خريـجات آداب انجليزي ..تعالوا قولولي شلون مقابلة التربيه صروعووني !!!

[بنت مشرف ق5]

صباح الخير كويتيات

انا خريجة ادب انجليزي الكورس الس طاف ، وتوني راده الديره
وقدمت علئ التربيه وحددو لي موعد للمقابله مع موجهين الماده

السؤال الحين ،،، شلون اجواء المقابله !
شنو يسألوني ؟؟؟
وشلون الاجواء راح تكون ؟
صج ماكو واسطات !

عاد انا بسررررعه اتخسبق واتبريد ):
شكثر بنات خوفوني يقولون اللجنه تخرع والامتحان تعجيزي


ولي يسلمكم الي عندها تجربه تذكرها هني

وبدعي لكم من كل قلبييييييي

 

[Ajmal E7sas]

انا اداب بعد انجليزي و ناطره قبولي بالتربية ..
رفيجتي توها مقدمه امتحان , اهيه اداب انجليزي بعد ..

قالولها تكلمي عن نفسج بالانجليزي ..
و ليش تبين تصير ابله .. واذا تبين تصيرين ابله ليش دشيتي اداب ( انتو شكو ؟ لول )
و عطوها امتحان جنه قواعد و كلمات جذي سوالف اكمل الفراغ ..
و قالولها كتبيلنا فقره عن موضوع معين بالانجليزي .. و خلوها تقرا فقره يشوفون شلون تقرا ..
امممم شنو شنو بعد
ايي عطوها جم كلمه قالولها شلون اذا تبين تشرحين الكلمه حق البنات بالانجليزي ...

حسيت وايد اشياء لوول بل عليهم .. بس توظفت رفيجتي انقبلت الحمدلله
موفقه ان شاء الله حبيبتي ,, لا ترتبكين وماكو الا العافيه .. الله يوفقج =)

 

[طالبة1990]

غريييييبة

تو نزلوا قرار ان خريجات ادب الانجليزي مالهم مقابلة

شهالوزارة كل يوم قرار

ع العموم لاتحاتيين كلللش

الوزارة بحاجتكم وعندنا نقص شديد بهالتخصص

 

[Angel_store]

موفقين

 

[بنت مشرف ق5]

ajmal e7sas

بعد عمري مشكوره ماقصرتي كفيتي و وفيتي ، الله يوفقج ان شاءالله ويسهل امورج

امبيي شدعوا عليهم ! مو جنه طلبوا وايد اشياء !
يعني خو الي مقدمين بروحهم متوترين وحالتهم حاله هالنوبه يزيدونها عليهم
لووو من ربعهم طقت يعرفون يمشونهم مادري ليش مايحطون موجه كويتي يقابل 




##

طالبه ١٩٩٠

حبيبتي مشكوره ، كلامج طمني
امبلا عدل كلامج سبحان الله كاهو القرار كنت اقراه


http://alwatan.kuwait.tt/ArticleDetails.aspx?Id=118481

الخبر بتاريخ ١٤/٦ ياربي ماا مداهم يغيرون رايهم !!!

 

[أبلة مس]

أنا أتـوقع إنهم يقصدون خريجي آداب جامعة الكويت اللي ما يسوون مقابلة أما الجامعة المفتوحة غير يبيلهم مقابلة .. الله يوفقكم عموما

 

[Good Enough]

شدعوى ماكو شي خرابيط اصلا

يسىلونج من كتاب ملوت متوسط مثلا و يخلونج تقرين و هيك اسىلة عامه و اسئلة قواعد وبس

 

[طالبة1990]

ايه صح القرار لخريجي جامعة الكويت الكويتيات

مو للجامعة العربية

 

[بنت مشرف ق5]

قووود اينف

مشكووه حبيبتي




طالبه / ابله مس

انا خريجة جامعة الكويت ، وطلبوا مقابله مادري ليش !!!

عالعموم المقابله الاحد الله يسهل ان شاءالله

ماقصرتوا بنات كلكم

 

[Ajmal E7sas]

اييي قرار القبول الفوري حق اداب جامعة الكويت خربوطه بس جذي حجي كا توه جم وحده اعرفها مسويه مقابله ...
حجي بس كلام جرايد
عندهم نقص ويتفلسفون ..
بشنو يمتحنونا بعرف .. دارسه 4 5 سنين بالجامعه انجليزي و ما اعرف شي يعني ؟ غريبين
بعدين يقولون ماعندنا مدرسات انجليزي كويتيات كله مصاروه
والمصاروه مادري شلون قابلينهم لو على امتحان الكويت ولا وحده تنقبل فيهم .. حجي ما يعرفون ينحجون انجليزي عدل