خبيرات دبي

[malak 7ayati]

هاي بنات انا بغيت اسأل عن جو دبي بعد اسبوعين على 15 ديسمبر شلون الجو بارد ولا حلو وخصوصا باخذ بنتي معاي وهي صغيرة يعني اخذلها مثل الكويت ولا اخف انا خبري فيها قبل 3 سنوات كان جوها ربيعي بس اخاف على بنتي برد ؟؟؟؟ وبقلون اهي الحين ابرد من قبل ؟؟؟؟؟؟؟؟؟؟؟ وشنو الاسواق اليديدة عندهم ؟؟؟؟؟ وثانكس يااحلى بناااااااااات

 

[أثير الورد]

هلا اختى
انا بروح باجر
واجيب لج الخبر
وراح اقعد بس يومين

 

[@ دهن العود @]

حبيبتى دبى ما فيها برد

انا رحت لها شهر 1 كان هواها حلو بس اذا ركبت السياره او دخلت غرفة الفندق لازم انشغل التكييف يعنى ما عندهم برد

وبالنسبه للاسواق انا عن نفسى احب اتسوق بالاسواق هذى:

حمر عين + السوق الصينى + سوق نايف + سوق مرشد + سيتى سينتر

 

[بنت بلتيمور]

لا والله يجينا برد بس مو مثل برد الكويت .... بس احذري تقلبات الجو و خذي احتياطك من اللبس ... خلال النهار الجو حلو و ربيع بس في المساء يبرد .. خصوصا انه افتتاح القريه العالميه و المهرجان بيكون في ديسمبر و مكانها في صحراء و الجو بارد جدا هناك في المساء ....​

 

[brettey]

طبعا المجمعات الحلوه فيستيفال سنتر -مول الامارات-ابن بطوطه-سيتي سنتر -برجمان-مدينه الغرير-ميريكاتو-الوافي-هذول بدبي
وفي بالشارجه صحارى يهبل روووعه ومو بعيد نصيحه لا يطوفج يبعد 10 دقايق عن دبي
يا حلو دبي صيف شتا بكل الاحوال حلوه

 

[supermarket]

اختي دبي حتى بالشتا نلبس صيفي

بس اخذي معاج لبس ربيعي لبنتج لليل

خاصة اذا رحتوا اماكن مكشوفة مثل البحر

 

[tofy]

انا نفس هالحزه العام كنت هناك الجو حلو يعني 24 25 23 بس احتياط اخذي جاكيت خفيف حق بنتج

انا خذيت معاي جاكيت حق ولدي بس ما احتجتة براد مو برد

 

[tofy]

ونسيت اقولج ان فيه مجمع يديد اسمه دبي فستفال سيتي واييييييييييد حلو وفيه محل سيفورا مال الميك اب

ومجمع تايم سكوير واي يؤال انا حاضره لانه توني يايه ومعلوماتي فرش

 

[بنت عبدالغني شربت]

والله انا رحت لها من قبل جم سنه شهر 12 كان برد والجو عجييييييييييييييب

بس اهم شي السفاري بهالجو لا يطوفج

 

[د.شريفة]

جوها حلو وينن بالفتره هذي جنه جو الكويت شهر 3
بس بالليل برد خصوصا في القرية العالميه يعني انتي تلبسيني صيفي واليهال جم طويل قطن وبالقريه العالميه لالا لازم تتدفين لان بالليل برد وخصوصا انها بالبر بعيده عن الديره شرينا شالات من الركن الباكستاني من البرد

 

[malak 7ayati]

واي شوقتوني شنو هذي القرية العالمية واشكثر تبعد عن دبي واي حزة اروحلها ولا لا ؟؟؟؟ بليز ابي معلومات عن احلى الاماكن لاني ماراح اطول بس 3 ايام والرابع رادة انشالله

 

[بنت بلتيمور]

13 ديسمبر تفتح القريه العالميه ...

 

[malak 7ayati]

شنو القرية العالمية

13 ديسمبر تفتح القريه العالميه ...

هلا حبيبتي بنت بلتمور شنو القرية العالمية وينها ؟؟؟ بالضبط وشكلج انتي منن اهل دبي ؟؟؟ ياليت تفدينا شنو في اماكن حلو :friends:

 

[albootot]

انا قبل اسبوعين كنت بدبي وبصراحة الكويت وااايد ابرد يعني بالنهار صيفي بس يمكن الحين يبرد مع المغرب يعني اخذي معاج حاكيت ما تكون وايد ثقيله حق بنتج وبالنسه للمجمعات عندج دبي فيستسفال وايد حلو والامارات مول وسوق التنين وابراج الامارات وبرجمان واذا تبين شيلات وعبي حلوه وراقيه عندج مجمع ابو الهيل وتروحين وترجعين بالسلامه

 

[بنت بلتيمور]

هلا حبيبتي بنت بلتمور شنو القرية العالمية وينها ؟؟؟ بالضبط وشكلج انتي منن اهل دبي ؟؟؟ ياليت تفدينا شنو في اماكن حلو :friends:

القريه العالميه عباره عن سوق مفتوح يمثل كل دوله ... مثلا عندج مجسمات لمعظم الدول الاوروبيه و العربيه و الخليجيه و كل دوله تعرض منتجاتها خصوصا دول الشرق ... بالإضافه للعروض اليوميه و المطاعم و المقاهي و العاب الملاهي ... وناسه