>> البارت الأول ,,
بسم الله الرحمن الرحيم ..
(( البداية ))
الساعه 7 بليل ..
بيت بو علي ... (( غرفة دانه)) ..
" وليه قلبي تعب منه و شفت العجب غايب بدون أي سبب وليه وليه ...."
ترف راسها عن المخده و تشوف التيلفون بعين وحده و بصوت نعسان : اووه لجون شفيها ؟؟ داقه علي اكثر من مره ؟؟ ( تتثاوب ) .. لما اقعد من النوم ادق عليها . ( تحط تيلفونها و تنام ) ...
الصالة ..
عمار منسدح عالقنفه و يفرفر بهالقنوات : ولييييه ملل ملل زهقت مافي شي اسويه
... ( يحط قناة الوطن ) ... خل نطالع هالمسلسل بعد شسوي ..
((.. عمار حسين الـ... عمره 17 سنه .. و هذي اخر سنة له .. أبيض و طويل و جسمه عادي .. مزيووووون و رفيجات دانه كانو يموتون عشان بس يحصلون نظره منه و اهوا مو معطيهم ويه .. ماكان يهتم بشي اسمه " حـب " .. كل هما بالدنيا ربعه و النادي و كورة القدم ..لون عيونه عسلي و عيونه مكحله و شعره بني ...))
عمار يسكر التلفزيون و يوقف : خل اقوم اسبح احسن لي ..( يصعد و بنفس الوقت ينزل علي ...
عمار : هااا بو حسين وين ؟
علي : بطلع مع بشارو ..
عمار : انزين وين بتروحون ؟!
علي يحط ايده بمخباته : بنروح 360 .
عمار يتنهد : انزين ..( يصعد )..
علي يبتسم و ينزل ..
(( .. علي حسين الـ... عمره 22 سنه .. اسمر و طويل و مجسم ... حلو بس عمار احلى .. شعره اسود و لون عيونه بني .. يشتغل بالمطافي و عندا غمازتين ..))
يطلع و يسكر الباب و يروح صوب سيارت بشار و يركب : شلونك كبتن ؟
بشار : هلا والله بو حسين انا تمام الحمدلله انت شلونك ؟
علي يتنهد : انا تمام الحمدلله ..
بشار يحركـ ..
غرفة احمد ..
قاعد عالسرير و ماسك البلاك بيري و كل شوي يبتسم ابتسامته العبيطه .
و تبين غمازته الي على خده اليسار .. يحط فونه عالطاولة و يروح صوب الكبت عشان يطلعله ملابس ...
" من قال بموت لامن طحت من عينك ولا ..."
عمار : الووو .
إبراهيم : هلا عمووور وينك ؟
عمار : بالبيت يعني وين و الحين بدخل أسبح ..
إبراهيم : انزين لك خلق تطلع ..
عمار يقعد : على حسب المكان ..
إبراهيم : شووف يا 360 يا شرق ...
عمار : امممممممممممم ...
إبراهيم : أخلص حجي مو وقتك ترا ..
عمار : خلاص تم ..
إبراهيم : يلا اسبح و امرك ..
عمار : اووكي ..
يسكر التيلفون و يقوم يتسبح ..
.. البارت الأول ..
يلا ردودكم عشان اكمل
