خراب الرحم اثناء الحمل

[الغلا مشاري]

السلام عليكم​

بدش بالموضوع......

انا حملة ع خراب الرحم وتعرفون الخراب رطوبه وصوت الهوا والفرازات كل هذا فيني قبل الحمال ماتنفسة عدل وكانت الدوره تخربط معاي ما اعرف شنو حراب الرحم يوم بحثت بالمنتداى عن خراب الرحمل وابي الحق ع عمري والا انا حامل:eh_s(11):​

حتى الجماع ما احس في من كثر الماي الي ينزل وصرت ابعد حييييييل عن زوجي ونفسيت تعبانه من هالسالفه .. شسوي بعمر ابي حل ....

 

[آلـغـنــد]

ياقلبي مالك الا النفاس بأذن الله ونصيييحه من اخت كلي الحوايح حقت الخراب وهي معروفه نتايجها بعد الله

 

[الغلا مشاري]

جزاج الله خير ان شاءالله بحافض ع عمري بالنفاس
يعني مافي حل وانا حامل ؟؟

 

[اهذريبك~]

روحي للدكتورة و اشرحيلها وضعج و تكتب لج على تحاميل ان شاء الله تفيدج

 

[# غنوجة بيبي #]

حبيبتي نصيحه دامج حامل لا تتعبثين بنفسج

بس انطري تولدين بالسلامه و تنفسي عدل مدل

اطلبي من حريم ادويات خراب

 

[الغلا مشاري]

جزاكم الله خير ..
ان شاءالله الله يقدرني ع نفاسي ..... اكره النفاس

 

[ماي زهر]

ما يصير تعالجين الخراب وقت الحمالصبرى و لا تحسسين زوجج إنج خربانه
بعد الولادة إن شاء الله تدفي عدل و أخذي:
لهوم و حسو و أعشاب و أهتمي بنفسج
أكثر من الخلطات و التسبح و بعدها
شوفي لج رداده ترد رحمج ..
و آخر شي تحاميل طبية .....
طبعاً النفاس من أول يوم ولادة تدفي
و أكلي مرقوق فيه أدويه و شربي اعشاب
و الله يزين الأمور

 

[آلـغـنــد]

ماهان علي موضوعك اختي بقولك ع كم نصيحه وان شاءالله تفيدك

قبل ما احمل كنت اروح عند حرمه كبيره تمرخ وماشاءالله عليها فكانت تقولي اذا تبين الزين عند زوجك وتبينه مايطلع برا خلي الحوايج مثل الحلق باذنك ولو حسيتي بمويات ولا افرازات اخلطي مردقوش مع ورق زعتر بري واشربيها. وابعدي نهائيا عن الزنجبيل والحلبه ونظام فيافي اتركيه مليان اعشاب مالنا لازمه فيها وبخور الحريم ابعدي عنه واي ادويه تاخذينها من حريم حاولي مايكون فيها حلبه ولا زنجبيل شوفي اي احد من صحباتك يعرف اي وحده عتيبيه اطلبي ادويتهم ماشاءالله معروفين بها المجال وتحاميل لاتستخدمين الا طبي بنهاية نفاسك واتركي الغازيات والبارد والاكل اللزج وربي يفرجها عليك ان شاءالله

 

[ملامح بريئة]

انتي حامل معذورة حافظي على الرحم من الالتهابات بالغسول المناسب والكريم المناسب وبالنفاس نصيحة انا ماستفدت من ادوية الحريم شي لان كل حرم له طريقة دواها بالشرب وممكن مايناسبك الحين عرفت ان الخراب مو من الادوية الخراب من الجوع والنظام الغلط فالحريم السنعه اشوفها اهم شي ريوق الصبح لازم بيض وخبز بر او كلش كلش خبز ايراني والعصيدة حلاتها بالطحين الاسمر يوميا واهم شي التمرة صبح وعصر تمرة معبوطة بسمن اصلي معها حبة سودا ورشاد للتنظيف الارحام وتقوية الظهر والغدا ممكن تحطين المردود مع اخر لقمة تاكلينها عشان ماتنسد نفسك عن الاكل لان في حريم الدوا يقعد على كبودهم وماياكلون وبعدين تروح الفايدة كلها والشوربة وجبه اساسية واهم شي الحلبة لا تتعدا ١٠ ايام من النفاس والدلاقات وتغطية الراس اهم شي ونصيحة لوجه الله عقب ما يئست من ادوية الحريم وكل وحدة ماتعلم شلون طريقته بالاكل واذا يخرب والا لا اطلبي من العطار ( خلطة المردود حب مثل حبة سوده كمون ينسون رشاد نونخة دارسين عود ويحطلك قرص قمر وعرق لويه وعرق ظهر وقوليله مابي الاشياء اللي مو زينه واهو يعرف وبعدين تنسفينهم عن الغبار وتنظفينهم بالمشخال طبعا بدون ماي وبعدين الاشياء الثقيلة بالهاون تدقينه والباقي بالمطحانه وهم تشخلينه بعد المطحانه عشان يصير ناعم وتضيفين له الحلبه( ولازم تكون محموسه تقللين كميتها بالمردود وهذا اسرار الحريم ) ويطلع احلى مردود لك عالاقل ضامنه طريقته وانا شفت بعيني حريم عندي يسووون ادويتهم بنفسهم بهالطريق ومافي احسن من صحتهم ولا اشتكو من هالخراب و هالسوالف ولاتنسين نقوعه القهوه وهي جاهزه عند العطار بس تطحنينه او تاخذين مرة وعنزروت ومحلب ومسمار وتخلينه بفنجالك دايم مع قهوتك وتمرتك ولاتكثرين اعشاب وخرابيط ماوراها الا سدة الكبد والخراب قفشة مردود مرة باليوم والتمرة طول اليوم ودوا القهوة وبس كافي وعساالله يتم عليك ويقومك بالسلامة وادعيلي

 

[غرور الزين]

نصييييحه بعد الحمال بولادتج الله يسهلج تنفسي عدل وان شاءالله بتلاحظيين التغيير ولاتأخذين اي نوع من التحاميل لانهااا معروفه تسبب اجهااض دربالج لو شنوو انا حاشتني التهابات اول حمالي وسوولي افلام الدكاتره واتكلت ع الله وماحطيت تحاميلهم لان الحريم الكبار مامدحوهم وكم من وحده من بناتنا استخدمت تحاميل بالحمال وسقطت الله يكفينا الشرر عشان جذي اقولج لاتسوين شي الا بعد نفاسج ورجلج قوليله انج تتعبين من الحمال وانج رحتي الطبيب وقال لاتجامعين مو زين للبيبي مبين انج مرهقه نفسه ترى احنا لا اشتهينا الشي نطلع اعذار تعذري له ولا تحسسينه بأي شي فييييج نصييحه من اختج وسووري ع الاطاله

 

[الغلا مشاري]

جزاكم الله خير ..
انا ابد ما حسسته اني خربانه و الجماع مراه كل اسبوع او اسبوع ونص .. عذري الوحام بس الوقت الي بصير فيه الجماع اغسل بقرف الرمان مفورته واحطته بالعلبه
اذكر بنفاسي وايام الدوره لعبة بعمر بتحاميل البيثادين يوم صار لي بالنفاس ٣٥ استخدمة علبة التحاميل كلها لمن طلعت الاربعين اضن هذا الي سببلي المشكله
وبعدها الماي يطلع من رحمي نفس الحنفيه ومن يومها ما وقف وصار فيني هالخراب والبدوره كن ع طول اشرب زنجبيل ودارسين و زعتر او حبق والزجبيل سببلي نزيف بالدوره حسيت رحمي بيطيح من النزيف
اول كنت استخدم الطبيخه اعشابها تجنن وارتاح عليها وعمره ما صار معاي مشاكل

والله كريم ان شاءالله يقدرني ع عمري بالنفاس

 

[noshii92]

حبيبتي روحي لدكتوره واخذي تحاميل وعليج بالغسول وبعد الولاده بنفاسج عليج بالادويه والاعشاب وتدفي زين وسوي مساج يطلع الهوا كله ومالج الا هالحل وعن تجربه اختي ماراح منها الا بالاكل الزين وتتدفى ووقت الدوره تترك الريجيم وتشرب دوا الغوري عند ام خالد او ام فيصل معروفين بالاعشاب وادعيلي الله يسهل علي بولادتي وتقر عيني ببنتي

 

[الغلا مشاري]

ربي يسهل عليج .. جزاج الله خير ..