خبيرات لندن و مانشستر رايكم مهم في جدولي لمدة 13 يوم

[حنان العيون]

هذا جدولي السياحي لمانشستر (9ليالي) و لندن (4ليالي)
صارلي أكثر من شهر و أنا اقرا في لندن و مانشستر
ليما سويت هالجدول يعني تعبت تعب موطبيعي

وايد قرقت شوفوا الجدول






















و هم أبي رايكم احجز التذاكر من الحين للقطارات و الأماكن السياحية ؟

 

[حنان العيون]

شدعوة و لا رد واااحد

محد فيكم رايح لندن

 

[غلاي غير]

عليج بالعافيه السفره
بس 4 ليالي حق لندن شويه
الا اذا رايحتلها من قبل وتبين التسوق بمانشستر

 

[يداعبها الخجل]

حبيبتي ممكن ارعف ليه اخترتي الليالي في مانشتر اكتر من لندن ,,,,
ايش المميزات اللي فيها تخليكي تستغني عن المكوث في لندن لمدة اطول ,,,
وتقريرك لوكان بالعربي افضل ,,,
ودمتي في حفظ الرحمن ...

 

[حنان العيون]

صراحة اخترت مانشستر لانها في وسط بريطانيا فسهولة الوصول منها الى باقي المناطق المجاورة
و ارخص كمعيشة بوايد من لندن
و لندن خليتها اربع ليالي فقط للتسوق و مشاهدة اهم المعالم السياحية

 

[&موناليزا&]

عزيزتي 9ايام في مانشستر واااااايد

 

[دلوعة أبوهآ]

سفره موفقه يآرب

 

[كويتيه ذربه]

سلام اختي عندي استفسار انتي اي طيران ماخذه من لندن الى مانشستر لاني محتاره بالطيران الداخلي
وشكرا

 

[nice^tagweem]

بالنسبه للتذاكر القطارات متوفره..ويفضل تحجزينها قبلها بيوم ارخص...لا تحاتين
بالنسبه لمانشستر..الشرح مو واضح فبقول الي عندي وانتي شوفي الي يعجبج

البكاديلي حلو التمشي في..زياره نادي مانشستر ..زياره شارع (الرشم) كله مطاعم عربيه وهنديه روعه
زياره مدينه بلاك بول (على البحر حلوه مع الملاهي)..زياره ليفربول (نص ساعه بالقطار عن مانشستر) حلو التمشي فيها معنى احسها عاديه مافيها شي..زياره الريف (نسيت اسمه بس جنه..شيفلد) ..حطي بالج ان مانشستر ابرد من لندن..والامطار بمانشستر شبه يومي ما يوقف..
بالنسبه حق لندن مو لازم اشرح خو محفوظه الكل يعرفها..وبالتوفيق

 

[أبله أريج]

ااااااااااااب

 

[noty]

هلا حبيبتي ما ادري اذا ليلحين تبين معلومات

ان شاء الله انا بعد قاعده اخطط للرحله هذي

مانشستر كسووق وايد حلوو و المناطق اللي يمها بعد واايد حلووة

و تقدرين تسوين لج جدول كل يوم تروحين منطقة

تطلعين من الصبح بدري حييييل عشان تستمتعين

طبعا في طيران دايركت حق مانشستر خلي الرحله كويت مانشستر الروحه ،، و الرجعه خليها لندن الكويت

يوم sheffield تبعد بالسياره ساعه
يوم leeds تبعد ساعه او اقل بعد
يوم birmingham تبعد ساعه و نص تقريبا
يوم liverpool ساعه الا ربع
يوم blackpool تبعد ساعه
newcastle شوي ابعد ساعتين و نص

تقدرين تختارين من هالمناطق دامج واصله مانشتسر حرام ما تاخذين هالتور
انتي قاعده بمانشستر ٨ ايام خلي ٥ ايام حق المناطق اللي حولها و الباجي لها

و بعدين بلندن يوم اوتلت و يوم اكسفورد و بوند ستريت و عندج يعني قسميه كله سوق و اخر السوق ختميها بالحدايق
حاولي تقعدين مبجر عشان تستغلين يومج كله

و الله وياااج و رحلة موفقه ان شاء الله

 

[امـ خــزامـى]

موفقه برحلتك حبيبتي

مااقدر افيدك بشي لاني محتاااااااااره ومو عارفه ارتب جدولي
رحلتي 12 يوم
مره اقول 5 ايام لندن و5 ايام مانشستر
ومره اقول 6 ايام لندن و2 مانشستر و2 منطقة البحيرات
طبعا يومين الزياده خليتها للمطار للقدوم الى بريطانيا والعوده الى الرياض عشان كذا مااحسبهم لجدولي السياحي


وان شاءالله انظم جدولي وارتاح بمساعدتكم حبيباتي