خبيرات فيينا ضروري

[كنوز78]

السلام عليكم

شلونكم بنات

بغيت مساعدتكم ضروري

ابي المسافه بين فيينا و فينيسيا بايطاليا؟؟ كم ساعه بالقطار؟؟ واذا بعيدة وين تنصحوني اطلع من فيينا لأن وجهتي الاولي فيينا وودي اطلع منها لدوله اوروبيه ثانيه.. لا تقولون المانيا لأن رحت ميونيخ و زلامسي هالمره ودي اغير


و شكرا

 

[كنوز78]

شدعوه بنات ولا وحدة تعرف!!!

 

[القصيدة]

السلام عليكم و رحمة الله و بركاته

سوري يا قلبي لسّا شفت الموضوع

المسافة بين فيينا و فينيسيا حيـــــــــــــــــل طويلة .. بينهم تقريباً 900 كلم

و الرحلة بينهم باستخدام القطار لازم توقف بمحطة و بعض الرحلات محطتين

يعني تقريباً 10 ساعات إذا مو أكثر .. ممكن تروحون بالطيران الاقتصادي

ممكن تروحين لفينيسيا من زيلامسيه بالسيارة أو القطار

هذا لينك تبع موضوع ممكن يفيدك http://www.q8yat.com/t987752.html

من فيينا ممكن تطلعين لـ سلوفاكيا + المجر + التشيك

هذا رابط لموضوع عن رحلة من فيينا إلى سلوفاكيا ممكن يفيدك http://www.q8yat.com/t988577.html

و بإذن الله إذا ربي سهّل راح أنزّل تقرير عن رحلة من فيينا إلى المجر الليلة


و إذا بتروحين مدن و قرى ثانية في النمسا غير زيلامسيه ،، ممكن تروحين سالزبورغ + انسبروك + فيلاخ + هالشتات

موفقة الغاليــــــــــــــــة :eh_s(7):



​

 

[كنوز78]

مشكوره يا قلبي عالرد .. واذا احد يعرف طريقه الحجز عالطيران الاقتصادي يفيدني جزاكم الله خير

 

[القصيدة]

السلام عليكم و رحمة الله و بركاته

هذا موقع للطيران الاقتصادي في أوروبا

http://www.flylc.com/directall-en.asp

و هذا موقع الطيران الاقتصادي الإيطالي

http://www.blu-express.com/en/index.html

و هذا موقع الطيران الاقتصادي النمساوي

http://www.laudaair.com/site/index.php?id=1&L=1


راح أرسل لك ع الخاص اللينك تبع طريقة الحجز لأنه من منتدى ثاني و مدري إذا قوانين المنتدى هنا تمنع روابط لمنتديات ثانية

و يا هلا :eh_s(17):​

 

[كنوز78]

مشكوره حبيبتي كفيتي ووفيتي جزاج الله خير