خدامتي تبيني اجيب زوجها ممكن تجاربكم ؟

[كويتيه وافتخر]

السلام عليكم ورحمه الله وبركاته

اشلونكم

انا خدامتي تبيني اطلب زوجها واشغله بالديره

فكرت اجيبه سايق عندي

بس ابي تجاربكم

للي عندها سايق ومرته خدامه

 

[الأميرة جوري]

ديري بالج اخرتها يلقاله شغله له ولزوجته بمكان ثاني وينحاشووووووووون ...

 

[يازمان العجايب]

رد : رد: خدامتي تبيني اجيب زوجها ممكن تجاربكم ؟

ديري بالج تقوي شوكتها ويتعاونون مع بعض على الجذب والخرابيط
وباجر كل مابغيتيها عنده
وكل مشوار ركض راحت معاه عن تجربة خالتي يابت ولد الخدامه ويننتنها لحد يكلمه لاتطرشونه بالليل اتخشش الاكل حقه وكل مشوار ركض اركبت السيارة​

 

[Queenleo]

رد : خدامتي تبيني اجيب زوجها ممكن تجاربكم ؟

اخااااف اقووولج لاتيبينه واكون ظلمتهاااا
يمكن محتااجه زووجها يمها :/
وخووفج تخربط من ووراكم
انتي ادرى بخدامتج اذا بنت حلاال وووسنعه ييبيه ووحطووه سايق عندكم مافيها شيء
هذا رايي
بس استخيري بالاول احسن

 

[كويتيه وافتخر]

مدري والله

انا اصلن اذا جبته سايق ماراح اخليه ببيتي لانه شقه ماله مكان
باخليه يبات ببيت اهلي بس يجي الصبح يودينا الدوام والمدارس ويردنا الظهاري وتالي يرد بيت اهلي

جذيه الفكره اللي ببالي

 

[صخر جلمود]

لآ والله شلج في مقابلهم عندج

آحسسن لج جيبي سايق مو من جنسيتها بعد

 

[ام الدرر]

مدري والله

انا اصلن اذا جبته سايق ماراح اخليه ببيتي لانه شقه ماله مكان
باخليه يبات ببيت اهلي بس يجي الصبح يودينا الدوام والمدارس ويردنا الظهاري وتالي يرد بيت اهلي

جذيه الفكره اللي ببالي

اختي يابته وسكنوه مؤقت بغرفتها بالدور الثالث لما يلقى شغل وسكن ودبل جبدهم مو راضي يطلع لما طرده زوج اختي لما يابت خدامة ثانية تساعد الاولى
و اكتشفو ادخله بالليل وهم نايمين وتفرش له تحت الدرج وتنام عنده عشان مايخاف ولا يستاحش بروحه مسيكين
واخر شي 2 برااااا​

 

[حجيه هيونه]

والله هالشغله لها فوائد وبنفس الوقت لها مضار

انتي استخيري ماتدرين يمكن يطلع ولد حلال ويريحكم

 

[ام محمد***]

والله مدري


الله يعيينج
اذا انتي مو محتااجته بالاساااس يعني انتي تسوقين
او ريلج ما يقصر معاااج بالطلعاات
اشحقه تجيبينه ؟

بس عشان خاطر عيونها ...؟؟
لا والله اذا مااالج حاجه فيها اشتبين بالمخاسسير

هي تبي الفايده لها ولريلها

وانتي ما فكرتي بالمخاسير اللي من وراااه ........
المعاااش وتدرييب السياااقه ....
ويمكن يلعب بحسبة السياره اللي يمسكها


الله يسهل لج
وانتي بكيفج

 

[فل ونرجس]

فكره فاشله سويتها وتندمت

 

[أم عبود 2011]

وااااااااااااااااااااااي الله يعينج يكفي إذا تهاوشت معاه بتعكر مزاجها وتنكد عليكم إحنا خدمنا رياييلهم مو معاهم وميننينا تلفونات ومسجات بعد هالدور وياها بنفس الديرة الله يعينج ولا تحاتين رزقته على الله مو عليج شلج بالمشاكل هذا وتخيلي لو حملت بعد الله يعينج يكفي لو عاشرها ماراح تكون طاهرة وييييييييييييييييييييييييييييييييع شلون تطبخ ولا تنظف لكم وإهي على جنابة هذا أكثر موضوع أكرهه سوري تعمقت بالموضوع وايد بس هذا الصج وتبين ألوع جبدج أكثر تخيلي تحوشها التهابات وييييييييييييييييييييييع بعد أهم مو مثل اهتمامنا ونظافتنا ما أدري آنا هذي وجهة نظري أهتم لهالنقطة أكثر من باقي المشاكل اللي بتصير
منتي ملزومة فيه والله باجر يسوون عصابة عليج وما تقدرين حتى تعاتبينها على تقصيرها ووقتها ماراح يكون لكم بتقسمه بينج وبين رضا وراحة ريلها
انسي الفكرة وشيليها من راسج وحتى لو اشتغل بمكان ثاني كل بيتنطط لج علبو بيزورها ولا تقول لج بطلع مع ريلي واي دووووووووووووووووووووووخه راس

 

[ام الدرر]

ام عبود يحليلج بدعتي​

 

[أم عبود 2011]

^^^^^^^^^^^^^^^^^^^

شرايج فيني ههههههههههههههههههههههههههههه

ترا صج ممكن هالشي يصير

 

[لبنه بالزعتر]

اذا زعلت زعل وياها واذا رضت رضى وياها

اشلج بعوار الراس

الخدم ما يقربون لبعض ويفزعون لبعض فما بالج زوجين

 

[ميموووورااا]

الخدم لوعو جبودنا كل هندي بالشارع يقرب لهم وفزعة وكل يوم رايحين رادين
انا الزوجين مادري

 

[راعية الطويلة]

جيبيه أحسن
و اللي اوله شرط آخره نور
و اللي تقول يمكن ما تكون طاهره
ما له شغل إذا كانت نظيفة أكيد بتنظف يوميا
و إذا كانت مو نظيفة حتى لو ما عندها زوج ممكن تكون جنب
و ما تستحم
يعني المسأله راجعة لنظافتها الشخصية
و أكيد انت عرفتي إذا نظيفة و لا لأ؟؟؟
و يا ما خدم دخلوا بلاوي للبيت

زوجها و لا بالحرام؟؟!!


استخيري و الله يكتب لج كل خير

آمين

 

[xxx]

نصيحه لا تيبين زوجها

ماوراهم الا المشاكل

 

[كويتيه وافتخر]

مشكورين

 

[حساسة مصر]

اممم بصراحة اذا بتقدري ع الاتنين يلا اتوفقي وجيبيهم عندكم

واذا مش محتاجاه .. دوري علي وظيفة اذا لقيتي له تكسبي فيهـ ثواب

^_^