خدامتي تكلم شباب

[الفـدعـه]

السسسلام عليييكم


بنات عندي خدامه مؤقته ووعنددهااا تلفووون قلت ماعليه بس اربعه وعششرين سساعه تكلم قلت مسسسستحيييل تكلم اهلهااا مايخلص رصيدها من وين لها الرصييييد بالاخير خدامه اهلي قالت لامي انها تكلم شباب وان الغسسال يجيب لها كرروت تعئبه وماتستحي تطلع وتكلم ولا تستحي من اهل البيت مادري شسسوي بس تشتغل نظيييف واوكي وتمسك ولدي بسس اخاف منها مادري كشييت لما قالت لي خدامه اهلي انها تكلم شباب بنات شرايكم .؟ ارجعها واجيب غيرها انا بالموت لقيتها ومسجله ع خدامه ولاجت للحين بلييز فيديوني:bbbiu:

 

[عاشقة الاسلام]

نصيحة اخت رديها المكتب

 

[krkooora]

مو كيفها 24 ساعه تلفون !

قوليلها تلفون وقت الشغل لو سمحتي ماكو ... كلميها

شنو يعني تكلم شباب ؟ تكلم من جنسيتها ولا كويتين ؟

محتاجتلها لا تردينها مدام تشتغل عدل بس كلميها على موضوع التلفون مو مشكله عندها تلفون بس مو 24 ساعه سوالف

 

[موج الحزن]

اشلعيها للمكتب لاتجيب لج مصيبه تحمل من هالوسخين وتحطها براس زوجج

 

[*ماي الورد*]

طبعا اتردينها

 

[الأمل لحظه]

قطيعه تقطعهم انا اقول اذا قايمه بشغلها عدل وهذا اهم شي خليها وقولي تلفون مافيه بوقت الشغل واذا رفضت رجعيها المكتب وماكثر الله الا المؤقتات وهي لو فيها سنع ماقطوها غيرج ،،

 

[| تفاصيل |]

رجعيها باجر تبلشكم

 

[وحيدة امى]

افتكي منها نصيحه اخاف تجيب مصيبه وتبتلشين اذا صاجه خدامة اهلج ماتبلي عليها الخدم يمتون بسوالف عندي سلانيه تسولف عادي

 

[صفاءء]

اخذي منها التليفون وبس لمن بتكلم اهلها اخذي جربي هالشي

 

[سلمـــى]

وديها المكتب بدون تردد اذا تاكدني ان الكلام صج
وربج بعوضج ان شاء الله

 

[انصاريه قمره]

انا اقول دامها زينه مع ولدج وشغلهاا زين كلميهاا بخصوص التلفووون قوليلهاا وقت الشغل شغل ووقت فراغج اتكلمين بس ولا تخلينهااا تطلع بروحها يعني تطرشينها بقاله فرع لا وطلعاتها بس معاكم واذا عالتلفوون ختكلم بطقاق بس اهل شي ما تواعد ولا تطلع

 

[هجووورة]

خدامة مؤقته يعني معاشها مو اقل من 130
والغسال يجيب لها الكروت
اكيد حبيبتي على كيفها عيل اشتنطرين من خدامه تذكر الله بالتلفون مثلا اكيد تكلم شباب وتواعدهم بعد
الله يستر عليكم

 

[مظلومه ياناس]

الحين ازمة خدم لاتودينها بس كلميها ان التلفون له وقت مو ٢٤ ساعه ،..، سؤال من ين ماخذتها انا قاعده ادور مؤقته

 

[q8 knosha]

اذا محتاجتها خليها
لان صععععععععععب تحصلين وحده زينه الحين

وانتي كلميها فهميها مو24ساعه

 

[moltencake]

اذا انتي محتاجتها ضروري و هي مؤقته نطري لما توصل اللي طالبتها مع انه الخدامه اللي تكلم رياييل جدامكم و ماهمها احد،عادي باجر تدخل الرياييل في بيتكم.
بس اذا تقدرين تستغنين عنها لا و الله وديها المكتب و جنه العيد و افتكي منها قبل لا تسويي لكم مصيبه.
بالاساس هي موخايفه منكم لانها تدري انها مؤقته و انتوا محتاجينها.

 

[ام كوثر2007]

والله حتي لو محتاجتها .. اشلون يهايلج قلبج تخلين ولدج معااها وتطلعين .. ديري بالج منها لا ادخل رياييل عليكم بالبيت وولدج وياها ..


انا اقول وديها ونطري خدامتج يا قلبي ولا يصير شي لا سمح الله وبعدين تقولين ياليتني وديتها.. د


وطمنينا عليج ..

 

[الفـدعـه]

مو كيفها 24 ساعه تلفون !

قوليلها تلفون وقت الشغل لو سمحتي ماكو ... كلميها

شنو يعني تكلم شباب ؟ تكلم من جنسيتها ولا كويتين ؟

محتاجتلها لا تردينها مدام تشتغل عدل بس كلميها على موضوع التلفون مو مشكله عندها تلفون بس مو 24 ساعه سوالف

لا مو من جنسيتها لانها تكلم عربي

 

[الفـدعـه]

بنات قلت لهاااااااا تلفون بس الصبح تكلمين اهلج وقالت اوك اسبوع والا مطنششه تكلم اربعه وعشرين ساعه والحين تحط الراديو وماتحطه صامت يدق عادي حتى مره ويانا بالسياره دق تلفونها زوجي قالت هذا تلفونج قلت لا خزني شسوووي

 

[غيــرة انثى]

كانت عندنا خدامه تكلم واحد و احنا ندري و عادي اخر شي حملت و سفرناها

 

[الفـدعـه]

قطيعه تقطعهم انا جذي خايفه ابتلش فيها