خدامتي بتسافر :((( وياويلي على أطفالي (((

[سيد-الغنادير]

مرحبا يابنات ...

تكفون اللي عندها خبرة لاتبخل علي وتساعدني ..
عندي طفلين واحد 3سنوات والثاني سنه ونص
وحيييييييل متعلقين بخدامتهم مدري شكو ؟؟

مع اني انا ااكلهم واغسل لهم واسبحهم والعب معاهم واقعد معاهم كثر ما اقدر وحنونه حيل عليهم ...

بس شنو السر بتعلقهم فيها صار لها عندي 3 سنوات والحين بتساااااافر ومن الحين امهد لهم واقولهم ان راني بتسافر تركب طيارة وتروووح وانا وبابا نقعد عندكم ...
الكبير يبكي ويخااااف لدرجة انه يقوم بالليل يسأل وين راني راحت ؟ سافرت ؟ ويقعد يبكي ..


تكفوووووووون شنوووووو أسوي طريقة التمهيد ماينفع .. خدامتي بتسافر 21-يونيو الله يعيني شكلي انا ببكي عليها وبتصير فيني حاله نفسية مو اهم ((((

 

[ombaza]

الله يعينج اهم الياهال جذيه يحسون انهم بأمان لانهم يدرون اذا بتطلعين تخلينهم عندها فيحس انه بيضيع
انا اقول اقري عليهم الرقيه كامله وشوي شوي يخف الخوف ويحس بأمان
ترى ماينلامون هالياهال
الله يعينج انتي بعد

 

[malak_alroo7]

الله يعينكم اختى
ان شاء الله يوم يومين و خلاص ينسونها ان شاء الله

 

[makeup story]

انا خدامتي راحت هالشهر صارلها سنتين عندي وبنتي عمرها سنه و10 اشهر متعلقه فيها حيل غير عن اخوانها وتوقعت انهاا كل يووم تبجي اهي فقدتها بس اول يووم بعدين قامت تقولي راحت عنهاا وتمشي الامووور بس حسافه يروحون لما يتعلمون الشغل عدل

 

[xxx]

مرحبا يابنات ...

تكفون اللي عندها خبرة لاتبخل علي وتساعدني ..
عندي طفلين واحد 3سنوات والثاني سنه ونص
وحيييييييل متعلقين بخدامتهم مدري شكو ؟؟

مع اني انا ااكلهم واغسل لهم واسبحهم والعب معاهم واقعد معاهم كثر ما اقدر وحنونه حيل عليهم ...

بس شنو السر بتعلقهم فيها صار لها عندي 3 سنوات والحين بتساااااافر ومن الحين امهد لهم واقولهم ان راني بتسافر تركب طيارة وتروووح وانا وبابا نقعد عندكم ...
الكبير يبكي ويخااااف لدرجة انه يقوم بالليل يسأل وين راني راحت ؟ سافرت ؟ ويقعد يبكي ..


تكفوووووووون شنوووووو أسوي طريقة التمهيد ماينفع .. خدامتي بتسافر 21-يونيو الله يعيني شكلي انا ببكي عليها وبتصير فيني حاله نفسية مو اهم ((((

المفروض ماتقوليلهم وصدقيني الياهل ينسى بسرعه

لاتحاتين واهم شي اليوم الي بتروح فيه ماتسلم عليهم

 

[سيد-الغنادير]

مشكوووووورين حبيباتي على الرد ...

والله يعيني على فراقهاااااا ((((

 

[سيد-الغنادير]

مشكوووووورين حبيباتي على الرد ...

والله يعيني على فراقهاااااا ((((

 

[مشمشه_كويتيه]

انا اقولج شلون خليهم هاليومين معاج وين ماتروحون طالعه داخله كله معاج وحاولي تودينهم معاج مطاعم تمشينهم العاب اي مكان يسليهم واهي خليها تجهز لسفرتها وبجذي اليهال يلهون معاج عنها ويفجون شوي شوي نا دايم اسوي جذي قبل ماتروح الخدامه لدرجه انها لما تروح يسويلها باي باي

 

[أم@الحلوين]

الله يعينج اختي عليهم بس انتي من اللحين مهدي لهم مثلا قطيها بيت امج وبالليل يبيها عشان يتعودون اشويشوي ..عيل انا مااحب الخدم كلش وعندي توأم الله يحفضهم بس ريلي هالايام احن علي عشان اتساعدني بالبيت شسوي؟

 

[سيد-الغنادير]

مشكورة حبيتي على الرد وهذي خوش فكرة وبحلوب اسويها هالايام

 

[رفرف]

جان ما مهدتي ولا شي ..

انا بنتي كانت تموووووووووووووت بخدامتها ولما سافرت ما تحجيت لين ركبنا السيارة جان تقول وين فلانة ؟ قلتلها سافرت بالطيارة ...

وبس يمكن سألت عنها مرة او مرتين وخلاص نست

 

[سيد-الغنادير]

مشكورة يارفرف على الرد ...
بس الاطفال عندنا بعايلتنا سالفتهم سالفة ..

اختي الصغيرونة يوم سافرت خدامتنا صارت بس تبكي وما تتكلم وكان عمرها 3ونص وحرارتها مرتفعة وبس سرحاااانه ..

وولد اختي نفس الطريقة هم حرارة وحاشته كآبة وعاد انا مابغيت أطفالي يصير فيهم نفس الحاله فمهدت لهم ..
والله يعيني والله شايله همهم أطفالي حيل حساسين بسرعة يتأثرووووون

نفس امهم (

 

[lolo77]

واي الله يستر انا بعد خدامتي بتروح صارلها 3 سنوات واهم حيل متعلقين فيها
بس الكبير عادي عنده عمره 5 سنوات والصغير 3ونص اهو اللي بيأذيني شكله وطبعا البيبي توها ماتعرف شي ولا تعرفا اصلا
انا خايفه من ولدي ماادري شنو بيسوي مع انه هالايام كله لاصق فيني من ولدت قلت اشوه عشان تسافر
يتراوالي اليهال بس جم يوم يبجون عليها بعدين عادي
؟؟

 

[الغنادير]

مابي اضيق خلقج

ولدي عمره جريب بيصير سبع سنوات ولي يومج يذكر خدامته ويتمناها لكن صج كانت تينن
سافرت عنه وعمره اربع سنوات

والحين بنتي متعلقه بالخدامه وبتسافر شهر 12
بس بنتي بتكون سنتين إن شاء الله تنسى بس اخاف تمرض من الفراق اسم الله عليها

نصحتني وحده قالت سافري معاها وخل هلج يطرشونها قلت لها ماقدر ودوام عيالي قالت عيل قبل بجم يوم طرشيها بيت هلج او اهل زوجج

ومب عارفه شاسوي الله يسوي اللي فيه الخير​

 

[sHa6o0ra]

مره وحده قالتلي ان الياهل مثل الجلب يحب الي يلعبه مو الي يهتم فيه

وصح كلامها ولدي 24 ساعه عندي بس اخليه عند الخدامه ساعه او ساعتين
الصبح وساعتين بليل اتفرغ فيهم حق نفسي وتقعد تلعب معاه وتصفق واهو
منهبل عليها ولما اييي اخذه مايبيني ويا ويهه

بس الياهل بسرعه ينسى انا سافرت عشر ايام يت بتشيله مابغاها مسرع ما نسى


لاتقوليلهم ومردهم بينسون من ثاني يوم كلنا تعلقنا بخدمنا واحنا ياهال والحين
مانذكر الا اساميهم