خدامتى نتسافر وانا ......

[طير الحب]

هلو

بتسافر الجمعه وانا اداوم وعندى عيال كلهم بالمدرسه ... وخايفه وقلبلا يعورنى من شغل البيت لما افكر فيه من تنظيف ودوام وطباخ ....

طبعا كنت طالبه وحده بس قالولى مو يايه الحين شسوى اشلون انظم وقتى من غير خدامه... وعيالى صغار بالابتدائى

 

[omneyaty]

الله يعينج

اهم مشكله بتواجهج الغداء لعيالج اذا ردوا من المدرسه اذا حليتيها


كل شىء عقبها سهل

 

[al7reyaa]

نصيحه انا مريت بهالتجربه من قبل
1- سوي مرق باميه وجيسيه وحطيه بالفريزر
2- سوي مرق شبزي وهم حطيه بالفريزر
3- سوي صينيه بالفرن وحطيها بالثلاجه من الليل واذا ييتي من الدوام وانتي بهدومج وجنطتج على جدفج حطيها بالفرن على ما تبدلون وتغسلون
4-السلطه خليها موديل شرايح طوال علشان الفكه
......................
........................................
الغساله اترسها ماي من الليل واذا ييت من الدوام وحطيت الغدا اخليها تفتر على ما انتغدى اقوم اسنع الهدوم واشرهم
ممكن تخلينها المغرب
..................................
.....................................
روحي نامي الظهر ظروري ولا نهايتج بالمركزي ذابحه ريلج واعيالج
.......................
............................
ريلج تلزمينه يشيل اللي عقبه هدوم ولا صينية العشا
...............
..........................
اعيالج لعبيهم للالللاللللاااه خل يلقطون اللي يقطونه على الاقل يحطون الالعاب بصندوق الالعاب والهدوم بالسله
.............................
.............................
حطي لج ديتول وممسحه بكل حمام يسهل عليج تنظيفه بسهوووله وريحته زينه
واسفنجه حق المغسله

 

[خبيرة اعشاب]

انا مريت بالتجربه

خذيت يمكن 3 شهور بدون خدامه ...و طبعا اول ايام كرهت نفسي و قمت اعصب على اقل شي و اطق عيالي

بس بعدين تعودت و تاقلمت مع الموقف

اول شي اقص بصل و ثوم و احطهم بعلب في الثلاجه
بالليل اجهز اغراضي حق الغذا باجر ..يعني اغسل خضره ورقيه اقص خضار اذا نبي نسوي مرق
الدجاج اذا بسويه فيليه او محموس اقصه بالليل و اتبله و اخليه بالثلاجه

الصبح اسوي الريوق ..و انظف البيت
بعدين اطلع الاغراض من الفريزر و اسوي الغذا ..
اول ما نتغذى اشيل المواعين و احطهم بالمطبخ و احاول اغسل الصحون و الجدور انقعهم ياما اتفرغ لهم بعدين

اهم شي اذا تب تطبخين غسلي اول باول لا تخلين الاغراض تتجمع عندج

علمي عيالج ينظفون غرفهم و يسفطون فراشهم

اكيد بما ان عيالج كبار رح يساعدونج

الملابس اتغسلينهم بالليل طبعا ..بجايم عيالج لا تكوينهم اكوي بس الشغلات الاساسيه نفس البدلات و ملابس المدرسه و الشغلات هاذي

و ان شاء الله بس يوم او يومين و انتي رح ترتبين نفسج و تتعودين على عدم وجود الخدامه

 

[al7reyaa]

اتصلي على هذا عنده خدم 9205976 اسمه بستان

 

[keeka]

اهم شي الغدا وبعدها كل شي يهون مثل ماقالولج البنات سوي شغلج من الليل لان الواحد يرد من الدوام مهدود حيله وماله خلق شي .. ليش ما تفكريين تييج وحده نص نهار اذا كلش ما حصلتي احد اييج وانتي موجوده مثلا العصاري وتساعدج على الاقل غسيل تكرميين الحمامات المساح الخمام والطباخ يكون عليج مثلا تييج 3 ايام بالاسبوعز

 

[ضحكة الدنيا]

الله يكون بعونج اول الايام بتكون صعبه بس بعدين تتعودين كان المفروض ماتسفرينها الا لما تجى الجديده
المهم صار اللى صار
شوفى المكاتب وجيبى وحده مؤقته ليما تجى الجديده
اتمنى انى فدتج وقلبى معاج​

 

[طير الحب]

مشكورين على النصايح والله يعينى

ونشكر تعونكم معنا ومن امس بدا الكفاح