خبيرات ماليزيا كوم هير بلييييز

[{ انعم دفشة ~]

شلووونكم يا حلوااااااااات

ناويه باذن الله اسوي هديه لزوجي في عيد زواجنا الاول عباره عن رحله الى ماليزيا لمدة 14 يوم

بتصادف شهر3 ميلادي

وبما اني عطاليه ما اشتغل قلت بجمع من مصروفي للهديه وما لقيت غير خواتي كويتيات يساعدوني فالتخطيط

لذلك ابي منكم:

- الجو شلون بيكون في شهر 3 حلوو ولا بيكون برد؟؟
- الرحله عادي تكون عالدرجة السياحيه ولا بيكون تعب ولازم اولى؟؟
- توزيع للايام بالنسبه للمدن؟
- الفنادق اللي ممكن نسكن فيها؟
- المصروف اليومي التقريبي (الهدف الرئيسي سياحه واستجمام مو شوبنق وسوقه)


اذا فيه اقتراحات لدول ثانيه رخيصه وحلووه اكيد بكون شاكره لكم...

وبانتظااااااركم
​

 

[غزلان الشماليه]

رد : خبيرات ماليزيا كوم هير بلييييز

وي نفس فكرتي انتي لوووووول بس انا عكسج بكون متخرجه وبتكون هدية تخرجي وزوجي قالي بوديج بس جمعي معلومات عنها عشان اعرف ميزانيتنا عدل وماني عارفه وين اروح وشنو الجو هناك والتذاكر وقتها بتكون على جم تقريبا

 

[{ انعم دفشة ~]

مبروك التخرج مقدما وتستاهلين السفره

وان شاء الله يردون علينا..

انا لقيت كذا دوله بعد اسعارهم حلوه مثل تركيا مدة 10 ايام اتكلف بحدود ال700 مصروف

وفيه دول اوربيه حلوه ورخيصه بس المشكله معروووف عنها هالشي.. يعني لو بقول رايحه هالديره بيقولون هاااا حق الرخص؟

وانا ماحب جذي.. يله بنات ساعدوني

 

[عمشه المنتفشه]

اول شي مبروك وعسى الله يوفقكم

بعدين المنتدى متروووس معلومات عن ماليزيا

بعدين بالنسبه للجو اتوقع نفس الشي جوهم رطوبه ومطر طول السنه بس ترا مو الرطوبه اللي تتخيلينها لا عادي وانا رحت العام وهالسنه وعندي هالسنه ارحم


الرحله صج طويله بس عادي السياحيه يعني اذا فلوسج على قدج خشيهم للشوبنغ والوناسه وانشالله ماكو تعب


شوفي هالجدول واعتقد اغلب البنات يوافقوني الراي

اول يوكمين بسيلانجور عندج فندق سن واي بيراميد 4 ستار واللي لازق فيه سن واي لاغون 5 ستار انا قعدت بالبيراميد يهبل جنه 5 ستار

بس اول مره الغفه تهبل تطل على المدينة المائيه الفيو روعه ماودج تطلعين من الفندق بس المره الثانيه كانت الدريشه تطل على الغرف الداخليه وعلى المطعم جان ندق عليهم وزفيناهم جان يودونا غرفه تطل على البمد\ينه المائيه

طبعا سيلانجور تروحيلها اول ماتطلعين من المطار تروحيلها



بعدين عندج لنكاوي جزيره هاااديه ورومانسيه بس عيبها رطوبع اكثر وماكو مجمعات تسوى ومايصير 8 بالليل الا كلشي مسكر وانتي بالفندق

وبعد اغلبها حشرات بس كرحلات حلللوه اذا الله كتب ورحتي روحي رحلة المانغروف تهبل

اول روحه رحتلها بس ثاني مره مارحت قعدت بفندق هوليداي فيلا ما انصحج فيه

بس لنكاوي كافي عليها يومين

عندج بيننغ انا وااااايد احبها لويه وخبه وماكو نوم نفس لنكاوي وفيها شوبنغ ورحلات تهبل بعد

يبيلج فيها 3 او 4 ايام

بالمرتين قعدت بهوليداي ان مره التور ومره اللي يطل عالبحر هم جبال بعض بس اللي عالبحر رررررروعه وجباله كل النشاطات

البحريه


وفي بعد فندق القولدن ساندس يمحونه وااااايد بس ماجربته

واخر شي كوالالمبور قعدي فيها الايام الباجيه عموما كوالا يبيلها من 4 لي 7 ايام كافي

احسن الفنادق ماريوت والملينيوم ووستن واذا تبين ارخص النوفوتيل قعدت فيه نظيف ويهبل مع انه 4 ستار وهالسنه قعدت بكروان بلازا 5 ستار ماعجبني


وجنتنغ تروحيلها من الصبح لليل لاتنامين فيها ماتسوى

وسلامتج اذا تبين شي امري

 

[@الليدي لين@]

- الجو شلون بيكون في شهر 3 حلوو ولا بيكون برد؟؟

جوها دايما نفس الشي لانها دوله استوائيه .. رطوبه
- الرحله عادي تكون عالدرجة السياحيه ولا بيكون تعب ولازم اولى؟؟

عادي سياحيه بس الافضل انها تكون دايركت لانه الترانزي اهو اللي يتعب


- توزيع للايام بالنسبه للمدن؟

اول يوم راح تكونون تعابه شوي من الطياره فحجزي بفندق قريب شوي عالمطار وحلو احنا جذي سوينا وقعدنا بفندق قولدن هورس

وثاني يوم طيران داخلي روحي جزيره لنكاوي وتقدرين تحجزين التذكره من النت موقعهم airasiaاعتقد جذي السبلنق خخخ
وحلو فندق ويستن اهناك الجزيره وايد حلوه ورومانسيه واذا ميزانيتج عاديه اخذي فندق لانكاوي لاجون حلوو وارخص من ويستن
قعدي تقريبا 4 ليال بلنكاوي وبعدين ردي العاصمه قعدي اربع ايام مثلا اهناك دوري فيهم رحلات ووناسه وبعدين روحي اخر يومين صن واي لاجون حجزي الفندق اهناك ,,,, وتقدرين بعد اتضيفين جزيره ثانيه بيننق بس انا مارحتلها عشان جذي ماادري عنها وشنو فيها


- المصروف اليومي التقريبي (الهدف الرئيسي سياحه واستجمام مو شوبنق وسوقه)

اذا انتي دافعه الفندق والتذاكر وكلش شي يبيلج حق اهناك اقل من 1000

 

[ريان4]

انصحج ان تروحين لببنغ روعه وناسه
احلى من لنجاوي
لنجاوي يومين يكفي

 

[الجــادل]

رد : خبيرات ماليزيا كوم هير بلييييز

- الجو شلون بيكون في شهر 3 حلوو ولا بيكون برد؟؟

ماليزيا دوله استوائيه مناخها طول السنه رطوبه ومطر يعني ما يمر عليها فصول اربعه

- الرحله عادي تكون عالدرجة السياحيه ولا بيكون تعب ولازم اولى؟؟

انا انصحج بالجي كلاس لان الطيران طويل

- توزيع للايام بالنسبه للمدن؟

اول ما توصلين خلج بالجولدن هورس 3 ايام هادي وشرح وقريب يم المطار يعني حق استجمام ومنه تقدرين تمشين وتروحين للماينز بالقارب وهم قريب من صن واي لاجون بعدها روحي بيننج او لانكاوي انا ما رحت لانكاوي لان حنا عايله ولانكاوي قالو حق معاريس رحنا بدالها بيننغ وانصحج بهوليدي ان او شانجريلا قعدي فيها 4 ايام و بالنسبه لكوالالمبور سكني بالماريوت او الريتز و كوالمبور قعدي فيها 5 ايام وروحي حق جنتنغ يومين

- المصروف اليومي التقريبي (الهدف الرئيسي سياحه واستجمام مو شوبنق وسوقه)

والله على حسب يعني كل واحد وصرفه بس عموما ماليزيا رخييصه

 

[رهام الكويت]

انصحج في بيننج 4 أيام وامشو على جدول رحلات ( خاصة رحلة صيد والشوي في الجزيرة )
(( بالنسبة لنكاوي حلوة بس مثل بيننغ : يعني اذا مزانتيتج شوي تنازلي عنها هادئة ومقا ربة بيننغ الشي الوحيد اللي يختلف السكن والهدوء)

كوالالمبور تكفي لكم8أيام

أكثر اماكنها أسواق أماكن كوالالمبور هي :

البرجين و الاكوا ريا ومنارة كوالالمبور (للعلم اماكنهم قريبة من بعض )
يوم تمشوا في الماينز لاند ( القا رب )
يوم افاموزا يوم ممتع وأنصح فيه
يوم صن واي لاغون
يوم جنتنغ
يوم الحدائق

 

[sweetkoko]

البنات ماقصروا بس للتأكيد بعد
- الجو شلون بيكون في شهر 3 حلوو ولا بيكون برد؟؟
الجو مايتغير استوائي بس التغير بدرجة الرطوبه ومعدل سقوط الامطار

- الرحله عادي تكون عالدرجة السياحيه ولا بيكون تعب ولازم اولى؟؟
المده دايركت 7:30 ساعات ماتسوى درجه اولي الا لو ميزانيتج زايده

- توزيع للايام بالنسبه للمدن؟
14 يوم وايد يعني انت والي تفضلينه
3 ايام صن واي لاجون"مدينه مائيه وفندق ومجمع والمنطقه نفسها بكوالا وماتبعد الا نص ساعه عن المطار بس منتجع ممتع ومعلم حلو وتقدرين تمرين على القولدن والماينز

4 جزيرة بيننغ فندق شنغريلا ساندس راقي واايد وكل شي تحتج

3 جزيرة صباح هاديه والجزر الي فيها خيال وتستاهل العنوه وجوها احلا من بيننغ اذا مالكم بالبحر اكتفي بوحده

5 كوالا بفندق ماريوت فيها رحلات وايد منها جنتنغ فوق الجبل براد وبس العاب وفناذق ممكن تباتون فيها
افاموزا مدينه كامله مشوار 1:30 تقريبا وفيها فلل بمسبح خاص وفندق
بتر فلاي والاكواريوم وايد رحلات
وتحتج المجمعات والمطاعم بكوالا

- الفنادق اللي ممكن نسكن فيها؟
الفنادق الي ذكرتها 5 ستار واسعارها جيده

- المصروف اليومي التقريبي
ماليزيا مريحه بالصرف والرحلات والاكل والتكاسي والمنورول والتسوق اسعارهم رخيصه انت وصرفج بس اتوقع من 700 : 1000 مصروف 14 يوم
*شهر 2 تبلش عروض السفريات والاسعار الي شهر 5 مناسبه

* انا ارشح لج هونغ كونغ وااايد راقيه وجوها روعه ضبات وغيم وبراد حلو
ومنها تروحين شنغهاي بالصين بالقطار الطريج روعه او برحله بالطياره بس عيب شرق اسيا الاكل وخصوصا هونغ كونغ ليش بوذ

 

[الغرنوقه]

رد : خبيرات ماليزيا كوم هير بلييييز

موفقه وعسى ربي يحقق مرادج

 

[زوجه متقاعد]

موفقه حبيبتي
والله يسهل لنا ولك
ماليزيابالمره حلووووه وخصوصا بشهر 3 مافيها زحمه ولويه