خريجة رياض اطفال تقدر تصير مدرسة وطنية؟؟؟؟

[فرووتي]

السلام عليكم

انا خريجة رياض اطفال ومابي اصير ابلة روضه فهل اقدر اصير معلمة تربية وطنية
وشنو المطلوب يعني لازم آخذ دوره والا عادي ويبيلها واسطه والا شنو


يارييت اذا تعرفون احد نفس حالتي تفيدوني


وشكرا

 

[HaYoOoMa]

ااااااااااب

 

[سراب فوفو]

اب اب

 

[nero]

فتحو المجال من فترة بس الحين تسكر

 

[مــن أنــا !!]

فتحوا مجال للي تخصصهم علم نفس
اذا تخصصج رياض مالج الا الروضه او تحولين اداريه بواحد من هالثلاث شروط
١- خدمه عشر سنوات
او
٢- مجلس طبي يعني تكونين غير لائقه للتدريس
او
٣- تقديرج يكون تدني مستوا ٣ سنوات

بالعربيييييي مالنا الا نندفن بالروضه ادري حبطتج بس هذا الواقع 

 

[فرووتي]

اي بس هذي الشروط للي اساسا كانت ابلة روضة
بس انا توني متخرجة وللحين ماقدمت يعني ما تدبست مثل رفيجاتي اللي قدموا

أحد يعطيني أمل

موشرط وطنيه حتى لو سكرتاريه اصير المهم مو ابلة روضة

 

[Q8Buying]

غريبه .. درستي هالتخصص وهونتي عليه @@

 

[lolowawa1234]

لا حبيبتي ماتقدرين


وحتى سكرتاريه ماتقدرين:eh_s(11)::eh_s(11):

خلاص تدبستي بالتربيه :eh_s(10)::eh_s(10)::eh_s(10):

 

[اشلون يعني &]

كل شيء يصير حبيبتي
ممكن تصيرين اداريه بوزاره غير التربيه لاتقدمين على التربيه

 

[فرووتي]

شكرا

 

[فرووتي]

Q8buying

الدراسه غير والوظيفة غير

Rana10

اي والله مافي الا اني اطلع من وزارة التربية بكبرها

شكرا

 

[شقاوتي غير]

عفوا اختي اول مره اسمع هالمعلومه !!

يعني اقدر اصير مدرسة التربية الوطنيه ؟؟ <<< لان بصراحه احلى بواااايد من مدرسة روضه

 

[فرووتي]

شقاوتي غير

اي انا قاعده أسأل يصير والا لا
انا قبل سامعه يصير بس لازم ناخذ دوره بالاول

ويارب هالمعلومه صحيحه لأن على قولتج أحسن من ابلة روضه

 

[شقاوتي غير]

والله راضين لوو على دورات بعد بس ان شاء الله بحاول اتأكد من معلومتج واردلج خبر

بس قولي ان شاء الله ​

 

[فرووتي]

ان شاءالله
المشكله اللي يشتغلون بالوزارة نفسها كل واحد يعطيج جواب غير عن الثاني
احتسنا والله

 

[فرفورهـ]

ماتوقع ههالحجي قبل لما ماكان في مدرسات لهمواد بس الحين الوطنيه صارت كل يوم على مدرسه ماده يعني مره اسلاميه مره عربي وجذي هذا الي اعرفه فمالج الا الروضه ...
وبالتوفيق اي خبر تعرفينها عطينا فكره وتسلمييييييييييييين

 

[فرووتي]

فرفوره

وضحي كلامج مافهمت يعني ابلة العربي والاسلاميه يدرسون وطنيه؟؟

اللي بعرفه الحين ابلات الوطنيه شنو دراستهم اي تخصص كانوا ؟؟؟؟

 

[ريانا]

بنات الله يخليكم الي ما اتعرف شنو يعني ابله وطنيه لاتبدي رايها شنو كل يوم تمسكه ابلهانا مدرسه وطنيه واجتماعيات الوطنيه ماده بروحها حالها حال باجي المواد التربيه الحياتيه اهي الي كل قسم يمسكها شهر موووووو الوطنيه


وبالنسبه لوضعج حبيبتي مادري والله سالي والله يوفقج

 

[بريـق]

عسى ربي يوفقج ويسهل امرج يااختي

مااقدر افيدج غير الدعاء لج

 

[فرووتي]

ريانا مشكوره عالافاده

بريق مشكوووره عالدعاء عسى الله يوفقج يارب