خريجة تربية.. متى وشلون ووين أقدم عالوظيفة ؟

[مدرسة المستقبل]

السلام عليكم

شلونكم خواتي كويتيات

بغيت أسألكم أنا توني متخرجة من الجامعة هالكورس كلية التربية

وين أروح علشان أتوظف ؟ ومتى ؟ يا ريت بالتفصيل

لأن حدي ضايعه وما أعرف بهالسوالف​

 

[طالبة1990]

اتوقع دايركت يروح اسمج للديوان

يعني مو انتي اللي تروحين تسجلين

 

[Queen of Roses]

لا حبيبتي لازم تسجلين بالديوان

لا تغلطين غلطتي

أتوقع راح يبطل هاليومين سجلي بالتلفون

و هم يستدعونج

 

[مريومة87]

روحي المنطقة التعليمه وسالي هناك
احسن لج

 

[مدرسة المستقبل]

مشكورين على المرور خواتي

بس يا ريت إجابة أكيدة من المدرسات

 

[مريومة87]

الاجابه الاكيدة روحي المنطقة التعليميه

 

[واقعية حـلـم !]

انا مثلج و ما ادري شسوي


بسألج حبيبتي


طالع لج وقت لتسجيل الصيفي


انا استغربت ان حطو لي وقت لتسجيل الصيفي ..


أخاف ما راح اتخرج



انا خلصت فاينلاتي بس ما نزلت الدرجات الى الحين



و موفقة حبيبتي


و انا بكون على تواصل معاج علشان نعرف الي لنا و الي علينا

 

[Queen of Roses]

وقت تسجيل الصيفي ينزل تلقائي سواء خلصتي مواد أو ما خلصتي عادي

أنا متخرجة الكورس الثاني السنة اللي طافت و كانوا حاطين لي موعد للصيفي بس طاف ما سجلت شيء

شوفي حبيبتي الديوان راح يبطل هالشهر بس تأكدي متى بالضبط

سجلي عادي حتى لو قال لج انت طالب مقيد بجامعة الكويت

و إذا طلع إسمج بيقولون روحي وزارة التربية و هناك بيقولون لج روحي لمنطقتج التعليمية

إنتي من الأول وفري المشوار وروحي المنطقة التعليمية اللي انتي تابعة لها

روحي قسم التعيينات و راح يفتحوان لج ملف توظيف لازم يكون معاج :

صورة من البطاقة المدنية
صورة من شهادة الميلاد
الشهادة أو صورة طبق الأصل ( أنا عطيتهم صورة عادية وماقالوا لي شيء
5 صور شخصية ( كثري الصور للمجلس الطبي و التحاليل
كشف حساب من البنك

وراح تعطيج أوراق الفحص والله يعينج عليهم بالمجلس الطبي لأنهم زززززززززززززززززحمة مو طبيعية

و سحب الدم عللللللللة ممرضة وحدة و سبعين ألف ينطرون الدور و إيدها ثقيلة فتحملي شوي

و تقولج الموظفة نتيجة التحليل تطلع بعد أسبوع و هو بعد 4 أيام طالع
جني طولتها

المهم تستلمين النتيجة و تردين للمنطقة قسم التعيينات لنفس الموظفة و هي تكمل بياناتج و تعطيج ورقة للمراقب

و يحطونج في المدرسة اللي تختارينها إذا فيها نقص أو جيبي واسطة و ريحي عمرج


و سلامتج أي سؤال أنا حاضرة

 

[مدرسة المستقبل]

حبيبتي واقعية حلم

اي عادي حتى أنا ورفيجاتي نفس الشي حاطين لنا مواعيد تسجيل للصيفي لأنهم لي الحين ما طلعوا نتايج هالكورس فاحتمال نحتاج نسجل صيفي

بس طالما انتي مخلصة موادج لا تحاتين

آخر يوم لإدخال الدرجات هالخميس

وحياج الله ويشرفني التواصل معاج

يا زميلة المهنة

 

[مدرسة المستقبل]

حبيبتي Queen of Roses

مشكوووووووووووورة واااااااااااااااااايد

ما قصرتي على هالمعلومات والتفصيل

فدتينا وايد :hjy5jewf:​

 

[ام حصوصه]

انزين بنات وبالنسبة للتربية الاساسية شنو الاجراءات جزاكم الله الف خير

 

[واقعية حـلـم !]

بعد عمري كوين ما قصرتي مشكووووورة الله يعطيج العافية الي أفدتينااااااااااا


مدرسة المستقبل عسى هالموضوع فال خير عليناااااااا و انا متواصلة معاج ان شاء الله خطوة بخطوة


سويتي اخلاء الطرف ؟؟؟؟؟؟؟

 

[واقعية حـلـم !]

كشف الحساب انا الحين بالاهلي

و اذا توظفت ابيه بالوطني


شنو يعني افتح حساب من الحين ؟؟



اسمحيلي حبيبتي كثرت الاسئلة بموضوعج


بس حدي حايسة

 

[أبله^زوزو]

اول شيء تروحين شويخ تسوين اخلاء طرف واستماره استكمال التخرج

وتطلعين نسخه من شهادتج الجامعيه ودرجاتج فيها ..... حلوو ؟؟

بعدين عندج موقع جنه ديوان الخدمه خل اتاكد منه واعطيج

تسجلين بياناتج فيه يعطونج رقم واهم راح يدقون عليج يقولون وين اقبلووج ويحددون موعد للمقابله الشخصيه

وماراح تتاخرين بالتوظيف لان التربيه توظيفهم فوري ..

موفقه ان شاءالله خل اشوفلج الموقع وارد

 

[أبله^زوزو]

شوفي هذا النموذج عبي بياناتج فيه
بالاول اختاري القوى العامله الوطنيه
http://www.csc.net.kw/maincsc9.htm

وهذا يبته لج من الموقع:
فترات التسجيل لعام 2010

1- الفترة (30) من الجمعة 5/مارس/2010 حتى الجمعة 19/مارس/2010 لاستيعاب خريجي الهيئة العامة للتعليم التطبيقى والتدريب وجامعة الكويت(الفصل الدراسي الأول).

2- الفترة (31) من الجمعة 16/يوليو/2010 حتى الجمعة 30/يوليو/2010 لاستيعاب خريجي الهيئة العامة للتعليم التطبيقى والتدريب وجامعة الكويت(الفصل الدراسي الثاني).

3- الفترة (32) من الجمعة 17/سبتمبر/2010 حتى الجمعة 1/أكتوبر/2010 لاستيعاب خريجي الهيئة العامة للتعليم التطبيقى والتدريب وجامعة الكويت (الفصل الصيفي).

4- الفترة (33) من الجمعة 26/نوفمبر /2010 حتى الجمعة 10/ديسمبر/2010

 

[ام حصوصه]

انزينولي يعافيكم بنات والتربية الاساسية اشلووووووون ليش مطنشيني؟؟؟؟؟؟؟

 

[أبله^زوزو]

انزينولي يعافيكم بنات والتربية الاساسية اشلووووووون ليش مطنشيني؟؟؟؟؟؟؟

حبيبتي نفس الطريقه باشري اجراءات التخرج مالتج من الكليه وسالي عنها توجيهكم وارشادكم

وسجلي بياناتج بالموقع مال ديوان الخدمه لان مذكور جامعه الكويت + الهيئة العامة للتعليم التطبيقى والتدريب

ديوان الخدمه يضم دبلوم - بالكلريوس - ماجستير - دكتوراه وكل القطاعات مو بس تربيه كل الوزارات

والتسجيل الراغبين بالتوظيف لازم يكون بالخطوات هذي

وموفقين جميعاااا

 

[miss-manal]

شكرااا على المعلومااات الثمينه فديتكم

 

[مدرسة المستقبل]

حبيبتي واقعية حلم

اي سويت استمارة التخرج الي فيها بيانات شخصية ووديتها شويخ اهيه وصورة البطاقة المدنية والصورة الجواز وشهادة الجنسية وصورتين

أما ورقة اخلاء الطرف خلصت تواقيعها وقالولي بشويخ خليها معاج لما ندز لج مسج هاتيها لأن ما تستلمين الشهاده الا فيها


وبالنسبة للحساب فأنا بعد حسابي الي تنزل لي فيه الاعانه ببنك الأهلي

وأبي معاشي مال الوظيفه بحساب يديد ببنك الوطني مثلج

فأبوي قالي نطري لما تنزل لج مكافأة الميداني على حساب الأهلي بعدين سكريه

وفتحي حساب بالوطني حق المعاش

يعني عادي


والموضوع موضوعج كتبي أي سؤال يطري على بالج علشان كلنا نستفيد


حياج الله :68_asmilies-com:​

 

[مدرسة المستقبل]

حبيبتي أبله زوزو

الله يوفقج دنيا وآخره على هالمعلومات الي فدتينا فيها

مشكورة وما قصرتي

:e3:

بس عندي لج سؤال: يعني شغلي كله مع ديوان الخدمة المدنية مالي شغل بالمنطقة التعليمية صح ؟

ولا لازم أمرهم ؟


وتسلميلي يا رب ​