خبيرات ماليزيا ساعدووني

[رزنامة حلوة]

السلام عليكم بنات وخبيرات ماليزيا ..

تم وبحمدالله الحجز من الحين حق العيد التذاكر والفندق لي ولعائلتي أدري مبجريين وايد لكن الأسعار ما تطوف ..

الحين أبي مساعدتكم .. ومشورتكم أنا طبعا بروح مع زوجي وعيالي وبغيت أعرف طريقة التنقل هناك شلون ؟؟ هل تنصحون بسائق أتعامل معاه فترة إقامتي ؟ ولا أخليها تكاسي عاديه ؟؟؟
بس انا سمعت إنه هناك تكاسيهم صغيره وما توسع للكل ف شنو أسوي ؟!؟! ياليت لو تشورون على بنات ..

وسؤال ثاااني ... حق 10 أيام جم يبيلي مصرووف ؟

وفي لإنتظار ردودكم الكريمه

 

[Dubai-Girl85]

توني من أسبوع راده من هناك....
بخصوص المواصلات في كوالالمبور... يعتمد عالاماكن والوقت من اليوم وقدرتكم عالمشي
في أماكن أنا وزوجي كنا نروحلها بالمترو أو القطار مالهم... بس لاحظنا عالعصر لين أو المغرب المترو مالهم يكون
متروووووووووس حده....
التكاسي وايد يتلاعبون بالاسعار... وفي منهم يطلبون مبالغ كبيرة... انا كنت استخدم برنامج الجي بي اس عالموبايل
عشان أعرف بعد الاماكن عشان ما يقصون علينا في السعر... أو نروح للاماكن مشي... لأنه مرات تسألين التكاسي عن مكان
ويقولولج لا بعيد ومابتقدرين توصليله مشي.. ومناك يكون قريب... فالجي بي اس وايد ساعدنا في هالحالة.. وبرنامج المترو بعد
كان مفيد...
بخصوص الميزانية ما ادري... يعتمد عالصرف... أنا شخصيا قبل ما نسير حددت الاماكن اللي بنسيرلها وشفت اسعار الدخول
وحسبنا صرفنا.. شي تقريبي يعني... فيتهيألي هالطريقه بتكون مناسبه

وبالتوفيق​

 

[مسكنهم روحي]

الله ينمم لكم على خير
بالنسبه لنكاوي كان لنا سواق جداااااااا طيب ومتعاون ويفهم فالسياحه وعارف الاماكن وهو بنفسه يقطع التذاكر ويعطيكم القسايم مخلص وامين
الساعه كانت ب 25 رنقت وبعدها يوصلنا الفندق
وبعدها اعطانا رقم سواق تعاملنا معاه فبينانق
اما كوالا العاصمه انصحك تخلين الفندق فمنطقة شارع العرب بوكيت بينتانج لانه يسهل عليك التنقل وكوالا ماتتعب بالتنقل التكاسي فيها بكثررررره
واسعارهم كاسري معاهم
انصحك لاتفوتين مجمع سوجو جداااااااا راقي واسعاره حلوه
واي استفسار انا فالخدمه