خبيرات ماليزيا واللي يسافرون ومعاهم اطفال بليز محتاجه مساعدتكم

[مزاج]

السلام عليكم ورحمه الله

بنات ياحلوين ياكويتيات ياخبيرات يامحترمات<<ترفعلكم للمصلحه:ceaf32e183:

انشالله بروح ماليزيا بعطله الربيع وبحجز هالايام بس محتاره اخذ بنتي والا لا انا مااصبر عنها كلش عمرها 4سنوات بس مشكلتها يوم رحنا دبي اول مره اخذها بكت علينا وقالت رجعوني بيتنا بس هالمره بطول وقلبي ياكلني عليها وادري لسافرت ببكي ومراح استانس اذا هي مو معاي وجست نبضها وقالت ابروح

السؤال تنصحوني اخذها والا لا وشنو الاحتياطات اللي لازم اخذها اذا هي معاي ؟؟
وماليزيا تصلح لليهال والا ماتصلح؟؟

والحين بسال ماليزيا ياخبيرات شنو جوها بعطله الربيع تقريبا انا بروح 27/1

وابي الله يعافيكم احسن الفنادق والجزر وجنتنج تنصحوني انام فيها والا يوم كامل بس

وابي الاسواق كلها رخيصه وغاليه

انا حطيت موضوع واحد احسن من الفراره بكل مواضيع:nocommint:

ولاتحطولي رابط موضوع وربي عيوني صارت حول من كثر ما اطالع وتوصل لالف ولااستفيد شي

بليز افيدوني باسرع وقت ولكم مني الدعوه السنعه اللي توفقكم بدنيا والاخر يارب:eh_s(22):

 

[يازمان العجايب]

رد : خبيرات ماليزيا واللي يسافرون ومعاهم اطفال بليز محتاجه مساعدتكم

يسعدني اكون اول وحده ترد وانشاءالله افيدج
بنتج اسم الله عليها كبيره زينه للسفر انصحج تاخذينها راح تستانس وترتاحين
الجو حلو هالفتره بس اخذي جاكيت لان جنتج بارده وترينق سوت لبنتج وانتي بعد اخذيلج شاله اوجاكيت
انا استانس بجنتنج يبيلها ليله لن الجو موثابت فجاة برد مطر صارت فينا مرتين توهقنا مطرت ومالعبنا
لاتنسين تاخذين معاج اكل خفيف لان مايعجبني الاكل انا صعبه بالاكل

 

["*آآآنؤؤؤقهـ*"]

رد : خبيرات ماليزيا واللي يسافرون ومعاهم اطفال بليز محتاجه مساعدتكم

اخذيهاا بس الله يعينج راح تتعب معاج وتعبج ..

ماليزيا يبيلهااا مشي ومغامرات وروحات وجيااات .... يعني بالله تبين تستانسين انتي وزوجج بشغله وين تحطين بنتج لازم معاااج خدامتهاااا او مرراافق كبير شوي يساعدج عليهاااااااااااااا ..


وماليزيا تهبل اختيارج موفق اسأليني عنهااا

 

[طاسه حنا]

والله انا ما عمرى رحت لماليزيا بس ما بغييت اطلع بدون ما ارد ,, وهذا اب لعيونج الحلوه

 

[مزاج]

شوكرن خواتي اللي دخلوا وافادوني فديت قلبكم..

اب اب محتاجه اكثر

 

[برواز]

والله ان ما اخذتيها معاك لتندمين

اصلا ماليزيا حلاتها للاطفال

ملاهيو حدائق حيوان و فراش و طيورو غيرها

و مسابح

رائعه للاطفال , مرت اخويسافرت عروس ما انبسطت تقول تنفع لليمعهم اطفال

و انا سافرت مرتين بعيالي خياااااال كان اصغرهم سنتين تعبنيلكن استانس مره

و قبله كان اخوه اربع سنين لليوم مو ناسي و مستانس متصور مع الفيل و هو شايله

لكن اهم شيءخذيلها عربيه تريحينها من المشيفي المولات خاصة كوالامبور

رحله سعيده

 

[كويتيه كيوووت*]

اصلن ماليزيا ديره تونس للاطفال .. وين مارحتي اللعاب وعروض اطفال
وصدقيني راح تونسكم انا عن نفسي مااحب اروح من غير بنتي الا اذا بروح يومين ثالث من باب التغير مااخذها معاي
وماليزيا جوها معتدل صيف وشتاء وجنتنج حدها يوم كامل بس انا عن نفسي اذا رحت لها مره ثانيه بنام فيها ليله فينا فقر برد وغيوم ومطر
وشوي بارده بس البراد الحلو مو بردنا يدش بالعظم الحمدالله يارب علي كل حال ..
وانصحج بفندق ماريووووت قعدي فيه فضيع وفيه موال كله مالركات وقباله مجمع راااااقي وعلي يمينه شارع العرب حق التمشي بليل
واهم شئ عربااانه حق بنتج اكيد بتتعب من المشي

 

[قناديل الخير]

انا سافرت ماليزيا ومعاي عيالي با العكس استانسوا فيها واذا قلبج ما يطاوعج تخلينها مثل حالتي أقولج ما راح تستانسين الا اذا اهيا معاج وبعدين بنتك اسم الله عليها موصغيره تفهم وان شاء الله ما راح تأذيج بنسبه للجزر رحنا بيننق 3 أيام حلوه وجنتنق تقدرين تروحين الصبح وتردين بس افضل لو تباتين ليلة مو أكثر ومافي أحسن من الفندق الملون في جنتنق وأخذي ملابس ثقيله لانه براد ورحله موفقه تروحون وتردون با السلامة

 

[أم سيف وسلطان]

خيها وياج احسن

ماليزيا اصلا لليهال وناسه

 

[مزاج]

يامال العافيه يااللي دخلوا

بنات ابي اعرف ماليزيا شنو جوها بالربيع يعني اخذ شتوي والا صيفي؟؟

صج سمعت يقولون اكلوا بصل والا شربوا مره عشان تغير الجو مايحوشكم

 

[قناديل الخير]

ماليزيا أعتقد جوها طول السنه ما يتغير معتدل ورطوبه ومطر بس جنتنق تعتبر باردة ولازم تاخذين مره معاج ضروري اذا سبحان الله حاشكم عوار في البطن أو لوعة زينة عن كل شي وأدويه لبنتج مثل خافض للحراره أو بروفين حق الاطفال الي فيه رسمة قطوه هذا حلو بعد

 

[مزاج]

اب اب

 

[مزاج]

رفع

 

[fofo28]

للرفع

 

[اللهم الجنة]

انا سافرت لها بعطلة الربيع الجوو حار ورطب طلعنا من الكويت ميتين برد ولما وصلنا هناك ذبحنا الحر

 

[عصفورة كويتيات]

موفقةةةة