خريجة إدارة أعمال وأبي مساعدتكم

[لعينيك أمي]

السلام عليكم ورحمة الله وبركاته
أخباركم وعلومكم
أنا جديده بالمنتدى ويشرفني الإنضام لكم

عندي استفسار وأتمنى ألقى الجواب عندكم
أنا شهادتي بكلوريوس إدارة أعمال
لو بغيت أقدم على وظيفه أيش المجالات المتاحه لي
ولو بغيت إداريه بالمدارس الكويتيه ايش راح تكون
الوظيفه وكم راتب الاداريه السعوديه بالبكلوريوس

وسؤال أخير هل تتوقعون يقبلون شهادتي وهي
انتساب مطور يعني عن طريق النت
مو انتظام

عذرا على الإطاله
تقبلوا تحياتي

 

[فـــخـــر]

ماتنقبل شهادتج ماتعترف الوزارات بالانتساب

وغير جذي مو اي تخصص ينقبل بالكويت الا

التخصصات النادرة او فيها نقص ..

موفقة ..

 

[لعينيك أمي]

هلا فيكم حبيباتي
حسيت من ردكم انكم تضايقتوا مني
أنا يوم دخلت أدرس دخلت برغبه وطموح
مو علشان وظيفه
بس حاليا احس بفراغ كبير خصوصا
اني بعيده عن اهلي وماعندي عيال
صغار خلاص اصغر واحد دخل المدرسه
وبالنسبه للانتساب انا دخلت فيها لأن
هذا اللي ناسبني قبل كم سنه ماكان عندي
احد يمسك عيالي قبل واضطريت اطلع من
الكليه بالخفجي انتظام
وبالنسبه ليش اسجل في الكويت
فلأني بالحدود الخفجي قريبه كلش
وما ابي اتوظف مثل خواتي
بنفس البلد وببعد عشر ساعات او سبع

حبيت اوضح لكم ليه فكرت اقدم
ومع ذلك شكرا على مروركم

 

[فـــخـــر]

^^

لاا فهمتي ردي غلط بس حبيت ابيّن

لج ان الوزارات ماتقبل الانتساب حتى لو كويتي

والتربية توظف سعوديات [ مدرسات ] بالتخصصات اللي فيها

نقص ونادرة مافيها كويتيات او شوية [ وزوجة خالي وحده منهم ]

ماتوظفهم اداريات والاداريات كلهم كويتيات لان اغلب اللي شهادتها تربوية ماتقبلها

وزارة غير التربية يا مدرسة يا ادارية , وهي ماتبي مدرسة فتحوّل ادارية [ لان ماتلقى وظيفة غيرها ]



والله ييسر لج امرج وتلقين الوظيفة اللي تبينها بالمكان اللي تبينه ..

 

[لعينيك أمي]

هلا فخر تسلمي عزيزتي عالدعوات الحلوه
وربي يسهل لك دربك ويعطيك كل اللي ببالك

ماعليه بثقل عليك بالأسئله
يعني عندكم بالكويت ماتفرق شهادة
الانتساب عن شهادة الانتساب المطور
اللي هو زي التعليم عن بعد ؟

الجامعه مأملتنا في هالشهاده
وكل ماسألنا العميد قال شهادتكم
مقبوله بالتسجيل بالديوان
حالكم حال شهادة الانتظام

و انا سامعه ومدري اذا صح او غلط
انه التدريس لازم انتظام
اما الوظايف الثانيه لا يعني مثل الاداريه

 

[فـــخـــر]

هلا فخر تسلمي عزيزتي عالدعوات الحلوه
وربي يسهل لك دربك ويعطيك كل اللي ببالك

ماعليه بثقل عليك بالأسئله
يعني عندكم بالكويت ماتفرق شهادة
الانتساب عن شهادة الانتساب المطور
اللي هو زي التعليم عن بعد ؟

الجامعه مأملتنا في هالشهاده
وكل ماسألنا العميد قال شهادتكم
مقبوله بالتسجيل بالديوان
حالكم حال شهادة الانتظام

و انا سامعه ومدري اذا صح او غلط
انه التدريس لازم انتظام
اما الوظايف الثانيه لا يعني مثل الاداريه

يمكن يفرق التدريس عن الادارية ..

انا قلت لج ماتنقبل لان سبق وسألت وحده

كويتية شهادتها انتساب وتبي تصير مدرسة

رفضوها تدريس لازم انتظام ..

الله يرزقج الوظيفة الزينة ..

 

[لعينيك أمي]

ايي الله يسهل لي ولك يارب

 

[Maryam]

الكويت كلها ما تقبل شهادة الانتساب و هذا قرار مت جم سنة

 

[لعينيك أمي]

اهلين مريم مشكوره عالرد
أنا كنت سامعه من قبل عن التدريس انه
ضروري انتظام بس قلت اتأكد من الإداريه كيف
واللي حيرني الطالبات اللي كانوا يختبرون
معنا من الكويت وألحين وفروا لهم مقر بالكويت
قلت اجل ليش يدرسون فيه اذا ماتقبل شهادة
الانتساب

 

[omaseel]

مش لازم نربية اسالي بوزارات تانية

 

[لعينيك أمي]

اهلين اختي
مشكوره عالنصيحه وشكلي بأخذ بمشورتك
وبسأل عن الوزارات الثانيه لأن زوجي
رافض اني اقدم على منطقه غير الخفجي والكويت

 

[ملامح بريئة]

الله يعينك ويسهل امورك

 

[مزآجيه!]

قدمي ادارية بحضانة خاصه

شكثر يقدمون ع شهادة ثانوية عامة

وچنه الراتب ٢٥٠

والله يكتب لج اللي فيه خير

 

[لعينيك أمي]

ملامح بريئه مشكوره عزيزتي عالدعوه الحلوه

 

[لعينيك أمي]

مزاجيه تسلمي عالرد
امم لا ماينفع اقدم بروضات خاصه
لأن الراتب مايكفي مشاوير الروحه والجيه والمصروف
وتسلمي عالدعوه ربي يكتب لي ولك وللجميع كل خيير