خروج هواء من المهبل

[q8 Web]

السلام عليكم
مادري وين احط الموضوع بس بما ان هذا قسم الحياة الزوجيه اكيد بتعرفون او مارين بهالمشكله

المشكله باختصار ان يطلع مني هواء من المهبل صوته مثل صوت الطق*** بالضبط
انا مو متزوجه واللي اعرفه ان هالشي يصير للمتزوجه
بس انا ليش يصير معاي جذي؟

قريت مواضيع عن الاهتمام بالدورة واكل الحسو واللهوم
ماكو فايده مانفع

شسوي؟ اذا انا بمكان و طلع الصوت انحرج
و ساعات اكون قاعده مده طويله
من اقوم يطلع و يصير صوت مفرقعات مااقدر امسكه ولا امنعه

اموت من الفشل لاصارت فيني قمت اتعقد

وقاعده افكر شلون اتزوج اصلا واقعد اطلع هالاصوات على الريال شبيقول!!

اللي عندها حل ينفع صج تقولي لان صج متعقده من هالسالفه شي يفشل
وادري في وايد مثلي ومايتكلمون من الاحراج

بس اللي عارفه شي يحل هالمشكله تقولي عشان ارتاح

وسوري على لوعة الجبد

 

[nwir72]

عادي حبيبتي انتي ما لوعتي جبودنا
ليس على المريض حرج
بساول مره ادري البنت يدشها هوا
ان شالله البنات يساعدونج
ما تشوفين شر

 

[q8 Web]

رد : خروج هواء من المهبل

مشكورة على الرد حبيبتي
انا مو بس لايعه جبدي الا مو طايقه عمري لان شي يفشل
الناس شيقولون!!

 

[قاهره عذالي]

رد : خروج هواء من المهبل

هذا خراب رحم

انتي تجوعين نفسج وقت الدوره

وما تدفين ولا تلبسين دلاغ

وتمشين حافيه

لازم سروال طويل وتدفين نفسج وتشربين اشياء ساخنه
وتبعدين عن الباميه الملوخيه المعكرونه
والعصاير كلها
والفواكه الحامضه والطماط

هذي تضر وقت الدوره

وتشربين اعشاب وماتجوعين نفسج اهم شي ولاتحركين واجد وتركضين
ابي احط لج رابط لنظام وقت الدوره

تستمرين فيه

عشان تروح ان شاء الله المشكله

http://www.q8yat.net/showthread.php?p=22258180#post22258180

 

[الأميرة جوري]

رد : خروج هواء من المهبل

ماقصرت تعب السنين فعلا انا سمعت اليوع وقت الدوره لو تاكلين اغلي واحسن حسو بالعالم ما راح يفيدج مادام انج تيوعين بالدوره اهو السبب خليج دوم شبعانه بفتره الدوره وبيخف معاج

 

[mishmisha]

عزيزتي
هذا يدل على صحه وقوه عضلات المهبل
لما تقعدين يمتلئ جوف الرحم بالهواء وبس توقفين يطلقها مره ثانيه يعني ما يحبسها
وهذا دليل على صحه وقوه عضلات المهبل
لا تحاتين ماكو شي يخوف اللهم ان الصوت محرج

على فكره مالها علاج

ربي يوفقج

تحياتي

 

[sKntyny]

وحده اهني تقول انها بنت وصاير فيها نفسج

تقول البابونج اغليه في ماي وخذي بالقفشه اللي يكون فوق الجدر او ع اطرافه وحطيه بـ فماش ولبسيه

طبعا يكون ع الكلوت ...

اتقول يسحب كللللل الهوا اللي في الرحم

 

[mishmisha]

تعب السنين
هذا مو خراب رحم ...
اللي تضعف عضلات الرحم والمهبل عندها ما تكون قادره على حبس الهوا فكيف تطلقه
المرأه اللي تفقد السيطره على العضلات او اللي تسمينه خراب ما عندها القدره على الاحساس بالفقاعات والهواء ...

تحياتي

 

[ديور88]

عزيزتي
هذا يدل على صحه وقوه عضلات المهبل
لما تقعدين يمتلئ جوف الرحم بالهواء وبس توقفين يطلقها مره ثانيه يعني ما يحبسها
وهذا دليل على صحه وقوه عضلات المهبل
لا تحاتين ماكو شي يخوف اللهم ان الصوت محرج

على فكره مالها علاج

ربي يوفقج

تحياتي

خرابيط
لاصحه ولايحزنون !!!!!!

كلام دكاتره ..@@
يعني لو يصير لها الدكتوره هالشيء بتقول صحه ؟؟؟
وبتمشي واثقه من نفسهاا

:gr4uu:

 

[رومانس آيدياز]

رد : خروج هواء من المهبل

اتوقع نفس ماقالو البنات سبته انج ماتهتمين وقت الدورة

 

[mishmisha]

عزيزتي ديور
احترم ردج ... وكوني على ثقه الدكتوره لو يصير لها بتقول ان صحه وقوه عضلات
ياليت بس لو تقرين من باب العلم بالشيء عن تشريح و فيسيولوجيه الجهاز التناسلي للمرأه
وياليت لو تركزين على جوف الرحم والعضلات


بعدين عزيزتي الدكتور اللي يدرس 7 سنوات و 4 سنوات تخصص غير الاقامه والامتياز والابحاث اللي يقدمها
ما اعتقد يقول خرابيط
تحياتي واحترامي لج

 

[انيقه جداً]

اقري موضوع ضحاوي الديره بقسم العروووس

امشي على نظامهاااااااا خطوه خطووه ولا تتعيزين عن شي

شوفي النتيجه حاسه انه نظامها بيفيديج

والله يصبرج :blueSmCLR::rerrerek:

 

[هيبة ملك]

هذا خراب رحم

الله يشفيج

 

[شيختهم*]

نفس ماقالولج البناات اكلي ولاتجوعين عمرج واكلي ادويه النفااس من لهووم وغيره
واهم شي تبخري من ثالث يووم دوره

 

[لؤلؤ وياقوت]

رد : خروج هواء من المهبل

لا تخافين عادي.صارت معاي واهتميت بالدوره اكل وأعشاب حاره والحمدالله_shh_:

 

[شقرا كويتيه]

رد : خروج هواء من المهبل

البنات ماقصروا والله يشفيج

 

[دريم]

رد : خروج هواء من المهبل

حتى تتاكدي معاك خراب او خوووا اذا دشيتي الحمام الله يكرمج بس ينزل البول رحعي حبسيه اذا حبستيه تمام وقدرتي تمسكيه ولا ينزل ولا نطفه انتي تمام مافيج غير العافيه واذا لا نزل البول ع الرغم من انج شاده العضلات وقابضه عليها فهذا يدل ع انج خرباانه

 

[Q 8 Y A t]

دريم



يااااااااربي


لا اله الا الله



الحمدلله على كل حال

 

[q8 Web]

رد : خروج هواء من المهبل

مشكورين بنات على ردودكم
يعني الحين الحل اني اهتم بالدورة عدل يالله يروح الهوا؟

يالله باقي اسبوعين ان شاء الله اجابل عمري عدل والله كريم

ان شاء الله مايصير باحد فيكم الله لايوريكم شنو الاحساس شي يلوع الجبد و يقص الويه
لاتقولولي دليل قوة الرحم
شهالرحم اللي عشان يتقوى يطا**

 

[eman12]

والله نفس معاناتى قبل وانا بنت وحد علمنى شسوى
بس لاتحاتين مع هالوصفات بيتغير كل شئ