انا رحت العام نص شهر 7 عن طريق القطريه
سير الرحله:
الساعه 10:30 طرنا لي قطر، مده الرحله ساعه ونص
قعدنا ساعه و نص بمطار قطر
بعدين 8 ساعات لي هونج كونج
الطياره مريحه و انا نمت طول الثمن ساعات
السكن: سكنا بقندق ماركو بولو
)marko polo(
بس اكو اثنين ماركو بولو بنفس الشارع ، اللي سكنت فيه عنوانه
3 canton road, harbor city
Kowloon, tst
اسم الغرفه
Harbor view room
كبيره وايد، الدرايش على كبر الدار و تلفزيون واحد
كبتات جبالهم مغسلتين
الحمام تكرمين مرحاض و بانيو
اكو غرفه صغيره يم الباب تحطين فيها الجناط و فيها الغلايه و الشاي و الماي و الثلاجه و الاوتي
اقامتنا كانت لمده 7 ايام كلفنا 355 دينار يعني 50 دينار بالليله تقريبا
الفندق بنص الداون تاون و يمنا كله محلات و مطاعم
وايد حلو حق التمشي
بالنسبه حق الاماكن اللي تروحولها
تقدرين تسألين الرسبشن عن الرحلات السياحيه لان الفنادق هناك تنظم رحلات للسياح
اذكر مره رحنا سوقهم الشعبي و معابدهم الوثنيه و سوق الخظرا و هالسوالف
و مره رحنا ديزني لاند هذي ضروري طبعا و الحلو فيها ان ما تنطرين وايد بالطابور و بالليل اكو عروض و جراغيات
و مره رحنا اوشن بارك وايد حلوه و فيها تلفريك
و عندهم مول يم فندق سوفيتيل اينن اينن
و بالنسبه حق وسيله التنقل للرحلات اهيا باصات نظيفه مكيفه و كبيره و الاهم مريحه
الديره رخيصه و ما تكلف وايد
الاكل اكو وايد مطاعم هنديه و ايطاليه و تركيه انتو سألو و اهما يدلونكم
