خريجات كورس ثاني جامعة الكويت رحتوا العمادة اليوم شنو قالوا لكم سجلتم ولا لاء

[مـــاكنتـــوش]

السلام عليكم

خريجات كورس ثاني رحتوا العمادة اليوم ها بشروووووووو سجلتم ولا قالوا لكم ردو انا الحين الحمد الله سجلت موعد بس اخاف نفس العام ردوا البنات اللي مو خريجات نفس الكورس ​

 

[مـــاكنتـــوش]

رد : خريجات كورس ثاني جامعة الكويت رحتوا العمادة اليوم شنو قالوا لكم سجلتم ولا لاء

اب

اب

 

[مـــاكنتـــوش]

رد : خريجات كورس ثاني جامعة الكويت رحتوا العمادة اليوم شنو قالوا لكم سجلتم ولا لاء

وينكم بنات

 

[أم حمد =)]

وعليكم السلام ,,

انا استغربت فتحولي خانة حجز الموعد .. الي اعرفه ان بس خريجات كورس اول !

بس صج ردوا البنات ؟ عيل شحقه خلوهم يحجزون !

واذا حجزنا وردونا وين نروح !

 

[مـــاكنتـــوش]

رد : خريجات كورس ثاني جامعة الكويت رحتوا العمادة اليوم شنو قالوا لكم سجلتم ولا لاء

ام احمد اقري مشاركة العضوه حلا الظفير هذا كلامه نسخته لج

انا صارت معاي الكورس اللي فات وحجزت موعد وتعنيت لهم وطوفت محاضرتي عشانهم ! اخرتها تقولي مولج قلت لها انا خريجه كورس ثاني قالت احنا نسجل خريجات الصيفي والاول


اتوقع من هالاعلان ان اللي طافهم التسجيل يروحون


زين واللي مسجل 5 مواد وابي ال 6 يصير اروح لهم ؟؟

 

[MiSs Q.8tya]

يؤؤؤ مآ عرفتو شالسالفه للحين عاد انا خريجه كورس ثاني ومو مسجله إلا ثلاث مواد بس ولازم آخذ 6 مواد

 

[مـــاكنتـــوش]

رد : خريجات كورس ثاني جامعة الكويت رحتوا العمادة اليوم شنو قالوا لكم سجلتم ولا لاء

وهاذي عضوة ثانية اسمها الحور شوفوا شنو تقول
اسم العضوة :الحور :
انا الكورس الثاني اللي طاف سجلت موعد ورحت ودخلني الحارس بعد ما شاف اسمي موجود بورقه معاه وقال موعدج اللحين ودخلت واخذت رقمي الموظفه و قالت انتي خريجه كورس اول مو صيفي قلتبها اي قالت ما نسجل الا خريجة الكورس نفسه قلت ليش معطيني موعد ؟؟: قالت ما اقدر اساعدج الا ببداية الدوام وباقيلج مواد ما سجلتيها كلش وماتخليج تتخرجين الكورس الاول قلتلها اللحين سجليلي قالت اسفه وطلعت

اللي ما يرضون يدخلونها باجر وهي خريجة كورس ثاني تروح بالباي فورس او اول يوم دوام للعماده اتوقع يسجلونها

 

[مـــاكنتـــوش]

رد : خريجات كورس ثاني جامعة الكويت رحتوا العمادة اليوم شنو قالوا لكم سجلتم ولا لاء

والله ابتلشنا الحين نروح ولا ما نروح مالي خلق اتعنى على الفاضي

 

[MiSs Q.8tya]

أنا برووح يوم الاحد بالباي فوورس وأسجل هناك وبالمرره اسجل قراءات

 

[my world]

اي رحت اليوم وقالولي بيدزون لكم مسج علشان تحجزون بالنت واليوم مو لكم حق خريجين الكورس الاول يعني احنا هالاسبوع دورنا ان شاء الله وراهم
وانا السنه اللي طافت دزولي مسج و رحت سألت عنه لاني شكيت قلت اكيد مو لي لاني مو خريجيه ورحت بنفسي سألت المديره اللي بالعماده قالت لي لا حبيبتي دزوه لج بالغلط بس الحين لا مو بالغلط لاني خريجة كورس ثاني

بس بنات حجزت موعد بس خانة الوقت ما تطلع لي شسوي ؟؟؟؟؟؟؟؟؟؟؟؟؟؟؟؟

 

[ميس الورد والشوق]

بناات

انا اليووم رحت

جيت الساعه 7

عباالي زحمه وحالتهم حاله

نزل زوجي سال المصري قاله الموظفين يجون 8 الا ربع


اووله قلت اقعد انطر

واشووف بنات يجون ويدخلوون داخل قمت نزلت والا ماشاءالله حوالي 10 بناات قاعدين مسجلين اسمائهم بورقه

يحليلهم

واسجل اسمي

ونقعد
شوي والا تجي موظفه قالت بنات بس اللي عندهم موعد

وخريجات كورس اول

عاد تكلمناا قلناا انزين واحنا شلوون

قالت انتوا راح يدزون لكم مسج

تقول اليوم او بالكثير باجر

راح يفتحون السستم وتحجزون موعد


نحاول فيها مااكو

عادا انا رديت ورفيجتي اقعدت


وانا خلاص قربت اوصل للبيت

الا ادز رفيجتي احتماال يدخلوون قبل لايخلصون دوام

قلت بقلبي لامستحيل يدخلونهم من غير موعد


رديت نمت

قعدت الا رفيجتي دازه سجلووني


تخيلوا من غير موعد

ماشاءالله سجلت المواد اللي تبيهم


وقالت احجزي افتحوا السستم

قعدت عالساعه 4 العصر وحجزت الموعد الحمدلله

يوم الخميس 16


والله يسهل علينااااااا ياااااااااارب


قالوا ادخلوا وقت مبكر مو متااخر

يعني اتوقع البعض يدخل عالساعه 11 بالليل وورااا


يقولون يسكر السستم

 

[ميس الورد والشوق]

my world

اكيد حطيتي حق تاريخ باجر

15-9


مافي


حطي تاريخ 16

واختاري الوقت

لاني نفسج حطيت 15 ومايفتح موعد الساعه عرفت انه مافي


حطيت اليوم اللي وراه

 

[pure.soul]

اليوم بس خريجات كورس أول

 

[أم حمد =)]

بناات

انا اليووم رحت

جيت الساعه 7

عباالي زحمه وحالتهم حاله

نزل زوجي سال المصري قاله الموظفين يجون 8 الا ربع


اووله قلت اقعد انطر

واشووف بنات يجون ويدخلوون داخل قمت نزلت والا ماشاءالله حوالي 10 بناات قاعدين مسجلين اسمائهم بورقه

يحليلهم

واسجل اسمي

ونقعد
شوي والا تجي موظفه قالت بنات بس اللي عندهم موعد

وخريجات كورس اول

عاد تكلمناا قلناا انزين واحنا شلوون

قالت انتوا راح يدزون لكم مسج

تقول اليوم او بالكثير باجر

راح يفتحون السستم وتحجزون موعد


نحاول فيها مااكو

عادا انا رديت ورفيجتي اقعدت


وانا خلاص قربت اوصل للبيت

الا ادز رفيجتي احتماال يدخلوون قبل لايخلصون دوام

قلت بقلبي لامستحيل يدخلونهم من غير موعد


رديت نمت

قعدت الا رفيجتي دازه سجلووني


تخيلوا من غير موعد

ماشاءالله سجلت المواد اللي تبيهم


وقالت احجزي افتحوا السستم

قعدت عالساعه 4 العصر وحجزت الموعد الحمدلله

يوم الخميس 16


والله يسهل علينااااااا ياااااااااارب


قالوا ادخلوا وقت مبكر مو متااخر

يعني اتوقع البعض يدخل عالساعه 11 بالليل وورااا


يقولون يسكر السستم

انتي خريجة كورس اول ولا ثاني ؟

والموظفة قالتلكم يصير خريجين الكورس الثاني يسجلون !

 

[pure.soul]

حتا انا افتحتلي "حجز موعد " بس الوقت ابيض ماكو شي ؟!

 

[ميس الورد والشوق]

ام حمد

انا خريجه كورس ثااني ان شاءالله

والموظفه قالت اليوم بس تسجيل خريجات كورس اول واحناا ننطر يدزوون لناا وقالت بيدزون لكم اكيد


واليوم العصر فتحت السستم وسجلت موعد الحمدلله

 

[ميس الورد والشوق]

اللي يطلع لها الوقت ابيض


يعني مافي بهاليووم حجز موعد فل

تسجل اليوم اللي ورااه وتختار وقت

 

[أم حمد =)]

طيب واذا رحنا وردونا .. شنسوي =(

 

[pure.soul]

لا كل الايام جذي ما فيه ولا يوم اقدر اختار فيه الوقت

15 و 16 و 19 و 20 كلهم ابيض الوقت !!

 

[أم حمد =)]

^^^

روحي خانة "نوع الموعد" فتحيها وحطي "تسجيل الطلاب المتوقع تخرجهم" .. وبتطلعلج التواريخ ..