خدامتي وطلباتها الي ما تخلص

[لولوة الكويتية]

اشلونكم بنات واااي استغفر الله خدامتي اميننتني ابطلباتها الي ما تخلص كل يوم طالعتلي مثل ابليس يوم تبي شامبو بانتين الي انا اييبه مايعجبها حضرتها ويوم تبي كرت تلفون ويوم تبي نسكافيه صج ماينعطون وية ولا كل ماعصبت قالت انا بسافر انا خدامتي فلبينيه وافكر اذا بغيرها اييب سيلانيه اشرايكم

 

[ام الدرر]

حبوبة من اول يوم مفروض تعلمينها
تييبين لها الاشياء الاساسية شامبو معجون اسنان ملابس بذوقج وحسب ما انتي تبين
اي شي زايد او من ماركة معينه او كماليات قولي لها من معاشج
اللي عندج ويهها منجب تتشرط بعد
انا اللي عندي اي شي تبي يابت فلوس وانا من كيفي آخذ او ما آخذ منها​

 

[(ذوق)]

رد : خدامتي وطلباتها الي ما تخلص

والله كوني أحب نظافة الفلبينيات اتحمل واعطيهم الي يبون نسكافيه والشامبو وحتى ادور لهم اكلهم :denya:
بس الحمدالله يشتغلون مثل الساعه وما كو اللسان ونظاف :082502bye_prv:
ولا السيلانيات والله لو بلاش ما اخذهم وسخيييييييييييييييين ولسانهم طويل وتنقل حجي ويع :gr4uu:
وانتي وراحتج والله يوفقج اختي​

:blueSmCLR::blueSmCLR::blueSmCLR::blueSmCLR:

 

[lovely jojo]

تدرين احس الفليبينية على ما اتعودينها قوليلها اشتري من معاشج اللي تبينه انا هذا اللي اقدر عليه

 

[لولوة الكويتية]

ام الدرر
ذوق
افاي جوجو
مشكورررررين على المرووور

 

[كلي ثقه و سنع]

رد : خدامتي وطلباتها الي ما تخلص

حطي عشرة بايدها ونزليها سيتي سنتر او الجمعيه وخل تدبر نفسها

 

[منارة الإيمان]

رد : خدامتي وطلباتها الي ما تخلص

ههههههههههه حبيبتى يموتون على النسكافيه

الحلوة ألي عندي أول ما يتني جذي طلباتها كثييييرة

لاتفتحين معاها كثييير ولله الحمد الخير موجود ويفيض بس بعضهم غير محترمات

والله إنها أشكره تمد إيدها على الحلويات الخاصة فى الأستقبال وتاخذ وبعدين تقول إكسزيوزمي مدام أنا أخذت

قلت لها أول مره أشوف الناس ياخذون بعدين يستأذنون .. هذا وغير عيونهم الحاااارة الله يكفينا الشر ..

ولله الحمد مانقصر عليهم والله إنها قبل لا تطلب الشئ عندها .. عطيها حقوقها بدون أفراط وتفريط وألزميها حدودها

والله يسخرها لج ..

 

[شذونه]

رد : خدامتي وطلباتها الي ما تخلص

اهاا طيب عطيها لاساسيات الكماليات قوليلها من راتبك حسبالهم لانسان برميل فلوس وديري بالكم منهاا الله يكافينا شرهم يعني لاتحرمينهاا من للي تبيه لا قوليله ان اشتيته ليوم مقدر اشتريه بكره وفلوسك لاتشوفها ولاتكلمين قدامها عن الراتب هههههههههه

 

[الابلة الحلوة]

رد : خدامتي وطلباتها الي ما تخلص

شوفي انا الكماليات و الاكل والشرب

ماحب اقوولها لا

بس كروت التلفووون

لاا والله اتنق من معاااشها واييبلها

ماييبلها الا اذا عطتني فلوس الكرت

بس ترا الفلبينية احسن من السلانية

السيلانية بووق ولسان و وسااخة و تافف

خليج على مينونج لاييج اللي اين منه

 

[الكويت حياتي]

انه مالتي تطلب سانسليك يبته مره صارت كله مره تبيه اول مره يبته خلصته بسبوعين ثاني مره قتلها عطيني دينار واشتريه انحرجت قالت عادي الله وكيلج تم عندها شهرين والله مالتي سيلانيه الحين قالت اي شي مدام كيفج
لا تعودينها الا تعطيج ترا ما ينعطوون ويه اقولها كلشي بخاطرج بالثلاجه اكليه نفس اعيالي مو كافي واعطيها معجون اكبر حجم كل راس شهر وشامبو واحد كبير وقطن وامواااااااسه جيس وصابونتين كبار بعد شنو

 

[أحلى عيون]

رد : خدامتي وطلباتها الي ما تخلص

واي تذكرني بخدامتي الاندونيسيه الله يقطعهااا كانت عندي من زمان


كل مره تطلب مني ولي رحنا لبيت اهلي فيه بقاله عند بيتهم تطلب مني ماما انا يبي ربع دينار ابي اشتري واعطيهاا ينصدمون خواتي يقولون وين معاشهااا


ويوم طست ولا خدامه اختي تقول كانت تقول لنا اودي معاشي كله واخلي ماما اهيا الي تشتري لي وتعطيني الله ياخذهااا


بصراحه انا اول مره اشتري لهم كل شي منه شغلتين وبعد مايخلصون تعطيني من معاشها واشتري لها بعد كافي معاشاتهم تكسر الظهر واشتري لهاا تولي

 

[ضايعة بدنيتي]

وااالله حبيبتي غلطاااانة تشترين لهااا من فلوسك كروت وغيره. اذاا تبي تتشرط خليها تدفع من جيبهااا . بصرااحة عينهم قوية كل شي متوفر لهم وبعد ماااكو فايدة

ربي يعينك

 

[لولوة الكويتية]

حبايبي يا كويتيات مشكورين واهي بعد مسكينة جنها ياهل تقول حق بناتي انتي يوعانه روحي قولي حق ماما يشتري برجر كنج لان تدري راح نشتريلها ومرة سمعتها تسولف ويا بناتي وتقول انتي ماما وبابا وايد فلوس الله يكافينا الشر

 

[جنون إحسآسي]

حبيبتي الخدم وخاصه الفلبينيات ما ينعطون ويه
خدامتنا قبل كل شي تشوفه علينا تقول ابي مثله حتى ملابس امي تشوف عليها الروب تقول لها ابي مثله
خلي كل شي من فلوسها وانتي كرم منج اذا عطيتيها الضروريات كل شهر
وسالفه المطاعم انا اشوفها دلع شوفي شلون قامت تستغلج
يعني مره مرتين اذا كانت طالعه وياكم برا بس اذا بالبيت لا خليها تاكل من البيت .. مو كل ما طلبتو لازم تطلبون لها ماتخلصون تبي خل تدفع والله لو تقولين لها جذي بتنجعم بديرتها ماشافت هالخير واهني طمعت وقامت اتشرط بعد

 

[آنسه زهقانه]

رد : خدامتي وطلباتها الي ما تخلص

والله خدامتنا هنديه قبل امس سافرت الله وكيلج شالت نص البيت معاها شغاله بوووق 9 سنين والله عطري play هديه من اختي قبل شهر او شهرين دورته بعد سفرتها بليل والله مالقيته اقولج جيبيلج نيباليه هي اللي تفهم بصراحه او اثيوبيه مسلمه عالاقل الاثيوبيه تفهم عربي

 

[bnt_kwt]

رد : خدامتي وطلباتها الي ما تخلص

خدامتي يوم كنت اعطيها ويه كانت جذي كل يوم طالعه لي بسالفه
ابي الكريم الفلاني
ابي الصابون الفلاني ابي مادري شنو لوعت جبدي

بس يوم طالت وشمخت وارفست النعمه كل شي تغير
قلت لها اول كنت كل شي تبينه اييبه وما اقول لا اقول حرام هذيل بشر مثلنا

بس الحين لا حبيبتي انا اييب لج ملابسج والشامبو والصابون مال الجسم ومعجون الاسنان والديودرنت

اي شي ثاني تبينه انا مو مكلفه فيج عطيني فلوسج وانا اييب لج

وبس من عقبها ارتحت

على فكره خدامتي هنديه

بنظري الجنسيه مالها شغل لانه الخدم كلهم نفس الشي اذا انعطوا ويه يمصخونها

 

[رحيل المرافيء]

رد : خدامتي وطلباتها الي ما تخلص

انتي عطيها كل شهر الاغراض الشخصية شامبو معجون صابون ديودرنت كريم ونسكافيه واي شي زايد تشتري هي
الشامبو اذا سعره نفس اللي تشترينه اشتري لها اما اذا اغلى لااااااااا خل تشتري من جيبها

وكروت تلفون بالاعياد اشتري لها من حسابج يعني عيدية وبس اما يوميا خل تنق من جيبها
وقوليلها تبين شي قولي مرة وحدة مو كل يوم ابي وابي تتشرط
وقفيها عند حدها شدي عليها شوي

 

[om al ghaleen]

شوفي انا الخدامه اللي تخدمني صح وماتعل قلبي لو تبي نجوم السما اييبها لها
اما اللي لسانها طويل و مامنها فايده والله تشتري من معاشها اللي تبيه
انا اشتري لهم اللي اييبه واذا في شروط معنيه اهي تدفع



\\

 

[ام دودو المزيونه]

ما ادري حبيبتي احنا تعودنا نييب لهم الأساسيات مثل ادوات النظافه الشخصية ( شامبو ومعجون وكريم جسم وديودرين وامواس حلاقه ) وطبعا النسكافيه لازم انا الي عندي ثنتين سيلانيات حتي المعبوج طرشي المنجا اييبه لهم لأنهم يحبونه اهم بشر ونفسهم تهفهم نفسنا بس كل شئ له حدود تلفوناتهم اهم يدفعونهم شكو ادفع لهم بعد .

 

[لولوة الكويتية]

الله يعافيكم يا كويتيات وفيتوا وكفيتوا