خبيرات لندن... ممكن مساعده؟؟

[كوكي العسل]

سلام كويتيات

انا راح اسافر لندن الشهر الجاي ان شاء الله و هاي اول مرة .... و لمدة اسبوع

ابي اعرف شنو الاماكن السياحيه اللي بلندن اللي لازم ازورها عشان احس نفسي زرت لندن :krkrkr::krkrkr::krkrkr:

يا ريت ما تبخلون علي

شكرا لكم مقدما حبايبي :eh_s(17)::eh_s(17)::eh_s(17)::eh_s(17):

 

[كـثـر الغـــلا]

ياهلا ومرحبا اختي العزيزه

اولاً حطي في بالج ان لندن 90% من سياحتها تسوق

بس هم مالازم تطوفينها

عندج لندن اي على النهر لازم تروحين تركبينها
ويمها كافيهات وجدامها البق بن

طبعاً لازم تصورين وراج البق بن عشان تصيرين صج في لندن

وقصر بكنقهام قصر الملكه الساعه ١١ الصبح تبديل الحرس لايطوفج يونس
وزحمه ويصكون الشارع وشرطة وعالم

والبيكادلي ستريت لازم تروحين له وتصورين ورا لوحة الاعلانات الشهيره
وفيه محلm&ms مقابل ماكدونلز ملابس واكسسوارت وحلويات متعه يونس

والاكسفورد ستريت وصوري عند بوابة الماربل ارش وراس الحصان هذا من معاالم لندن

وبريمارك طبعاً دشي ولاتطلعين الا من باجر ههههههه بس صج ماودج تطلعين منه

وطبعاًالهايدبارك شي ضروري تروحين لها

ومجمع الويست فيلد في منطقة شبردبوش
ويمه تروحين مشي شبردبوش ماركت
كله عرب عندهم جاكيتات وشالات ودراريع لندن المخمل والقطن والحرير

ولايطوفج صمونة الفلافل عندهم تهبل

وسفاري بارك بس تروحين لها مسافة ساعه من لندن

حيوانات مهدوده وتفترين عليهم بسياره
تقدرين تروحين مع قروب سياحي في شارع اجورود قروبات عربيه
اشهرهم مكتب زين ينضم لج رحلات حلوه

ومنطقة برايتوان منطقة بحريه تبعد ساعه عن لندن هم تروحين مع قروب حقها

واهم شي بستر فلج الاوت لت لايطوفج

هذا اللي طرا علي واي استفسار حاضره

 

[ام حنااين]

اضيف على رد كثر الغلا
لازم تروحين متحف مدام توسود للشمع
وتروحين حديقة الحيوان عندهم عجيبة وجنبها الريجنت بارك
صج هالمكانين يستحقون الزيارة

التسوق شارع اكسفورد كل يوم بتروحين له ولا بيخلص
هارودز والاوت لت لو كنتى بتشترين ماركات مميزة مع سيلفردج اكسفورد طبعا

الاكل الاسلامى خلاص انتشر عندهم بكل مكان لكن يظل اهم مكان ادجوررود فيه المطاعم وبقالات عربية وتاخذين خط تليفون ورحلات برة لندن لكادبورى وبرايتون ومزرعة الفواكه تحجزينها هناك اذا ماتعرفين بالقطارات .

 

[كوكي العسل]

حبايبي و الله ما قصرتوا

جزاكم الله الف خير