خبيرات سوق تايلند ابي مساعده لو سمحتوا

[om wahabi08]

مرحبا خبيرات تايلند
انا بروح بانكوك وابي منكم خدمه بليز ابي المحلات اللي يبيعون التقليد اللي حده درجه اولى نفس اللي ييبونهم من الصين ما تفرق عن الاصليه وين مكانهم
وابي بعد شنو اكو اشياء غريبه نيبها من هناك ملابس ولا كريمات زينه و اي شي حلو غريب

 

[Qomar89]

بليــــــــــــــــــــــــــــز
ساعدونا نب روووح ومو عارفين شي

 

[om wahabi08]

يا حافظ وينكم يلا علمونا

 

[تيرماسو]

ام وهابي فديتج توني اشوف موضوعج

عندج تقليد الماركات عند اوم وفريده - بيكونون صوب شارع العرب
في اكثر من مكان بس والله ما اذكرهم - زوجي ما يحب هذيك المنطقه دوم يحجز لنا بعيد عنها

اذا وقتج كافي بتقعدين مده مري على - سن لوم نايت بازار - طبعا تغير مكانه واسمه - اسمه براديز

انا سألت الفندق وقالولي بس قالو ابعيد عن مكان الشقه الي انا ساكنتها

الكريمات - بالام بي كي - الكشكات المخصصه لتجميل والصيدليات
ومحلات خاصه عندهم هل السوالف بس يبيلج تفرينه عدل

في محلات في اسواق البتونام - وايد شغلات فيها نفس الي بالمجمعات بس هذا جمله او من 3 قطع واكثر

انصحج بالجناط ومحفظاتها الي تكون صناعه تايلنديه الصراحه شي - غاليه شوي بس عجيبه

اذا تحبين عزج الله الاحذيه الطبيه سواء الكعب او المسطح انصحج فيها اسعار حلوه

احس ارخص من عندنا بالامارات - كويتيه عايشه بالامارات -


الملابس الداخليه الدانتيل والي فيها كرستال حلوه عندهم

مري على محلات طوكيو - روبنسون - رشدا كارفور - بسطات big c
مري على سيام - برقون


نسيت اقولج منزلين جناط سفر مع جنطة الايد طقم مقاسات وانواع حلوه

ما لقيتها عندنا بالامارات لا بسوق التنين ولا غيره ​

اذا تذكرت شي برد ان شاء الله

واذا عندج سؤال لا يردج الا كي بوردج ​

​

 

[.]

مثل شنو الماركات التايلنديه ووين نحصلهم ؟؟

 

[مشتطـه]

حبيبتي فريدة بو طقة جناطها مثل سوق الكويت


انا بعلمج على محل تقليد درجة اولى بس الجنطة بـ 60 كويتي

اذا تبين دزيلي عالخاص اكتب لج عنوانها

اهي بمحل ب طوكيو

 

[كات 511]

اشدعوه كلنا بنستفيد ليشششششششششششششششششش عالخاااااااااص؟؟؟
صج حريم ههههههههههههههههههههههههههه

 

[um khaled]

انا راده من اسبوعين وشفت ان التقليد سواء كان درجه اولى والا عاديه ما يسوون
لان ماركاتهم حلوه
و في ماركات وشغلات ما عندنا هني تسوى نشتريها
والماركات من lv الى guess
وخصوصا بهالوقت تنزيلات
اذا تبين التقليد موجودين ب mbk وفي اللي بالخشيش ينباعون واسعارهم لي 200 و250
روحي شوفي الجناط ب the mall و central و طوكيو اللي ب mbk
وبعد اللي بمجمع بلاتينيوم و الكشخه اللي paragon
وبس

 

[om wahabi08]

انا راده من اسبوعين وشفت ان التقليد سواء كان درجه اولى والا عاديه ما يسوون
لان ماركاتهم حلوه
و في ماركات وشغلات ما عندنا هني تسوى نشتريها
والماركات من lv الى guess
وخصوصا بهالوقت تنزيلات
اذا تبين التقليد موجودين ب mbk وفي اللي بالخشيش ينباعون واسعارهم لي 200 و250
روحي شوفي الجناط ب the mall و central و طوكيو اللي ب mbk
وبعد اللي بمجمع بلاتينيوم و الكشخه اللي paragon
وبس

ايي انا ابي اللي بالخشيش وين ابي ساعات وجناط