىْءٍ قَدِيرٌ »

 

[شقرا كويتيه]

الله يعينج حاولي معاها وان شاءالله ترضى

 

[جنوبية وأفتخر]

أجول عطني رقم أمك خلني أتفاهم معاها خخخخخخخخخخخ
بصراحة حالتك يحتاج لها ضروري عملية ..