خريجة وباقي لي 43 وحده وبعدين مع هالكلية ؟؟ تخصص تكنولجيا التعليم

[كلـــــي غنج]

السلام عليكم

بنات المفروض الكورس الجاي انا ميداني هذا المفروض

بس ماني لاقية مواد فــ متأخرة حدي باقي لي 43 وحدة

وسجلت للكورس الجاي 8 وحدات بس

انا ابي 18 وحده

على الاقل اتخرج بسنة ونص

تخصصي تكنولوجيا التعليم كلية التربية الاساسية

حيل اعاني ماكو مواد

تهقون اروح العيديلة يسجلون لي غصبن عليهم؟

كل كورس اروح حق المشرفات ومايسوون شي اقولهم سجلولي يقولون ماكو فل فل والحل

بتخرج مليت كل البنات الي معاي تخرجوا الا انا :eh_s(2):

ان شاء الله ما اخلل بهالكلية :eh_s(4)::eh_s(14):

 

[هنـــا]

الله يعينج والله كلنا نفس الحالة المواد علينا بالتفق :eh_s(4)::eh_s(2):

 

[بطوطه المزيونه]

والله كلنا نفسً الحاله
حتا الوضع عندنا بالجامعه جذي
ماااكو لامواد ولاشعب بعد توقيت الميداني
شنسوي يختج الشكوى لله

 

[كلـــــي غنج]

الله يكون بالعون اي والله
مشكورين حبايبي

الله يوفقكم يارب وتحصلون مواد ان شاء الله

 

[كلـــــي غنج]

طيب محد جاوبني على سؤالي


اذا رحت العديلية يقدرون يضيفون لي مواد؟؟


اهو اكيد يقدرون وكل شي بيدهم


بس اقصد رحت لهم بيضيفون لي ويكونون متعاونين


ولايستلعنون ويقولون مانقدر


بليز جاوبوني الي تعرف او راحت العديلية وضافولها مواد تساعدني

 

[كلـــــي غنج]

الي عندها اي معلومة لاتبخل علي

جزاكم الله خير

 

[عواار قلب]

حبيبتي روحي للقسم 9-9-2012
بدايه دوام الهئية التدريسيه
وقولي لهم خل يضيفون لج ..
انا بعد نفسج تقريبا (تكنلوجيا تعليم ) بس بضيف مادتين عشان يصيرون 20 وحدة
واتخرج بسنــــــة يعني اتخرج 2013 كورس اول
مابي اكثر من جذي.. :/
الله يوفقج

 

[كلـــــي غنج]

حبيبتي الله يوفقج وييسرلج يارب

وتتخرجين بمعدل حلو ان شاء الله

خلاص ان شاء الله بروح لهم

ماتعتقدين لو اروح العديلية افضل

انا كل كورس اروح لهم مايسوون شي ( اقصد قسمنا بالشامية )

بس للامانة كنت اروح وقت السحب والاضافة مو وقت دوام الهيئة

يعني متأخررة اروح بداية دوام الطالبات

بس لو اروح العديلية شرايج؟؟

 

[كلـــــي غنج]

انا دفعه 2008 كورس ثاني

يعني دشيت

شهر فبراير 2008

انتي مثلي ؟؟

دفعة جم انتي

 

[عواار قلب]

أمين يارب ..

ماادري عن العديلية بس إنتي إذا رحتي لهم مرة وساعدوج روحي لهم إذا مأورهم شيء لاتروحين ..

الكورس الفات شكثر أضافوا بنات مواد بقسمنا والله قسمنا يساعد ترا للأمانـة وخصوصا د’عبدالله المديرس روحي بداية دوام الهيئة التدريسية أو أول يوم دوام ’
روحي قولي أنا متأخرة ومافي مواد أخذي لأمانع من دكاترة تبين عندهم وروحي للتسجيل ويضيفونها لج بدون كلام..

أنا دفعة 2009. كورس ثانِ

 

[كلـــــي غنج]

حبيبتي

انا الكورس الي فات المديرس ماتعاون معاي كللش

بس رحت بداية السحب والاضافه وقال الي اقدر اسويه انه ازيد عدد الكراسي بالسكشن الواحد

من 15 كرسي لي 20 ..

انا زدتهم انتي دشي النت وضيفي


دشيت وعلق معاي السستم وعقب دشيت الا المواد رايحة لانه شويا 5 كراسي بس

للامانة كلش ماتعاون معاي

يمكن انتي لقيتيه متعاون معاج

حتى قلت له دكتور طيب عطني لامانع قال ماقدر

هالشغله خلاص وقفناها اللامانع لان قاعد يصير ضغط عالدكاترة

كل شي قسمة ونصيب يالله ان شاء الله خير

بروح قسمنا ان شاء الله اذا ماسوولي شي

بروح العديلية الله يسهل .. مشكورة حبيبتي الله يوفقج