خبيرات ورق العنب ارجو المساعده

[< قمر >]

قوه بنات ما عليكم امر انا اعرف اسوي ورق العنب بس اللي اسويه احسه حق عشيات يعني احسه دسم
اناابي اعرف طريقة ورقع العنب التقديم نفس شربات اللي ناشف وناطع حامض حلو خفيف

ما ادري فهمتو قصدي اولا

يعني ابي اعرف خلطة العيش شنو

واذا صفيته بالجدر شنو الخلطه اللي احطها عليه

ياليت بالتفصيل الممل

وتسلمون انشالله:eh_s(7):*

 

[ميس المشاعر]

أب أب ان شاء الله البنات يفيدونج
اتوقع تحطين زيت وماجي وليمون وملح وماي وشوية شكر بس وتخلنيه يطبخ
وخلطة العيش نفس اي نوع او اي خلطة انتي تحبينهااااااااااا

 

[< قمر >]

مشكوره حبيبتي عالرد

وينكم بنات

 

[Uou0Uo]

حبيبتي احمس بصل واقطع طماط صغار وشبت وكزبرة وبهاراتك ومجون طماط لمن يكون احمر ) ع الرغبة ولفي الورق حطي بقدر مرقة لحم
مطبوخ من قبل وزايدة مويتة هالموية استخدميها لورق العنب خلي الموية بالقدر وسط وحطي خل وازني الطعم لمن يكون الطعم اللي تبين ولمن يستوي تقدرين تحطين ليمون وزيت زيتون وبعضهم يحط دبس الرمان وكمان بعضهم يحط ليمون اسود ذرة بس مطحون وبالعافية

 

[عذوب الغلااا]

http://www.q8yat.com/t404564.html
مدري شوفي هالرابط من المنتدى يمكن هاذا الي تقصدينه انتي مو فقه يارب

 

[جارة القمر]

مشكووووريييييييييييييييييين



وهذا ملف كامل عن الورق عنب


http://www.q8yat.com/t642738.html

 

[أحلى همبه كويتية]

شكرا حبيباتي
ما قصرتوا كفيتوا ووفيتوا

 

[أم عزيـز]

السر في الصلصة وان تخلينه ساعتين على نار هاديه وبعدين تصفينه في صينية تقديم وتحطينه بالثلاجه لين يبرد
وراح يصير ورق عنب تقديم

راح اعطيج مقادير الصلصة اللي استخدمها :

2 كوب ماي حار مذوب فيه 4 مكعبات ماجي
نص قلاص زيت زيتون
ثلاث ارباع قلاص ليمون
ربع قلاص صبار

خلطيهم كلهم مع بعض وتالي صبيهم على ورق العنب وخليهم على نار وسط 10 دقايق
وبعدين قصري النار وحطي حديده تحت الجدر وخليه ساعتين الا ربع

 

[اوبالز]

طريقتي بسيطه ومضمونه وحلوه للتقديم وخفيفه تحطين خمس طماطم وثلاث بصل وقليل من الكسبره والبقدونس وشويه اوراق نعناع وربع كوب زيت زيتون وتحطيهم في الخلاط بتكون الخلطه سائله وهدي الخلطه هي الي تعطي نكهه للورق وبعدين تخلطيهم بالرز وتضيفي فلفل اسودوبهارات وملح ولما تطبخي الورق ضعي القاعده في الجدر شرائح بطاطا وصفي الورق عليها بعد كدا الماء الايتبقى من الحشوه اسكبيه على الورق وضيفي الليمون والماء حسب الحاجه واخر نصف ساعه تضيفي زيت الزيتون حتى لا يصير الورق اسود انا هدي الطريق اسويها من سنين وهي سر خلطتي والكل مبهور بالورق ويسالني عن السر مع اني اعطيهم الخلطه بس دايمايقولون انا خلطتي سريه يمكن تخليه يطبخ على نار هاديه من ساعتين لثلاث

 

[اوبالز]

ونسيت اقول فوق الرز خمس ليمونات يعني الليمون بيكون داخل الحشوه

 

[< قمر >]

يعطيكم العافيه انشالله

ما قصرتو

 

[جارة القمر]

في ورق عنب


حامض حلو يسونه بعصير المانجا



وايد يمدحونه في احد مجربه

 

[رنيم الروح]

حبيبتي انا اذا حطيته على النار احط اشوي معجون طماطم ودبس رمان مذوب في مويه وشوي مكعب ماجي يطلع ناشف وحامض واحيانا ماحط معجون طماطم