خدامة ماتبي تشتغل ! شسوي

[Ranoon]

السلام عليكم

ابي اعرف ان كان للمواطن كويتي
حق مع هالمكاتب وخادمات


الحين اللي قعدت كم شهر وتقول ودوني مكتب إذا
ماعجبكم طريقة طبخها او أسلوبها او الخ
عندنا خدامة تبي تطلع تشوف الخدم
اللي يمسكون بيبيات يطلعون سواء بيت أهل
او حدائق الخ
وهي خدامة بيت مافي اطفال
مغير طبخ غسيل تنظيف
سجلناها وبعد فترة ودها تطلع
ومرات تقول مريضة وتكذب تبي تطلع !!!




هذي إذا وديتها مكتب اخذ بدالها وأجرب
او شنو تضيع فلوسي اللي دفعت لها
سواء 700 او 800 !!!




ما عرفنا للخدم مافي بيبي
وشغل خفيف ولا في عزايم وتعب
وما تبي مغير تقول موعاجبكم شغلي
ودوني مكتب !!!!

 

[نـوت الحلا]

وديها وافتكي من شرها قطع مدري شيبون والله باجر تبلشج وديها وربي يرزقج بلي احسن منها

 

[Ranoon]

اففف يعني اوديها مكتب وتضيع فلوسي !!!


حسبي الله ونعم الوكيل
متى يعدلون حق كويتي
على حساب هالغشاشين مكاتب
وغيره من نصب !!!

 

[عطاء أنثى]

لا وديعا المكتب يبيعها ويعطيكم فلوسكم بس اقل يعني يبيعها ٨٠٠ يعطيك بس٦٠٠

 

[حمرة الورد]

وديها يعطونج فلوسج اذا على كفاله المكتب او عرضيها اهني بالمنتدى بس انا اقول اظمن شي المكتب

 

[هيبة ملك]

مامنها. فايده. راح تاذيج

خل. يبيعها المكتب. لج

 

[شندوخه]

ابشرج فلوسج ضاعت عليج
المكاتب يتفقون مع الخدم بعد٣ شهور قولوا بندجع للمكتب تكون كفاله المكتب خالصه
وللاسف ماكو قانون يحمينا من نصبهم

وديها عالاقل بيعيها واخذي الفلوس وزيديها واطلبيلج وحده قبل لاتنحاش وتفلسين منها

وعسي الله يعوض عليج

 

[رشا الهواء]

وديها
معوضه خير لا تضركم بشئ

 

[نجمة الصحراء]

الله يسخرها لج ويعوضج باحسن منها
والله حاسة فيج قسما بالله ريلي كره هالموضوع ويحلف كل مرة ماراح اجيب خدامة

وديها المكتب لانها تحسبج ماتقدرين تستغنين عنها خدامتي كانت تقول لي شتسوين من غيري هههههههههههههههههه

 

[أروى مطر]

انا مستعدة اشتغل عندكم ،،، بس انا من غزة فلسطين

لو عملتوا ليا فيزا وطلعوني ع حسابكم اجيكم /// اخدمكم بما يرضي الله ورسوله


او تبعتولي فلوس واعمل اجراءات السفر واتواصل معكم واجيكم


حياكم الله

نحنا ف فلسطين وضعي سيئ للغاية ابحث عن عمل لو كان ف امريكا بس بدي اشتغل واعييش ،،،

 

[أروى مطر]

انا مستعدة اشتغل عندكم ،،، بس انا من غزة فلسطين

لو عملتوا ليا فيزا وطلعوني ع حسابكم اجيكم /// اخدمكم بما يرضي الله ورسوله


او تبعتولي فلوس واعمل اجراءات السفر واتواصل معكم واجيكم


حياكم الله

نحنا ف فلسطين وضعي سيئ للغاية ابحث عن عمل لو كان ف امريكا بس بدي اشتغل واعييش ،،،