خذيتي ولدج او بنتج بالسفر شاركنا بتجربتج

[sarona____83]

هاي بنات شلونكم

موضوع وايد محيرني ولدي الله يحفظه عمره سنه
واذا قررنا نسافر شرايكم اخذه معانا ولا لا..؟؟
يعني راح يأذي

المشكله موقادره اخليه قلبي ما يطاوعني ساعدوووني

 

[فلفل اسود]

انا ما افكر اخذ اعيالي انا رايحه استانس ولا رايحه احتاي واغسل ملابس واغير حفاظته


قطيهم على اهلج ولاتحاتين

 

[عريب المستقبل]

انا ما افكر اخذ اعيالي انا رايحه استانس ولا رايحه احتاي واغسل ملابس واغير حفاظته


قطيهم على اهلج ولاتحاتين

أنا معاها بس ادا اكثر من اثنين لا تخلينهم عند اهلج الاهالي ماعاد يتحملون في هاازمن

 

[om al ghaleen]

شوفي حبيبتي الياهل بالسفر كلش كلش مو بمصلحته ..
صج قلبج بيعورج عليه وتحاتينه بس اذا اخذتيه لوول راح تكرهين السفر
خصوصا هالعمر لانه بسم الله بيحوس ومايبي احد يشيله يبي يفرض نفسه

فالاحسن انج تتركينه عند امج او خالته او اي احد انتي مآمنه عليه
هذا اختي ماشاء الله سافرت اسبوعين وولدها الله يحفظه بأيدي امينه
ومستانس وكله يلعب .. "

انا مااقدر اتركهم ومآجله سالفه السفر لين تكبر بنوتي
يعني حسب نفسيتج بالسفر

 

[دمثة]

انا اخذهم الحمدالله معاااي والحمدالله مرتبه اموري

بس لاطولتي بالطيارة وبدوا يملون الله يكون بعونج

 

[الشيخة@]

رفع لعيونش

 

[ام الحلوااات]

اذا الــــمــــده قـــــصـــيــــــره خـــمـــســـه ايــام مـــثـــلا خـــلـــهــــــم ولـــومــطــــولــــه للـــعــــشــــرة ايـــااام اخـــذيـــهــم لان اليـــــاهــال يـــشـــتــهـــي امـــه وابــــوه ويـــفـــتـــقــــدهـــــم وااايـــد ومـــو زيــــن عــشــأن نـــقســـيــتـــه

 

[*ريما*]

خليهم عند اهلك احسن
انتي رايحة وناسة مو تعب

 

[كـ غلا ــلي]

انا ايدج تاخذين ولدج معاج انا مثلج الكل قالي لا تاخذينه ولويه وانتي رايحه تستانسين ومن هالكلام

لكن مع هاذا خذيته وطلع الامور حدها سهالات خذيناه دبي وكان عمره حزتها 4 شهور وهم بسفرتي

الصيفيه لالمانيا خذته وكان عمره 9 شهور وحزتها توه مكتشف الحباي فعادي يعني كنت اخليه يحبي بالغرفه وانتبه عليه

واجهزه للطلعه قبلنا بشوي وجنطه الطلعه مالته اجيك عليها قبل كل طلعه تبديل البامبرز كلش سهل خو كل مكان

يكون فيه حمام تقدرين تبدلين لودج سفرتج معا الياهل تعتمد عليج انتي بالدرجه الاولى ونصيحه اخذي له هدوم

كافيه تغنيج عن الغسيل او حتا لو حبيتي تقدرين تودينهم الاندري بالفندق مالج

 

[om MaRyooM]

على حسب اي ديرة ؟؟

بعيدة ولا قريبة .. والسفرة بوجم يوم ولابتطوولين


بس بشكل عام ماأؤيد الوحدة تاخذ طفل بهالعمر معاها لأنه بتلووووع جبدج


انا جربت بنتي مرتين وديتها معاي حق دبي

مرة مع الشغالة .. ومرة بدون الشغالة
صج أذية ومااستانست وايد ... لأن بس تحن متغير عليها المكان وبس تبي تنفلت اذا طلعنا ماتقعد بالمطعم

واااي ذكرتيني

 

[ريماا]

اذا الايام للى بتسافرينا اقل من اسبوع مايحتااج تاخذينا الانة صغيررر
انا اخر مرة خذيت عيالى معاى لندن اصغرهم كان عمرة 4سنوات صج وونااسة بس مااكو حريه دايما مقيدة بعيالى يعنى فررررق لما تسافرين مع زوجج برووحج بتحسين بحريه اكثر وبتعيشين الرومانسيه جنها ايام شهر العسل

 

[shaikhat al-zain]

على الاقل لما يصير عمر البيبي 4 سنين اخذه معاي

 

[AVE.NJ]

انه سافرت مع ولدي مرتين اول مره العمره كنت ناذرتله
امبيه اشسوى كان وايد صغير عمره شهرين كل الطياره تحلطمو على
بس من قبل شهرين وديته دبي وعمره كان 9شهور حجزت درجه اولى
وخليته دايخ كلش مانام
واول ماركبنا الطياره نام ماقعد الا وصلنا
واهناك كله بالعربانه واذا دخلنا مطعم وكلته قبل لااييه طلبنا
واذا نام بالعربانه
وايد استانست وياه

 

[mafio98]

واااااي صج اليهال اذيه انا عندي ولد واحد ايمله عليه خذيته جم مره بالسياره وقلت بجربه بسفر الطياره اذا هادي باخذه معاي هلطول رحت دبي الله لا يرااااويج عمره كان حزتها سنه وشوي من اول مادخلت باب الطياره منااااحه مايبي مكان مسكر بس يبجي بروح برا :'( ومارضى يقعد بحضني الا يقعد بكرسي بروحه وبالغصب المضيفه رضت لان اقلاع ومايصير بس سمعت مناحته رضت :bbbiu:
وطبعا ماستانست كلششششش كنت رايحه مع امي واخواني وريلي وكل واحد بغرفه كل شوي مبطل الباب ومنحاش بيروح عندهم:eh_s(16): غير طبعا تغير النومه وتنحكرين بليل ماتقدرين تسهرين ولا شي عقبها هونت اخذه سافرت وماخذيته بس اشتقت له جدمت سفرتي ورديت عشانه :eh_s(1):
اذا بتسافرين اكثر من 10 ايام اخذيه لان بتشتاقين له بس اقل لا خليه اريح لج واونس

 

[{بسكوتهــ~}]

نفس رايي الي قبلي

 

[شواخي]

انا سافرت شهر وبنتي عمرها ٨ شهور صج صج استانست

حرام السفر يتعب الياهل وماعليه شر مع امج و شحلاته ياما اهالينا خلونا وسافروا

ويوم عمرها ٤ اشهر رحت الحج واستانست

خليه خليه لا يعوف ريلج لسفر عقبها

 

[دوده ميمي]

انا احب عيالى واحب يكونون معاى بكل مكان استانس فيه واهم معاى يستانسون...احسن تأخذينة معاج

 

[sarona____83]

مشكورين حبايبي على كل النصائح وايد استفدت
وناطره المزيد من تجاربكم

 

[Sa7aBa]

انا مع انه ما ينوخذ الياهل
ما يفهم وبيلعوزكم
لو عندج احد تحطينه عندهم بأيد امينه وثقة روحوا ماتشوفون شر .. اما اذا مضطره انج تاخذينه فامرج لله والله المستعان
انا عندي الياهل لا صار عمره 5 سنين وفوق تسفرينه وياكم لأنه يفهم اما اصغر مايفهم وبس يبي يطييير بعد عمري
فانتوا اللي راح تتعبون وماراح تحسون بالتغيير لأنه وياكم

 

[^^yasmina^^]

انا العام رحت امريكاا شهر كامل بنتي عمرها 9 اشهر
قبلهااا
ميته من البجي احن علي ريلي الا نودي البنت اهوه يقوول لاا اخررر شي ما وديناها طبعااا
اهناك نسيتها صج اتيي في بالي مرات
بس كلما اتذكررها اقول لريلي يالله قووم السوق بشتريلها ملابس واغراض انسي روحي بالسووق
وفعلا الحمدلله صج ان اخر جم يوم كنت افكز فيها بس قتلج كلما افكر فيها اروح السووق والهي روحي بالسووق اشتريلها واشتريلي اغرااض
بس وااايد ارتحت لاني قعدت افكر لو ماخذتها وايد راح تتعب
تخيلي بالسيارة نسافر طريج 9 ساعاتت بين الولايات ومناطق 5 ساعات طريج
وسبحان الله بس نوووووصل الفندق نبدل ملابسنا ونطلع بره نستكشف الاماكن ونفتررر باماكنهم السياحيه قاعده اقول لو ماخذة بنتي جان برد البيت ابدلها اوكلها بتحن تبي تنام وانا احط راسي وانا وياها وماراح نستانس *