خدامتي تطلع كل شهر جمعة؟؟

[ذكرى الفراق]

السلام عليكم ورحمة الله وبركاته

شلونكم خواتي وشخباركم اكيد قريتوا العنوان وهو انه عندي خدامة هندية صارلها سنة عندي ومن اول ماجتني وهي شارطه اجازة كل شهر جمعة ..وانا كنت حامل بعيالي التوم بالسابع ...المهم كانت تطلع وماكان عندي اي مشكلة ..بس بالفترة الاخيرة بديت اخاف وشرطت عليها ماتطلع بس مارضت قالتلي اروح بيت ثاني ...وبيني وبينكم هي ماشالله عليها نظيفة وطيبة واايد وزينة لعيالي واااايد تهتم فيهم حيل صج مرات لسانها يطول شوي ..بس اطنشها مانقشها ...بس عيبها هالجمعة اللي تطلعها أخر مرة قعدت وياها وقلتلها الحين فيه امراض وبلاوي قالتلي ماما انا مايروح الا مع خالتي وبنات خالتي ..بس مايعرف احد ثاني ..انا فيه زوج وفيه خوف من الله ..المهم قرقت على راسي وسكت ورضيت بعد شسوي ...طلبت خدامتين ورى بعض وكل وحدة نقعتني شهر ونص واخر شي قالولي ماتبي تجي ....واللي عندي تبي تقعد سنة وتروح تسافر علشان جذيه ماتبي تروح بيت ثاني تخاف يحطون لها اقامة سنتين....ادري طولت عليكم بس ساعدوني يابنات اخليها ولا اطلب وحدة ثانية ..او اخاف الخدامة الثانية ماتتحمل عيالي خاصة انهم توم واعمارهم عشر شهور ....؟...وانا ماقدر اخذ اجازة طويلة الامومة ليلحين ماكله راتبي ..وخدامتي هذي مامانت عيالي عليها الا لما شفت تعاملها عدل وسويت لها اختبارات ...واسفة طولت عليكم:tek:

ذكرى الفراق​

 

[املى كبير]

الله يعينج ,, ويخلى عيالج .. يابنت الحلال خليها روح ماياثر يوم,, وانتى من اول شى راضيه خلاص ,, ترى الخدامه الى مثلها ماتلقين الحين .. لان الخدامات تغيرو.,, وصارو ملاعين تدرى انج ماتستغنين عنها .. فاتليعن​

الحين صعبه الخدم وغالين غزريها عليها لين تروح ,, والله يريحج

 

[ice_cream]

عادي ترى مو كل خدامه طلعت يعني بتسوي شي غلط

بالنهايه اهم بشر يحتاجون يطلعون شوي

 

[كوكيز 911]

حبيبتى ذكري الفراق هل يومين مااافي خدامه طيبه و
تخااف علي اليهال مثل مااالتج مسكيهااا لا تطير
وبعدين اهي كل شهر جمعه مو كل اسبووووع

 

[ذكرى الفراق]

تسلمون خواتي عالمشاركة ...خلاص مشورتكم وهداية الله ...انشالله اذا فيها خير لي ولعيالي ..تقعد واذا لأ تروح ويجيب لي ربي اللي احسن منها ....مشكورين مرة ثانية

 

[^kloOot^]

يامعوده ياما خدم بعد سنتين المعزبه اكتشفت انه الخدامه تطلع كل اسبوع من وراهم



مدام اهي زينه ومهتمه بعيالج

لاتوسوسين

اهي بروحها تخاف على نفسها صدقينى

 

[*نور الكويت*]

وشفيها اذا تطلع ؟
خدم اهلي وحمولتي يطلعون بالشهر مرة الهنود معروفين لازم يطلعون
وماشاالله عليهم سنع ومنع
وبعدين لاحظي ايام قبل الستينات والسبعينات هنود اول كانوا يطلعون سمعتي مشاكل وجرايم منهم؟
بالعكس اهم واهل البيت واحد
آنا اقول خليها عندج بس قوليلها لازم تردين مبجر يعني قبل الليل تكونين موجوده لأني اخاف عليج
ولازم تطلبين وحده عشان اللي عندج اذا سافرت يكون البديل جاهز

 

[ذكرى الفراق]

تسلمون يالغاليات...ريحتوني الله يريحكم ... اخليها والله يعطيني خيرها ويكفيني شرهااااااا

 

[bnt_kwt]

يموتون على الهياته

انا خدامتي يبتها وعقب ما حولنا الاقامه وتمت عندي 6 اشهر ريلها مات
سافرت وردت وقبل لا ترجع عطتني هالشرط انها تبي تطلع تبي اجازه قلت لها انتي تعالي ويصير خير
خاصه وانه لها معار اهني بالكويت وايد ولا تبي موبايل على قولتها
يوم يت قلت حق ريلي كلمها اهي تخاف منه

عاد والله قالها طلعه مافي الا مع ماما
<<< اللي اهي انا هههههههه

وموبايل مافي عندج تلفون البيت

واللي يبون يشوفونج اييونج البيت ماله داعي التفرفر كل يمعه او سبت
حطينا النقاط على الحروف وخلاص
بعد انتي يايه تشتغلين مو تهيتين اشلج بالطلعات

 

[ام عفاف الكويت]

انا خدامتين عندي وحده تطلع الجمعه والثانيه الجمعه اللى وراها
بس لهم يوم بالشهر
ولهم نقال بعد
اللى مريحني وحده زوجها بالديره سايق والثانيه اخوها مع مرته
والحمدلله على كل حال اهم شي بيتي
والخدم حظ شسوي الشكوى لله

 

[أوشال]

دام خدامتج زينه وراضيه عليها

مره بشهر ما تضر انا بصراحه ماافضل الخدامه تطلع

بعد ماكو طلعة الا ماخذينها معانا ومونسينها بعد

بس اذا مره بالشهر وولها معارف بالكويت ارضي بالواقع كلها جم ساعه وبترد

وأكيد تخاف على عمرها ..وترا جرايدهم يكتبون عن أنفلونز الخنازير

والكل بدا يخاف منه ...لا تحاتين وايد

والله يسخرها لج ويحفظ عياج يارب

 

[جوري الكويت]

دام مره بالشهر تهون

المفروض تشرطين عليها من المكتب

 

[عهود الحب]

انا كانت عندي خدامة قبل نفس مشكلتج
لسان طويل ونفسية وموبايل وتبي كل جمعتين تطلع مرة

بالاول تحملت

تالي خلاص طفح الكيل

وهندية وكبيرة بالعمر

سنع سنعة ولي قلت سنعة سنعة صج

الين مرة تهاوشت معاها على كلمتين قالتهم وانا ياربي كبر فيني همي قلت لها خلاص يافلانة دقي على زوجج ياخذج

قامت اول شي تبجي تالي تقولي انتي حيوانة هاتي معاشات حق 3 شهر مقدم وفلوس تذكرة
مسوية عنتر


مابي اقولج الين تطور النقاش بيني وبينها بس الاكيد مسكتها جنطتها وقلت الباب لابوج لابو العازة الي تجيب المذلة من اشكالج


والله انا قلت اخر شي حضرتها بتطقني عشان ساكته لي سنتين على عواجة لسانها
وقلة ادبها وطلباتها الي ماتخلص وطبعا كله بس عشان مافي احد يكفل لي خدامة

ولعلمج لاتقولين انا مقصرة بحقوقها انا كنت كل راس شهر اعبي لها كرتها بخمسة ومعاشها ستين دينار بما انها طباخة وسنعة


مادري مجوية على راسي الظاهر وقتها !!!! ستين وهم تغلط علي !!!

ذلفتها الله وكيلج وتعبت شهر كامل الين جبت خدامة جديدة فريش وطبعا كنت ماخذه درس من القديمة


حطيت من البداية النقط عالحرووووووووووف


موبايل نو باب توقفين عنده نوووووووو خرابيط نووووووو اشنقج فاهمه هاهاهاها
المهم شدة و لين وصارت حياتي اوكي والله وكيلج ارتاحت ميزانيتي خاصة انه الي قبل قديمة

مو بتروح الجمعه تخيلي حتى فلوس التاكسي ادفع لها تصوري لهدرجة مقصوص علي
تالي مجرد انج تبدلين الخدامة ترتاحين من شيلة هم روحة الخدامة للجمعة وشنو بتسوي ووين تفتر الهايته حضرتها



مادام رمضان مجبل علينا تصبري عليها وباجر لي عدت الامور اوكي دوري لج وحدة جديدة ومن الاول افرضي شروطج مو شروطها