خدامتي الفلبينية جننتني

[مجرد اسم عابر]

عندي فلبينيه حقت عيالي مطلعه عيوني
اذا نامت ماتقوم لو ايش لازم انا الي اقومها من النوم حاولت
فيها بكل الطرق جبت لها منبه قالت ماعرف له وعلمتها عليه
خربته
علمتها ع المنبه الي بجوالها بس كل مره تستعبط مره خربان
جوالي مره ع الصامت وكل يوم عذر
المشكله ان وراي دوام وحامل وعندي عيال يروحون للمدارس
ماتقوم معهم لازم اطلع لها بغزفتها واقومها تعبت وملييييت
وثقل الحمل متعبني زود
مع ان عندي وحده ثانيه لشغل البيت كله
والفلبينية مخليتها لعيالي بس ماكو فايده فيها
لها سنه ولا راضيه تتعدل
تخيلوا أقوم من النوم أقوم عيالي للمدارس وهي ولا جابت خبر
لا وتروح للحمام وأنتم بكرامه وترد تنام !!!!
وفي الاجازات أقوم من النوم ع الساعه 11 وهي ماقامت حتى
عيالي اذا قامو من النوم بدري الساعه 9 الصبح تحاول تنيمهم مره ثانيه
ولا تجيب مخده وتنسدح عندهم
وإذا سالتها وقلت لها إنتي ليش ماتقومين بدري وتنظفين غرف العيال تقول ليش اقوم
ومافيه شغل كثير !!
بتقولون وش مصبرك عليها
الي مصبرني انها زينه مع عيالي ماتصارخ عليهم
وعندي طفل احتياجات خاصه تصبر عليه
ولا هي ماكله قلبي بكسلها وربادتها
وش رأيكم أنتم ؟

 

[قهوه وشاهي]

موكسل ولارباده سهر لتالي الليل تلفونات هذا حالهم يبي لهم وحده شديده صارمه
بدون اهانه تسنعها

 

[مجرد اسم عابر]

لا ماتسهر ولا تكلم بالجوال غرفتها قريبه من غرفتي
بس تحب النوووووم

 

[قهوه وشاهي]

غريييييييبه هذي رديها لاتعتمدين عليها انتي على وشك يكون عندج بيبي صغير

ماظن هالانسانه كفو تحرص على عيالج تخوووف

 

[Ranoon]

يمه مصيبة !!! قولي ما يصير ما تقومين أنقص معاشج
سنه على هالحال معقولة !!!

 

[MRS.coupe]

واللله خدم هالوقت يتهددون بالمعاش
قوليلها كل ما تتاخرين كل ما ينقص من معاشج

 

[!! شعر بنات !!]

طوفي وين تحصلين خدامه زينه مع اليهال ما يتحملون

عادي ختنام انا مااحب اجابل الخدامه طول الوقت

 

[القرآن ربيع قلبي]

كل شي عشان العيال يهون وكل يوم قعديها شتسوين انا وحده سوت فيني جذي وتحملت عشان زينه مع العيال فقط لاغير لا بعد ادللها وادلعها تحمليها انتي ام ويالا تعابلين وراهم عيالج ترى ا الخدم مايتحملون الأطفال يخرعون الله يطمن بالج ويعافي وليدج

 

[كشمشة]

اهم شي سلامة الاولاد الله يحفظهم
تحمليها ما تضمنين تجيبين وحدة وما يطلع في الف عيب
وما في خادمة ما فيها عيب
بس الاهم حبها للاولاد
امسكي فيها

 

[معزوفة عشق&]

فهميها بالتي هيا احسن وانك صبرتي عليها كثير وهدديها بانك راح تخصمي من راتبها

 

[ام بهاء الدين]

سلام علييكم شوفي خبريها انو اذا استمرت هكذا سوف تستغنين عنها للابد بكلام جدي وان شاء الله خير

 

[zain-alq8]

رديها باجر وانتي موموجوده تنام وتخلي عيالج دير بالج