خدامتي الday off

[الراقيه 81]

السلام عليكم


أشلونكم يا أحلى منتدى


مشكلتي يا حبيباتي أن عندي خدامه هنديه من كيرلا وزينه طبخ ونظافه بس انا على وشك ولاده وطلبت فلبينيه للبيبي وخدامتي الهندية تطلع. بالشهر مره لان زوجها موجود بالكويت والحين الفلبينية على وصول اخاف تقول بطلع حالي حال الهندية اشرايكم شالحل ؟؟؟؟؟؟ شقول للهندية لا تطلعين ولا أقول للفلبينيه مالح شغل بالهنديه ؟؟؟؟




محتاره حيييييييل​

 

[{ شيوخهـ ~]

يا تعدلين بينهم وتخلين الفلبينيه هم تطلع مره بالاسبوع او تشرحين للفلبينيه ان الهنديه زوجها بالكويت ولها حق وانتي مالج شغل
والله يسهل عليج ولادتج حبوبه
،

 

[m!ss]

الاحسن انج تخلين الفلبينيه تطلع مره وحده نفس الثانيه جذي اعدل و القرار بالاخير لج حبيتي المهم تعدلين بيناتهم
و الله يسهل ولادتج حبيبتي

 

[Beauty paradise]

خليها تطلع مره بالاسبوع خو مراح ياثر !!! احسن من تحط حرتها بالبيبي الزمن يخرع ترا

 

[Beauty paradise]

اقصد بالشهر

 

[فوفو22]

كل خادمه تعرف بنود العقد

من حيث المعاش والطلعه

بالنسبه لج

وضحي للفلبينيه ان الهنديه تطلع لزوجها

فوفو

 

[أبله أريج]

كل وحدة وعقدهااااااااااااا

 

[أم يزيد &سديم&]

أختي ما حبيت أطلع بدون ما أرد
اللي قالوا عن العدل لا ي حبيبتي الهندية ترووح عند زوجها
والفلبينية تنثبر بالبيت ومو لازم تقولين لها عندها زوجها أو شيء ثاني هي بتدري من نفسها
وعامليهم بما يرضي الله ثم يرضي ضميرك

 

[M!SS.LOBY]

الهندية تطلع مره بالشهر للزوجها
والفلبينيه عطيها يوم بالشهر تطلع فيه عشان يقعدون عندكم ويطولون ضروري يوم واحد إجازة لهم
هم هذول بشر مثلنا لازم يرتاحون ويشمون هواء

 

[قوتشي بنت LV]

انا من رايي تخليين الفلبينيه تطلع مره بالشهر عالااااقل
نصيحه لانه الخدم هالوقت مايتحملوووون
ويدورون اقل زله عشان يردون المكتب
جنه جايبينهم غصب لديرتناااا
وممكن انه بي وقت تقوولج رجعيني المكتب
وتروح بيت ثاني مو فارقه معاهاااا
وانا ماشوف فيها مشكله انه تطلع مره بالشهر
اذا راحت الهنديه يوووم الفلبينيه الاسبوع اللي وراه يووم
عشان حتى لي راحت وحده منهم الثانيه تكون موجوده
وتساااعدج بشغل البيت

 

[granted]

انتي طلعي الفلبينيه يعني خل تختار مكان ووديها له او خل حدىثقه يطلعها

 

[MissAppleQ8]

ممكن تعطينها شي بدال الطلعه
قوليلها ماقدر اخليج تطلعين لان ماعندج زوج واصلاً ماكنا متفقين على هالشي
بس بعطيج كل شهر شي بدال الطلعه مثلاً ٥دنانير زياده / لبس / اي شي مقابل الطلعه

 

[طيشن على جديه]

ممكن تعطينها شي بدال الطلعه
قوليلها ماقدر اخليج تطلعين لان ماعندج زوج واصلاً ماكنا متفقين على هالشي
بس بعطيج كل شهر شي بدال الطلعه مثلاً ٥دنانير زياده / لبس / اي شي مقابل الطلعه

نفسسسس رايهااا ونفس ماقالوا البنات الهنديه لها عذر والفلبينيه عوضيها :eh_s(15):​

 

[جوري الصالح]

حــــــبوبه...
الفلـــــــبينــــــــية عــــــوضيها بشــــــئ
مثــــلا بكرت دولـــــي تتصـــل عــلى اهلــــه

 

[شندوخه]

مع راي مس ابل
بعدين من كلامج الفلبينيه للبيبي يعني اذا طلعتي مع البيبي راح تطلع معاج
قوليلها انا اعوضج بخمسه ولا كرت تلفون وتطلعين معاي
واهيا ماعندها تعويض وماتطلع معاج

 

[الراقيه 81]

الله يجزاكم خييييير والله ريحتوني برأيكم بعد عمري كلكم ماقصرتوا يا أحلى خوات ❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤​

 

[Japanese]

انا مب فاهمه شالمشكله اذا اطلعت

احنا هنديتنا كانت تطلع مره بالاسبوع وتروح الكنيسه " حدها كانت متدينه " عشان لحد يقولي رايحه تصيع لووول

وبالعكس هالسالفه وايد خلتها مقبله ع الشغل اكثر برآيي

اكيد مب الكل جذي بس هاللي صار ويانا احنا

وشغله بعد انتي متآكده انه من بنود العقد انها مايحقلها day off؟ لآن بعد مب من بنود العقد انها ماتشتغل مثلا اكثر من 8 ساعات باليوم

ووايد ناس يخلون خدمهم يشتغلون اكثر من 8 ساعات :/ وهالشي يعارض العقد اللي موقعين عليه وضد حقوق الانسان الا اذا تدفعين لهم

زياده

 

[New_bride]

هو حسب سفارة فلبين شنو قوانينها عندكم

احنا عندنا بقطر حاطين لنا قانون ان عندهم يوم اجازه بالاسبوع اللي هو الجمعه

اما اذا انتو ماعندكم هالقاننون مالها حق تطلب هالشي حتى لو الهنديه تطلع
لان ظروفها مختلفه

المفروض قبل لاتوصل تقولين لها انا مابيج تطلعين وعلى هالاساس تجيبينها

 

[Un!QuE G!RL]

خلي الهنديه تختار يوم بالشهر تطلع فيه وتكون الفلبينية عندج
والفلبينية هم تطلع يوم بالشهر وتكون الهندية عندج يعني اهم شي اثنينهم ما يطلعون بنفس اليوم ويخلونج
بعد اثنينهم روح اشوي يرفهون عن روحهم يرجعون لج نفسيتهم متجدده

 

[مطيريه ووبس]

ان اقووول اعدلي بينهم عشاان ماتصير هوشات....??