خريف مدينتى حالم حياكم

[sereen]

اشلووونكم يامصورات انا انضميت لكم لسبب ان الخريف فى مدينتنا روعه مال نانسى عجرم اتغنى فيه ولا نوال الزغبى
المهم خذيت لكم لقطات متواضعه من كاميرات الفوجى 8.1 ميجا بكسل . عاد ابى ارائكم الفنيه بالنسبه عيوب الصورة اشلون اخذها

ماعليكم امر وحياكم الله

 

[NoWay2know]

الصور حلوين والوانهم واضحة، واعجبتني وايد الصورة الثانية خليتها وول بيبر لاب توبي .. لكن الصورة الثالثة فيها ميول ، والصورة الرابعه ،، لو مصوره الصورة بدون الشارع مع السيارة ، واكتفيتي بالمنظر المطلوب...


يعطيج العافية

 

[عالمة_جيولوجيا]

ماشالله وايد روعه ياتري وين ساكنه شلكج بدول اروربيه

 

[digital]

روووعه الصور سبحان الله

استمتعى بهالجو الحلو طول ما انتى هناك

 

[عاشقة ديور]

ماشاءالله مدينه رووووووووووووعه طبيعه فيها تهبل

 

[أسـيـل]

مشاءالله روعه

 

[الدوريف]

رووووووعه سبحان الذي خلق

انتي وين فيه ؟؟

 

[brat]

واااو روعه

انتي بأي مدينة؟

 

[♥ąϻᴑŁ♥]

ماشاء الله حلوين ..

شكلج يمي بـأمريكــا

 

[جاي وحليب]

sereen

مشالله.. احلى شي برا بالتصوير الخريف
اوراق الشجر الوانها وتدرجاتها مووطبيعيه

حياج الله معنا.. مشاركه جداً حلوه
حبيت الصورة الاولى وايد..

بس عندي جم ملاحظه..
- حاولي تتجنبين الميلان اثناء التصوير
- تجنبي الاشياء العواميد الاسلاك... اللي ممكن تشوه الصور
- جربي الصور بالطول وبالعرض وبزوم او من بعيد
صوري اكثر من صورة لنفس المكان بالشغلات المختلفه اللي ذكرتها
وبعدين ممكن تختارين افضلهم لما ترجعين البيت...

موضوع الورشه هذا يديد وراح يفيدج وايد....
ورشـــــــــ تصوير المناظر الطبيعية Landscape Photography ـــــة


تشوقنا ليديدج ....

 

[a7la tooota]

الصور وايد حلوه تسلم ايدج حبيبتي

 

[sereen]

الصور حلوين والوانهم واضحة، واعجبتني وايد الصورة الثانية خليتها وول بيبر لاب توبي .. لكن الصورة الثالثة فيها ميول ، والصورة الرابعه ،، لو مصوره الصورة بدون الشارع مع السيارة ، واكتفيتي بالمنظر المطلوب...


يعطيج العافية

-----
حبيبتى نووووواى ردووودج ومشاركاتج تعجبنى ورايج راح اخذ فيه وعليج بالف عافيه الباك جراوند ......... بحاول اعدل فى المرات اليايه
تسلمين ياقلبى

 

[sereen]

الصور وايد حلوه تسلم ايدج حبيبتي

--------
عمرى انتى على المشاركه الخريفيه اللطيفه ولا خلا ولاعدم ........

 

[sereen]

sereen

مشالله.. احلى شي برا بالتصوير الخريف
اوراق الشجر الوانها وتدرجاتها مووطبيعيه

حياج الله معنا.. مشاركه جداً حلوه
حبيت الصورة الاولى وايد..

بس عندي جم ملاحظه..
- حاولي تتجنبين الميلان اثناء التصوير
- تجنبي الاشياء العواميد الاسلاك... اللي ممكن تشوه الصور
- جربي الصور بالطول وبالعرض وبزوم او من بعيد
صوري اكثر من صورة لنفس المكان بالشغلات المختلفه اللي ذكرتها
وبعدين ممكن تختارين افضلهم لما ترجعين البيت...

موضوع الورشه هذا يديد وراح يفيدج وايد....
ورشـــــــــ تصوير المناظر الطبيعية landscape photography ـــــة


تشوقنا ليديدج ....

---------------------------------
بعد اذا الخبرا ااتكلموا انا اسكت ................. تسلمين عمرى على الاطراء وعلى التنبيهات وفعلا كلامج صح ما ادرى شسوى هالديرة كلها وايرات كهربا ماعرفت اتحاشها حاولت انى اغطيها بالبرامج بس خفت اخرب الصورة والميلان سكتى بس انا حتى لما اسووووق انام على السيارة اللى يمى ودايما يسار
وكلامج يطابق زوجى لان عندا هواية تصوير قالى اخذى كذا لقطه من كذا زاويه للمنظر

تدرين وانا اصور والله كنت خايفه احد يوقفنى ولا يشك فينى حجاب واطقطق صور ..... وحدى مرتبكه جنى بايقه

وباخذج بالنقاط اللى ذكرتيها والرابط جدا ممتاز الف شكر لج​

 

[sereen]

ماشاء الله حلوين ..

شكلج يمي بـأمريكــا

------
والله كشفتينى من ناحية يمج انا يمج بس عاد مادرى بالميد ويست انتى ؟

 

[sereen]

رووووووعه سبحان الذي خلق

انتي وين فيه ؟؟

-----
هلا عمرى انا فى امريكا وحياج على المشاركه الخريفيه ماقصرتى

 

[sereen]

مشاءالله روعه

-----
عمرى انتى على المشاركه العطرة

 

[sereen]

ماشاءالله مدينه رووووووووووووعه طبيعه فيها تهبل

-----
والله اولا شكرا لج ولذوقج ياقلبى ثانيا مدينتنا معروفه بالخريف اوحتمال اغلب الولايات الميد ويست نفس الشى او امريكا اجمالا
اتشوفين الفصوووول الاربعه فيها ماشاء الله لا الله الا الله يعنى جد عظمة الخالق ابداع
ونورتى الموضوع

 

[sereen]

روووعه الصور سبحان الله

استمتعى بهالجو الحلو طول ما انتى هناك

------
هلا والله عمرى انتى متنقصتلكم اياه والله يااهل الكويت ولا جان ماصورت ,,,,,, عمرى انتى على المشاركه

 

[sereen]

ماشالله وايد روعه ياتري وين ساكنه شلكج بدول اروربيه

-----
ايوا شغل ا لابحاث والارض اشتغل انا ياقلبى فى قارة امريكا الشماليه