خبيرات طبخ الدياي واللحم هيلب مي !!!

[~*~الملكة~*~]

السلام عليكم

شلونكم بنات

مشكلتي ان ريلي دايم يقولي ان الدياي او اللحم يكون ناشف واهو يبيه طري



حاولت بكذا طريقه بس ماوصلت النتيجه اللي يبيها

ساعدوني

 

[جارة القمر]

ممكن تقولين طريقتك

 

[ام الدرر]

حبوبة
اللحم او الدياي اذا طبختيه واستوى
طفي النار وخليه بماي الطبخ نص ساعة مغطى
الايدام بينقع بالماي ويصير ترف
عقب شيليه
اما تقلينه او تحطينه بالفرن ​

 

[الغاليه نونو]

شوفي يمه اذا تبن اللحم يتم طري اعلمج الطريقه بالمجبوس لي استوي اللحم وعطيتيه ماي الزعفران والهيل قبل ماتقلينه اتحطين انتيفة دهن بالمقله وتشوحينه بس يتغير لون اللحمه تشووقر لاتتقلينها وايد تصير عرده لي قليتيها وخلصتي حطيها بجدر العيششش يم الحشوو علشان العيش ياخذ ريحة اللحم والحشو ويصير خنين كلششش وحطي قصدير عالجدر وغطيه وتعالي وقت الاكل شوفي اللحمه طريييييييييييه وتهبل
والديايه نفس الشي بعد لما تقلينها خليها فوق العيش علشان تاخذ من بخار الجدر واتم طريه
بس لي سويتي اللحم والدياي مشوي انا اسلق اللحم بس الدياي ما اسلقه قبل الشوي عادة احطه بالجيس مع التتبيله وطماط وبصل وكرفس وبهاراتي وليمونه واخليهم بالفرن والجيس مربوط بس اسوي فيه فتحات صغيره وقبل ماتتحمش الدياايه ابط الجيسسسس بلسجينه واخليها تاخذ لوون وعقب احطها بالصحن وازينه بالخضره اللي ابيها واذا بطاط مقلي يعني انتي وكيفج ياقلبي شتحبين حطيه

 

[اسـمـحـيلي يـالغـرام]

قبل لاتخلصين حبيبتي من طبقج سواء كان لحم او دياي غطي الجدر بقصدير وشوفي اشلون يلين من البخار ويطلعلج طري ولذيييييييييييييييييذ ولاتغرفينه قبل الوجبه بمده طويله لاااا وانتي تحضرين للسفره اغرفيه وبألللللللللللللللف عافييييييييييييييه حبيبتي

 

[جارة القمر]

والملح لا تحطينه بأول الطباخ



خليه بالأخير حيبتي

 

[اميره1980]

لا تسلقيته اكثر من الوقت اللازم
غزي فيه شوكة و شوفيه استوى او لا علشان يطلع مضبوط
و اذا تبين تقلين اللحم او الدياي خليه يحومر شويه بدون زياده
و بالنسبه اللحم لا تحطين الملح فيه ببداية السلق يعني قبل لا يستوي جذي بربع ساعه بس حطي ملح

 

[~*~الملكة~*~]

مشكوووووووووووورين ماقصرتوا


انا طريقتي اسلق اللحم او الدياي عقب احمره بالفرن

وجربت طريقة الجيس وطلع الدياي حده ترف ولذيذ بس قالولي مو زين الجيس

ولامره جربته بالمقله خل اجرب وان شاءالله تضبط معااااااااي