خدامتي بالفلبين تبيه اطرشلها فلوس ..اشرايكم؟؟

[um katkot]

السلام عليكم و رحمة الله و بركاته
خواتي حبيباتي
انا ابي نصيحتكم و شوركم محتارة
يبت لي خادمة و صار لها عندي سنة بس خادمة معاشها 45 بس تشتغل ب5 دنانير وسخه و كسلانة كله نايمة بس قزرتها معاها لأن زوجي قال ماكو الا هذي و الا قعدي من غير خادمة و كله تحت مع خدم البيت غصب تصعد شقتي تنظف و ما تطبخ المهم قزرتها معاها نافعتني تطلع الزبالات و تنظيف الحمامات بس اي صج و الكوي
عقب سنة قالت لي بروح اسافر عيالي الاثنين بالمستشفى و ابي معاشي مال شهر 7 مبجر قلت لها شلون تروحين و انتي توه صارلج سنة بجت و انهارت و قالت بنتي صارت زينة و طلعت من المستشفى بس ولدي يمكن يموت
انا الصراحة بنات قلبي عورني و حاشني شعور وايد خايس ما احب هالمواقف غصب حنيت على ريلي يقص لها تذكرة و غصب لقينا شهر 7 موسم سفر ماكو و التذاكر نار و حجزت لهخا و عطيتها معاش شهر 7 و 8 مقدم بعد و قلت لها روحي يبه شهر و هذا معاش شهر 8 هديه فكي عوقج و شرينا لها جناط سفر و مصروف ايد خواتي تحاططولها كل وحده 10 طلع معاها 30 دينار
و خذتهم مني و هي لافه الويه مناك و لا شكرا و لا شي
ثاني يوم سافرت راحت المطار مع السايق لا مع السلامة و لا مشكورة مدام الصراحه حرتني بس انا سويت كل هذا لله انشالله الله يرحمني مثل ما رحمتها
و عقب ما راحت باسبوع قاعده تتصل على خدم البيت كل يوم وحده يايتني تقول خدامتج داقة من الفلبين تقول تبي فلوس طرشيلها
يا سلام انا مو بنك شنو شايفتني
و كل يوم على هالحال
قلت لهم ماكو ما عندي و يقولون تبي 100 دينار بله شنو هالبلشه
و يبجون عليها و يطالعوني بنظرة جني مجرمة قلت لهم ما عندي و انا صاجة عارفين مصاريف رمضان و العيد و انا عطيتها و اكتشفت عقب ما راحت انها ماخذه من خدم اخواني على 20 من كل وحده
بنات قايلة حق الخدم ان ولدها مسوي عملية قاصين رئته و عمره 5 سنين انا حسيت بالذنب
بس ريلي يقول شلون يقصون رئته ماكو عملية جذيه قاعده تقص عليج بنات اشرايكم

 

[um katkot]

بنات حتى لو صج انا هم وراي التزامات كانت معاشها كله تطلب منه حق روحها من المطاعم ليش ما خشت لها و الا طرشت حق عيالها ليش تلعب بمعاشها و انا ادفع التزاماتها و لا تقولين هي من زين شغلها ما قصرت معاي انا اصلا ليلحين ما يندرى ترجع و الا لأ
يعني انا الحين دوام و رمضان قاعدة اغسل و انظف و اخم و هي بديرتها و اطرشلها بعد فوق اللي عطيتها 100 دينار و اكيد عقب تبي بعد صح و الا لأ
انا الحين شكو فيها هي ما تشتغل عندي و كل واحد من ديرتهم محتاج انا بطرشله
اووف شنو هالحظ

 

[♥ąϻᴑŁ♥]

شكلها تقص عليج حبيبتي ,,

خليها تولي مالج شغل فيها ولاتردينها ,,

 

[كيوت_25]

اخاف اقولج لا و تطلع صج معتازه و استاثم بس بصراحه احساسي يقول انها تقص عليج و لاقيتج

انا اقول قوليلهم لما ترد اعطيها انا الحين ما عندي

 

[nice-girl]

شكووووووووووووووووو لا دزيلها حتى لو معتازه انتي شكووو بتقولين دفعه بلا اا اقول وايد ناس محتاجينن اكثر منها
وبعديننن تبي افلوس جا قعدت واشتفلت تاخد حبيبتي اهيه شافتج عطيتيها معاس 7 و8 قالت خل اطلب
يبا لاتدفعي ولاشي ولا جان وين بين بعيها حتى ثانكس ومع السلامه ماقالت على قولتج

 

[الشامريه]

اتوقع والظلم شينه



انه الفلوس مو لها ......لا



الخدم الي تسلفت منهم يبونها ترجع فلوسهم فقالت لهم اخذوا من مدام

 

[عاشقه القيصر]

الله اعلم .
بس انتي ماقصرتي معاها جزاج الله خير

 

[ناتشوو]

خل تولي
ولاتردينها
انت ماقصرتي معاها
لاتصيرين مقصة
سوري
بس اكره نوعية الخدم اللي يستغلون اللي قدامهم

 

[دي مدو]

لا تعطينها انتي ما قصرت معاها

 

[um katkot]

يعني ما اطرشلها
الحمدلله انتو معاي لأني حاسه بتانيب الضمير صار لي جم يوم
بس انتو اكدتو اني انا صح
لأني مو مقتنعة الصراحه و بعدين انا مابيها ترجع الصراحه لأني حاسة انها راح ترجع و حاقده علي بس شسوي
خلاص ما كو الا الحقران و على كلامكم خواتي لو هي محتاجة الفلوس جان قعدت و اشتغلت والله انا لو اغيب عن الدوام ينقص من راتبي و لو ما اشتغل عدل و اخربط بالشغل لفت نظر و الا مسئولج يزفج و هذا الصج
هي لو شنو تسوي معاشها مضمون و ما يبون احد يكلمهم
اووف
بنات والله ريحتوني وايد و شوركم و هداية الله

 

[فطووومة]

الله يعينج حبيبتي

انتي ما قصرتي عطيتيها شهر مقدم واهي مو عندج يعني اعتبريهم دفعة بلا عنج وعن عيالج وبيتج

ومادام اهي شغلها مو شي لا ترجعينها وقدمي على وحده من جنسية غير جنسيتها
والله يوفقج

 

[m.a.m154]

حبيبتي اشتبين فيها طلبي لج وحده يديده انا صارلي نفس موقفج بس مع السايق قال لنا بيسافر شهرين ويرد وهالحجي قبل لا يكمل السنتين صارله سنه ونص قلت لزوجي احسن يسافر بالصيف ولا عالمدارس وسافر ويدقدق يسال عنا وطلب فلوس لان امه بتسوي عمليه طلب 60 دينار وطرشنا له وطلب مره ثانيه وهم طرشنا له وقعد يلعب علينا سنه كامله كل يوم ويقول الاسبوع الياي بجي وانتهت تذكرته ودق علينا نجددها له ودفعنا فوقها فلوس 40 دينار نجددها وانتهت وحجزنا له تذكره جديده وحددنا موعد وزوجي رايح المطار وينطر وحالته حاله وما جا وقال صارلي حادث وقعدنا سنه والحبيب يلعب علينا عقبها اخذنا درس والله لو الخدامه والا السايق اسكت وما يتطوفون اذا سافروا قبلها لازم اييب غيرهم واذا بيردون يدزون لي واجيبهم بس ما اوهق نفسي

 

[دلوعة حبيبي]

نصيحه لا تعطينها

خدامة خالي سافرت وقالت رجع بس عطوني معاشات 5شهور مقدم لانه بتدفع عليها ضرايب مادري شنو وخذت الفلوس ولا ردت

والحين يدقون عليها ماترد هذا واهي كانت حليوه