خدامتي مصوره ولدي

[نـور الكويت]

السلام عليكم

بنات خرامتي اثيوبيه وااايد طيبه وحليوه وتموت على ولدي

عاد طحت ع ظرف فيهاا صور لهااا ومصوره ولدي معاها وهو بروحه << تعرفوون عاد سوالف الخدم بالتصوير ..

شرايكم بنات اخذ منها اصورولا اخليهم ..

وعادي عندكم خدمكم يصورون عيالكم ..

 

[@شمس الضحى@]

لااااااااا موعاادي الخدم يصورون عيالنا شكووووووووووو تصووره
اخذي الصور منها بدون ماتحس ولا تجيبين لها طاري
شلون صورته؟؟
اخاف بكرا تصورج وانتي مادريتي

 

[أبله أريج]

لا مو عادي

 

[om-3azo-83z]

احيانا من المعزه انا لما كنت صغيره خدامتنا مبروزه صورتي كبيره فبيتهم
بس الحين الوضع تغير اخذيهم احتياط

 

[غزلان-2]

لاطبعا موعادي

لايكون تستحين تسالينها؟(((((ساليها شلون صورته واخذي الصور منها قبل لاتندمين ترا مالهم امان)))))))
معقوله ماتعرفين تصرفين ترا شي عادي تسالينها وتاخذينهم بكل ادب واحترام

 

[نـور الكويت]

والله بنات محتاره اخاف اخذهم وتغير نفسيتها على ولدي مادري شسوووي والله حدي ميته خووف

 

[VET-Nour]

اخذييهآآ واهي ماتدري مو جدامها

 

[@ام يوسف@]

اااب

 

[عنـــآق ..!]

-



اخذيها بدون لاتحس ..
واذا شفتيها قاعده تصوره مره ثانيه
كلميها باسلوب حلووو قولي ابوه مايرضي
احد يصوره اذا شافج تصورينه بيهاوشج ..



ديري بالج تواجهينها وتهاوشيتها عالتصوير
بتحقد وتقلب علييييه ..

 

[حبيبه ببي]

يماا هذه تخرع اخذي الصوربس خوفج تحقد وتسوي شي بالولد

 

[غرور الريم]

انا اقول اذا بتسافر اخذي الصور منها عشان ماتقلب عليج وع ولدج

 

[ملح الكويت كله]

بلا وسوسه زااايده الاثيوبيات جذي عندهم يراعه يصورون مافيها شي من حبها حق ولدج تصوره من وراج احسن من ما تسالج وانتي ماترضين ... كلشي الله كاتبه بيصير انا خبره بالاثيوبيات وايد حنونين وشاغوليين بس لا تسالينها ليش سويتي جذي اطنقر

الله يحفظ ولدج

 

[ملح الكويت كله]

ممكن تقوليلها ليش صورتيه واي شي تبين تسوينه لازم تستاذنين بدون عصبيه وهيا بتتفهم المووضوع ,, وانتي امه شوفي شنو الاصلح

 

[om MaRyooM]

مادري احس عادي
كل خدمنا جذي
وانا خدامتي نفس الشي


احسنو الظن
بس اذا ماتحبين الخدامة وعليها سوالف لاطبعا حامض على بوزها اخذي الصور

 

[هونها يارب]

والله انا داشه بس اشوف بس الصراحه انبطت جبدي واذا صورتا بتاكلا من زود المحبه حبيبتىلاتوسسوسن عيل تعالى شوفى الاعندي مابقا شى ما صورتا غرفتها جنها مصور كلها صور عيالى

 

[ناتشوو]

لابليز لا تاخذين من وراها
وفهميها انج ماتحبين احد ياخذ صوركم حتى اختج ماتعطينها
بس سؤال اشلون مصورة باي كاميرا واشلون جامعه الصور؟

 

[ReD&FoSHia]

نفس سؤال ناتشوو

 

[عسل مرت قيمر]

اتوقع من كثر ماتحبهم


بس مادري والله


انا ماعندي خبره مع الخدم

 

[منووله مشعل]

اي شي لا طبعاا موعادي

ماتدرين يمكن تنتقم منج او من زوجج او احد من البيت قايلها كلمه او مهاوشها سبحان الله يمكن لحظه غضب وانتو نسيتي وهي مانست وحتى اذا لا اخذي صوووره منها عشان بعدين ماتحاتين

 

[هدفي الفردوس]

عادي ليش تكبرين الموضوع شفيها اذا صورت بعدين اذا ماضريتيها اكيد ماراح تحقد عليج